Isaia 66:2 - ÎVUKU RÎA ÛVORO MWARO

² Nie mwene nînie naûmbire indo ino cionthe, na kwoguo indo ino cionthe nî ciakwa. Nwatî mûndû ûrîa ûngenagia, nî ûrîa wînyivagia na wîrirîte, ûrîa ûndîîte na ûmbathîkagîra.

Isaia 66:2 ပူးပေါင်းရင်းမြစ်များ

1Atha 21:29

“Nîwonete ûrîa Ahabu enyivîtie mbere yakwa? Nîûndû nîekîte ûguo, ndikaamûretere ûndû mûcûku ûtûûrorî wake; nwatî ngaarete ûndû mûcûku nyombarî yake vîndî ya ûtûûro wa mûvîcî.”

2Atha 22:10

Nîwacokire akîra mûthamaki atîrî, “Mûthînjîri-Ngai Hilikia nîwanengerire îvuku.” Nake Shafani nîwathomere mûthamaki îvuku rîu.

2Atha 22:11

Rîrîa mûthamaki eegwire ûrîa îvuku rîa watho rîaugaga, nîwatembûrangire nguo ciake,

Ezira 10:3

Kwoguo nîtûkûrûtha kîrîkanîro na Ngai wetû atî nwanginya twîngate aka aya na ciana ciao. Tûgeka wa ûrîa we na andû arîa metigîrîte maathani ma Ngai magaatûtaara twîke, na twîke ûrîa watho ugîte.

Ezira 9:4

Nînekarire nthî nîrî na kîeva nginya mathaa ma kîgongoona gîa kîvwaî. Andû arîa maaumîte îthamîriorî na nîmaamakîte nîûndû ûcio nîmaagomanire manthiûrûrûkîrîtie nîûndû Ngai wa Isiraeli nîwatûkaanîtie na akiuga tûtigatukane nao.

Thaburi 119:120

Nînîrainaina nîûndû wa gûgwîtigîra; na nînîregua guoya wa matuîro maku.

Thaburi 119:161

Andû arîa anene manyamaragia gûtarî na gîtûmi, nwatî ngoro yakwa îtûûraga îtigîrîte watho waku.

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 34:18

Ngai-Mûnene arî vakuvî na arîa akuû ngoro; nîavonokagia arîa onthe matete mwîvoko.

Thaburi 51:17

Îgongoona rîakwa kûrî we Ngai, nî ngoro îrî na wînyivia; ndûkaarega ngoro îrî na wînyivia na ûveri.

Thaburi 51:19

Nîûgaacoka ûkenue nî magongoona marîa ma ma na matega metû ma kûvîvua; na ndegwa nîigaacoka irutîrwe metharî yaku ya kîgongoona.

Nthi 28:14

Gûkena nî mûndû ûrîa wîtigagîra Ngai-Mûnene vîndî cionthe, nwatî mûndû wa ngoro nyûmû arîkagîrîria thînarî.

Nthi 29:23

Mwîtîîo nîûtûmaga mûndû agwa, nwatî mûndû ûrîa mwînyivia nî avecagwa gîtîîo.

Isaia 40:26

Taroriani îgûrû mwone! Nû waûmbire indo icio cionthe? Nî ûrîa ûitongoragia ta athigari ake a mbaara, nîaicî cionthe ûrîa ciîgana, aciîtaga cionthe na marîîtwa ma cio. Gûtirî wanarî kîndû kîmwe kîthagîrwa gîtarî vo, nîûndû Ngai-Mûnene arî vinya nyîngî.

Isaia 41:20

nîguo andû mone na mamenye, mecirie na mataûkîrwe vamwe, atî Ngai-Mûnene nîke wîkîte ûguo. Ûrîa Mûtheru wa Isiraeli nîke wîkîte ûndû ûyû.”

Isaia 57:15

“Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 61:1

Roho wa Mwathani Ngai-Mûnene ûrî nanie, nîûndû ke nîanthuurîte na akambîtîrîria maguta, nîguo mvirîre arîa akinyîrîrie Ûvoro Mwaro, ngaûmîrîrie arîa makuîte ngoro, nganîrîre kûrî arîa anyite atî nîmarekererua, nao arîa movetwe njeera nîmamenyithie atî nîmovorwa.

Isaia 66:5

Tathikîrîriani ûrîa Ngai-Mûnene akuuga, mue arîa mwîgucaga mûgambo wake mûkainaina: “Andû enyu arîa mamûthûrîte na mamûnyararîte marauga atîrî nîûndû wakwa, ‘Ngai-Mûnene nîonanie ûnene wake, nîguo tûone mûgîkena.’ Nwatî o ene nîo magaaconoka!

Hosea 11:10

Nîmakaanjaria nie Ngai-Mûnene, ûrîa ûrurumaga ta mûnyambû, rîrîa ngaruruma ciana ciakwa ikauma îthûîro igîtetemaga.

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Habakuku 3:16

Mbîgucaga ûguo ngamakania, mîromo yakwa îkainaina nî guoya, mavîndî makwa makagondoka, magûrû makwa makainaina. Nîmbetererete ngirîrîrîtie mûthenya ûcio wa mûthiro, ûrîa ûgaûka kûrî andû arîa matûtharîkagîra.

Mathaayo 12:6

Nie nîramwîra atî, ava varî na ûndû mûnene gûkîra hekarû.

Ciîko 7:50

Na kinthî tî nie naathondekire indo ino cionthe?’ ”

Ciîko 9:6

“Nwatî ûkîra wa rîu, ûthiî îtûûrarî, na nîûkwîrwa ûrîa wagîrîrîtwe nî gwîka.”

Afil 2:12

Kwoguo arata akwa, wata ûrîa mwambathîkagîra vîndî îrîa naarî vamwe namue, nîkwagîrîrîte mûmbathîkagîre mûno wana rîu nîrî varaca namue. Thiîni na mbere kûruta wîra mûrî na guoya na mûkinainaga nîguo mûrîkie ûvonokio wenyu.

Akol 1:17

Ke aarî kuo mbere ya indo cionthe na indo cionthe nîinyitanîte nîûndû wake.