Isaia 7:15 - ÎVUKU RÎA ÛVORO MWARO

¹⁵ Kaana kau gakaarîcaga ûûkî na kanyunyage îriia, nginya rîrîa gakaamenya kûthuura maûndû maro na kûrega maûndû macûku.

Isaia 7:15 ပူးပေါင်းရင်းမြစ်များ

Kîam 18:8

Iburahimu nîwocire maguta ma îriia, na îriia, na nyama, akîvirîra andû acio marîe. Nake nîwarûngamire varî o, nao nî maarîre marî vau rungu rwa mûtî.

Thaburi 51:5

Nie naaciarirwe nîrî na mavîtia; wana nyanya akîgîa îvu nîguo ngaaciarwa, naarî mwîvia.

Isaia 7:22

Nacio nîikaaruta îriia rîîngî nginya mûndû ûcio agîe na kîrîa kîonthe avataraga. Nao andû anini arîa magaatigara vûrûrirî makaanyunyaga îriia na makarîa ûûkî.

Amosi 5:15

Thûrani maûndû macûku na mwende maûndû maro, na mûrûmagîrîre kîvooto magootirî. Nwa kwîthîrwa Ngai-Mûnene, Mwene vinya wonthe nwa akinyîrie njiarwa cia Josefu irîa itigarîte wega wake.

Mathaayo 3:4

Johana eekagîra nguo yathondeketwe na guoya wa ngamîîra. Eeyovaga mûcivi wa rûûo kîûnûrî, na irio irîa aarîcaga ciarî ngige na ûûkî wa kîthaka.

Luka 1:35

Nake mûraika nîwamûcokerie atîrî, “Roho Mûtheru nîagûka kûrî we, naguo vinya wa Ngai ûrîa ûrî Îgûrû Mûno nîûgaagûkunîkîra ta kîruru. Kwoguo mwana ûcio ûgaaciarwa akethîrwa arî mûtheru na ageetagwa Mûriû wa Ngai.

Luka 2:40

Nake mwana ûcio nîwakûrire na akîgîa na vinya; na nîwecûrîtwe nî ûûgî na wega wa Ngai warî îgûrû rîake.

Luka 2:52

Nake Jesû nîwakûrire arî na ûûgî na vinya wa mwîrî na akîendagwa nî Ngai wa vamwe na andû.

Aroma 12:9

Nwanginya wendani wenyu ûtuîke wa ma. Menani ûndû ûrîa mûcûku na mûnyitie na vinya maûndû marîa maro.

Gûco 1:39

“Ngai-Mûnene nîwacokire agîtwîra atî, ‘Ciana cienyu irîa itangîvota gûkûûrana ûndû mwaro na mûcûku, icio mwaugire nîigaatavwa nî nthû cienyu, nîcio igaatonya vûrûrirî ûcio, na nîngaaiva guo ûtuîke wacio.