Isaia 66:23 - ÎVUKU RÎA ÛVORO MWARO

²³ Kuuma kîrugo Kîam mweri mûcerû nginya kîrugo kîu kîngî Kîam mweri mûcerû, na kuuma thavatû îmwe nginya îrîa îngî, andû onthe nîmagaaûkaga gûkû Jerusalemu kûngoocera kuo.” Ûguo nîguo Ngai-Mûnene arauga.

Isaia 66:23 ပူးပေါင်းရင်းမြစ်များ

2Atha 4:23

Nake mûrûme nîwamûûririe atîrî, “Ûrenda kûthiî ûmûnthî nîkî? Ûmûnthî tî thavatû, wana tî kîrugo gîa karûngamo ka mweri.” Nake mûka nîwamwîrire atîrî, “Ndûkamake.”

Thaburi 22:28

Nîûndû Ngai-Mûnene nîke mûthamaki, na nîke wathaga mavûrûri.

Thaburi 65:2

Nîûndû we nîwîgucaga mavoya metû. Andû onthe nîmagaaûka kûrî we,

Thaburi 65:3

makîenda kwoverwa mevia mao. Rîrîa mevia metû mengîva mûno; we nîûtwovagîra.

Thaburi 86:9

Ndûrîrî cionthe irîa waûmbire nîigaaûka ikûgooce, we Mwathani; na nîikaanîrîra ûnene wa rîîtwa rîaku.

Isaia 19:21

Ngai-Mûnene nîakemenyithania kûrî andû a Misiri, nao nîmakaamûmenya na mamûgooce, na mamûrutagîre magongoona na matega ma kûvîvua. Nîmakevîta kûrî Ngai-Mûnene na mavingie mîvîtwa îo.

Isaia 19:23

Mûthenya ûcio, nîgûkethîrwa kûrî na varavara nene yumîte Misiri îthiîte vûrûrirî wa Asîria. Andû Asîria nîmagaceraga Misiri, nao andû a Misiri nîmagaceraga Asîria; nao andû a Misiri na andû a Asîria nîmakaagooca Ngai vamwe.

Isaia 2:2

Mavinda nî magaakinya rîrîa kîrîma kîrîa hekarû ya Ngai-Mûnene îtumîtwe, gîgaatuwa kîrîma kîraca gûkîra irîma cionthe, na gîtûgîrue gûkîra tûrîma tuonthe. Mavûrûri monthe nîmakaathiî kuo.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 49:7

Ngai-Mûnene mûkûri wa Isiraeli na ûrîa Mûtheru wake, arera ûrîa ûnyararîtwe mûno, ûrîa ûmenetwe nî andû a mavûrûri na nî ndungata ya athamaki atîrî, “Athamaki nîmagaakwona na marûngame magûtîîe; anene wanao nîmakenamîrîria mothiû mao magûtîîe.” Mageeka ûguo nîûndû wa ûrîa nie Ngai-Mûnene nîrî mwîvokeku, Ûrîa Mûtheru wa Isiraeli, nîke ûkûthuurîte.

Ezek 20:40

Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.

Ezek 45:17

Nake mûnene ûrîa ûrathana nîke wagîrîrwe nî kûvecana nyamû cia îgongoona irîa ikaavîvua itarî nthînje, matega ma irio cia mûgûnda na matega ma indo cia kûnyua vîndî ya irugo cia karûngamo ka mweri, thavatû na irugo cionthe irîa nyamûre cia andû a Isiraeli. Vamwe na ûguo nîakaaruta matega ma kûthiria mevia, matega ma irio cia mûgûnda, matega ma kûvîvua na matega ma thayû nîguo agwatanie andû onthe a Isiraeli.

Ezek 46:1

Ngai-Mûnene nîwambîrire atîrî, “Kîvingo gîa kîvaro Kîam ndarî kîrîa kîerekerete na mwena wa îrathîro nwanginya kîthagîrwe kîrî kîvinge mîthenya yonthe îtandatû îrîa îrutagwa wîra. Nwatî kîrugûragwe mûthenya wa thavatû na vîndî ya kîrugo gîa karûngamo ka mweri.

Ezek 46:6

Vîndî ya kîrugo gîa karûngamo ka mweri mûnene akaarutaga îtega rîa karegwa, tûtûrûme tûtandatû, na ndûrûme îmwe cionthe itarî na wonje.

Zakaria 14:14

Juda wana yo nîîkarûa na Jerusalemu. Na ûtonga mwîngî wa ndûrîrî cionthe irîa ithiûrûrûkîrîtie Jerusalemu wa thaavu, sîlûva, na nguo nîûkaaûnganua.

Zakaria 14:16

Nao andû arîa magaatigara marî mwoyo a ndûrîrî irîa ciarûire na Jerusalemu nîikaathiîcaga mwaka wa mwaka kûgooca Ngai-Mûnene mwene vinya wonthe ûrîa mûthamaki, na gûkûngûîra kîrugo gîa tûnyomba.

Zakaria 14:18

Ethîrwa andû a Misiri nîmakaarega kûthiî gûkûngûîra kîrugo kîu Kîam tûnyomba, nîakaamaretithîria mûrimû ta ûrîa aaretithîrie ndûrîrî irîa ciaregire kûthiî gûkûngûîra kîrugo kîu.

Zakaria 14:19

Rîu nîrîo îvera rîrîa rîkaaverithua andû a Misiri, na rîa kûverithia ndûrîrî cionthe irîa ikaarega kûthiî gûkûngûîra kîrugo gîa tûnyomba.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Johana 4:23

Nwatî kavinda nîgagûkinya karîa andû makaagoocaga Îthe wetû marî na Roho na ûma. Kavinda kau rîu nîgakinyu.

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”