Isaia 66:15 - ÎVUKU RÎA ÛVORO MWARO

¹⁵ Ngai-Mûnene agaaûka ekariî ta mwaki. Agaaûka akuuîtwe nî kîvuvûkanio, nîguo averithie arîa mamûrakarîtie na akaananie na nînîmbî cia mwaki.

Isaia 66:15 ပူးပေါင်းရင်းမြစ်များ

Thaburi 11:6

Nîakaaurithîria andû arîa aganu makara ma mwaki na ûviriti ta mbura, nîakaamaverithia na rûkûngi rûrî na ûrugarî mûnene.

Thaburi 18:9

Nîwavingûrire îgûrû na akînyûrûrûka nthî; aakinyîte matu mairû na magûrû make.

Thaburi 21:9

Nîûkaamathiria ta ûrîa mwaki ûvîvagia indo ikathira rîrîa akaaumîra. Ngai-Mûnene nîakaamathiria na marakara make, na nîmakaavîvua nî mwaki mathire viû.

Thaburi 50:3

Ngai wetû nîaûkîte, nwatî ndaûkîte akirîte; mwaki wa gûcûkangia ûrî mbere yake, athiûrûrûkîrîtue nî kîvuvûkanio kînene.

Thaburi 68:17

Mwathani nîwaûkire vandû varîa vatheru kuuma Sinai, arî na makiri meengî ma ikaari ciake cia mbarathi.

Thaburi 97:3

Mwaki ûthiîcaga ûrî mbere yake, ûthiîcaga ûkîvîvagia nthû ciake irîa irî vakuvî.

Isaia 10:17

Ngai, ûrîa arî ke ûtheri wa Isiraeli, akethîrwa ekariî ta mwaki. Mûtheru wa Isiraeli akethîrwa ekariî ta rûrîrîmbî rwa mwaki, ûrîa ûkaavîvia mîgua na nthaugû ciake mûthenya ûmwe.

Isaia 26:11

Ûûi Ngai-Mûnene, nîûkîrîrîtie njara yaku ûkîenda kûverithia nthû ciaku, nwatî itirona. Cionie ûrîa wendete andû aku na nîigaaconoka; tiga mwaki wa mang'ûrîka maku ûivîvie.

Isaia 30:30

Ngai-Mûnene nîagaatûma mûgambo wake ûrîa ûrî riiri wîguîke, na aringe nthû ciake na vinya arî na marakara. Nîgûkethîrwa na rûrîrîmbî rwa mwaki rwa kûvîvia viû, marurumî, ngûa na mbura ya mbembe.

Isaia 30:33

Nîûndû vandû va kûvîvîria Asîria vaathondekirwe wa tene; vandû vau nî îrima îriku na rîariî, varî na mwaki na ngû nyîngî. Ngai-Mûnene nîagaakania mwaki ûcio ta mwaki wa ûviriti.

Isaia 31:9

Mûthamaki wao nîakaaûra nîûndû wa kûnyitwa nî guoya, nao atongoria ao matiganîrie vendera ciao nîûndû wa kûmaka. Ûguo nîguo Ngai-Mûnene arauga, ûrîa mwaki wake ûrî Zayuni, ûrîa mwaki wake mûnene ûrî Jerusalemu.

Isaia 5:25

Kwoguo Ngai-Mûnene nî mûrakaru nî andû ake, nîatambarûkîtie njara yake akamaûraga. Irîma nîithingithîte, na ciimba cia andû arîa maûragîtwe ciîkariî ta ndagara njîrarî. Kûnarî ûguo, marakara make matiathira, nwatî nwa atambarûkîtie njara amaverithie.

Isaia 5:28

Mîguî yao nî mîûgî, na mota mao nîmatunge. Mavûngû ma mbarathi ciao maûmîte ta mathiga, na magûrû ma ikaari ciao mavinyûraga ta rûkûngi.

