Isaia 66:4 - ÎVUKU RÎA ÛVORO MWARO

⁴ Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Isaia 66:4 ပူးပေါင်းရင်းမြစ်များ

2Atha 21:2

Manase nîwekire maûndû marîa mataakenagia Ngai-Mûnene, na kûrûmîrîra maûndû marîa meekagwa nî andû a mavûrûri marîa Ngai-Mûnene engataga, nao andû a Isiraeli magîtonyaga kuo.

2Atha 21:6

Nîwarutire mûvîcî îgongoona arî îtega rîa kûvîvua. Nîwaragûranagîra, akaringa ciama na akanyitanîra na ago na arogi. Nîwekîre maûndû mengî mûno macûku na agîtûma Ngai-Mûnene arakare.

Thaburi 81:12

Kwoguo nînaamarekirie mathiî na mbere na ûremi wao, na ngîreka meke wa ûrîa meendaga.

Nthi 1:24

Nîûndû naamwîtire na mûkîrega kwîgua, namûveneerie na njara na gûtirî mûndû watindanîrîre nanie.

Nthi 10:24

Andû arîa athingu manyitaga kîrîa meriragîria, nwatî andû arîa aganu manyitaga kîrîa metigîrîte mûno.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 59:15

Ûvoro wa ma ndwîthagîrwa kuo, na mûndû wa wonthe ûtiganaga na maûndû macûku nîkwa averithagua. Ngai-Mûnene nîwonire maûndû mau, na nîwarakarire nîûndû gûtiarî na kîvooto.

Isaia 59:7

Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 65:12

mûthiiarî ngaatûma mûragwe na rûviû. Ngaamûragithia muonthe, nîûndû rîrîa netanire mûtiambîtîka, rîrîa naririe mûtianthikîrîria. Nwatî mwekire maûndû macûku na mûkîthuura maûndû marîa mataangenagia.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Isaia 65:3

Andû aya mekaraga makîndakaragia vîndî cionthe. Marutagîra mîvuanano yao magongoona tûmîtitûrî tûrîa twamûre, na makavîvagîria ûbani îgûrû rîa metha cia magongoona irîa itumîtwe na matuvarî.

Isaia 65:7

nîûndû wa mevia mao na nîmaverithîrie mevia ma methe mao. Nîûndû nîmaavîvagîria ûbani îgûrû rîa irîma, na makanumaga marî îgûrû rîa tûrîma. Kwoguo nîmaverithia viû nîûndû wa maûndû marîa meekire tene.”

Jeremia 35:17

Kwoguo nie Ngai-Mûnene Mwene vinya wonthe Ngai wa Isiraeli nîrauga atî, nîngûretera andû a Juda na andû onthe a Jerusalemu maûndû monthe macûku marîa naririe îgûrû rîao, nîûndû nîmbarîtie nao na nîmaregete kûnthikîrîria; nînametire, nao matiambîtîka.”

Jeremia 7:13

Mue nîmwîkîte maûndû mama monthe, na mavinda meengî na namwarîrie na mûkîrega kûmbîgua, na namwîta mûkîrega kûmbîtîka.

Jeremia 7:30

“Andû a Juda nîmekîte maûndû macûku mbere yakwa, nîmekîrîte mîvuanano hekarûrî yakwa na magatûma îgwatwa nî mûgiro.

Ezek 11:8

Nîmwîtigîrîte mbaara; nîngaarete andû mamûtharîkîre.

Ezek 14:4

“Rîu marîrie ûmere nie, Ngai mbugîte atî, mûndû wa wonthe wa nyomba ya Isiraeli ûkeerirîria mîvuanano yake ya kûvowa, na etîkîrie mîvuanano îo îmûvîtithie, na acoke athiî kûrî mûrathi kûvoya ûtaaro, nîngaamûcokeria kûringana na wîngî wa mîvuanano îo yake.

Ezek 20:25

“Nînaamaretithîrie irîra cia mawatho mataarî maro ma kûrûmîrîrwa na matuîro ma ciira matangîatûmire mûndû atûûra mwoyo.

Mathaayo 24:24

Nîûndû Mesaya a maveeni na arathi a maveeni nîmakeyumîria. Nîmakoonania ciama na morirû nîguo mangîvota mavîtithie andû arîa Ngai ethuurîrîte.

1Sam 8:19

Nao andû nîmaaregire kûthikîrîria ûrîa Samueli aameeraga, na makiuga atîrî, “Naarî! Tue tûrenda mûthamaki,