Isaia 7:3 - ÎVUKU RÎA ÛVORO MWARO

³ Ngai-Mûnene nîwerire Isaia atîrî, “Oca mûvîcîguo Shearijashubu, na mûthiî nake mûgatûnge mûthamaki Ahazi. Nîûgûtûngana nake njîrarî kûrîa nguo itumagîrwa, mûthiiarî wa mûtaro ûrîa ûretaga manjî kuuma kariarî ka mwena wa îgûrû.

Isaia 7:3 ပူးပေါင်းရင်းမြစ်များ

2Atha 16:1

Mwakarî wa îkûmi na mûgwanja (17) Peka, mûvîcî wa Remalia arî mûthamaki wa Isiraeli, Ahazi mûvîcî wa Jothamu nîwatuîkire mûthamaki wa Juda

2Atha 18:17

Mûthamaki wa Asîria nîwatûmire athigari eengî a mbaara kuuma Lakishi mathiî makatharîkîre Hezekia kûu Jerusalemu, matongoretue nî anene athatû. Rîrîa maakinyire Jerusalemu, nîmeekarire vakuvî na mûtaro ûrîa ûvîtûkagia manjî kuuma kariarî ka mwena wa rûgûrû varavara nene îrîa yerekerete kûrîa nguo itumagîrwa.

2Atha 20:20

Maûndû mengî monthe marîa Hezekia eekire, ciîko ciake cia ûcamba, na ûrîa enjire karia ka manjî na akînja mûtaro wa kûvira manjî îtûûrarî rînene, nîmandîke Îvukuurî rîa Maûndû ma Tene ma Athamaki Juda.

Nehemia 3:16

Nehemia mûvîcî wa Azibuki ûrîa wathaga nuthu ya vûrûri wa Bethizuri nîwatumire rîngî rûthingo varîa varoranîtie na mbîrîra ya Daudi, kariarî, nginya nyombarî ya arûme arîa maarî vinya.

Ntha 7:15

Kwoguo rûyû kîraûko, ûgooca mûragi waku ûrîa wagarûrûkire ûgîtuîka njoka ûthiî naguo rûtererî rwa rûnjî rwa Nailo. Thiî ûgeeterera mûthamaki wa Misiri vau nîûndû nîakaathiî rûnjîrî rwa Nailo kîraûko.

Isaia 10:21

Andû a Isiraeli arîa magaatigara nî magaacokerera Ngai mwene Vinya.

Isaia 22:10

Nîmwatarire nyomba cionthe cia Jerusalemu, mûkîomomora imwe ciacio nîguo mûgîe na mathiga ma gûcokereria nthingo cia îtûûra nîguo igîe vinya.

Isaia 22:11

Nîmwatumire îtangi gatagatî ka nthingo igîrî nîguo rigage manjî rîrîa magwîtîka kuuma kariarî karîa ka mbere. Nwatî mûtiacaria Ngai ûrîa wavangire maûndû mau, na mûtiaûria ûtethio wa Ngai ûrîa wavangire maûndû mau kuuma tene.

Isaia 36:2

Mûthamaki wa Asîria nîwatûmire Rabushake arî na athigari eengî a mbaara kuuma Lakishi athiî akagîre mûthamaki Hezekia kuuma Jerusalemu. Rabushake nîwarûngamire vakuvî na mûtaro ûrîa ûvîtûkagia manjî kuuma kariarî ka mwena wa îgûrû, varavararî nene îrîa yerekerete kûrîa nguo ithambagîrua.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Jeremia 22:1

Ngai-Mûnene arauga atîrî, “Nyûrûrûka ûthiî nyombarî ya mûthamaki wa Juda na warie ciugo ino;

Aroma 9:27

Nake Isaia nîwanîrîre ûvoro wîgiî Isiraeli akiuga atîrî, “Wana ethîrwa ciana cia Isiraeli nî nyîngî ta mûthanga ûrîa ûrî îriarî, nî andû anini mûno gatagatîrî kao makaavonoka,