Isaia 51:20

Ciana ciaku nî ngirîku, mamamîte nthî ndeererî cia njîra cionthe, ta nthwariga înyitîtwe nî mûtego. Nîanyite nî marakara ma Ngai-Mûnene, nîanyite nî îvera rîa Ngai wenyu.

Jeremia 25:37

na ndîthia irîa irakirîrîrîtie nînjûkangie nîûndû wa marakara manene ma Ngai-Mûnene.

Jeremia 4:13

Taroria nthû yûkîte ta matu, ikaari ciake cia mbaara nîta rûkûngi rûnene; mbarathi ciake irî na îvenya gûkira nderi, kaî tûrî na thîna-î, tûrî athirie!

Jeremia 4:3

Ngai-Mûnene arera andû a Juda na atûûri a Jerusalemu atîrî, “Rîmani ngamba cienyu na mûtikavande mbegû mîguarî.

Jeremia 46:15

Apisi ngai yaku yavinyûrire nîkî? Ndegwa yaku îrîa îrî vinya yagwîre nîkî? Nîûndû Ngai-Mûnene nîwamîgwîthirie nthî!

Ezek 38:17

Kinthî tîwe, nie Mwathani Ngai-Mûnene naririe ûvoro waku tene na njîra ya arathi a Isiraeli ndungata ciakwa, ngiuga atî vîndî îmwe nîngaagûtûma akatharîkîre Isiraeli?”

Ezek 5:15

“Rîrîa ngaamûverithia nîrî na marakara meengî, nîmûgaatuîka kîndû gîa kûthekagîrîrwa na kûrumwa nî ndûrîrî irîa imûthiûrûrûkîrîtie. Nie Ngai-Mûnene nînie nauga ûguo.

Danieli 11:40

Rîrîa kavinda ka mûthiia ka mûthamaki wa Sîria gagaakinya, nîakaatharîkîrwa nî mûthamaki wa Misiri. Nwatî mûthamaki wa Sîria nîakeyûmîrîria arûe nake, amûtharîkîre na ikaari cia mbarathi, athigari arîa mathiîcaga mekarîrîte mbarathi na meri nyîngî. Nî akaatharîkîra mavûrûri mengî, na amavatîrîrie ta ûrîa mwîcûro wa manjî wîkaga.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Hosea 8:7

Mavandaga rûvuvo, na magaaketha rûkûngi rûnene! Mîmera yao ya ngano ndîgaciara wanarî kîndû, na îngîgaciara, maciaro mayo makarîwa nî ageni.

Amosi 7:4

Ngai-Mûnene, Ngai nîwamonirie Kîoneki gîkî gîa kaîrî. Nînonire Ngai-Mûnene Ngai agîta mwaki nîguo averithie andû naguo. Mwaki ûcio nîwavîvirie manjî ma îria nginya kûrîa kûrikîru mûno na ûgîtamba nginya nthî nyûmû.

Nahumu 1:6

Nû ûngîvota gwîtirîria marakara ma Ngai-Mûnene? Nû ûngîvota gwîtirîria ûrûrû wa marakara make? Mang'ûrîka make metûrûragwa ta mwaki; na nîenyûrangaga mathiga inuku.

Habakuku 3:8

We Ngai-Mûnene nî nyûnjî ikûrakarîtie? Nî manjî ma îria makûrakarîtie? Nîwathiîre ûtwîte mbarathi yaku, na ikaari ciaku cia mbaara ûkîvootana.

Zakaria 6:1

Nînaroririe rîngî na ngîona kîoneki. Noonire ikaari inya cia mbarathi ikiumîra gatagatî ka irîma igîrî. Irîma icio ciarî cia cuuma ya gîcango.

Mathaayo 22:7

Nake mûthamaki nîwarakarire. Kwoguo nîwatûmire athigari ake makaûrage aûragani acio, na mavîvie îtûûra rîao.

Gûco 28:20

Mweka maûndû macûku na mûtiganîrie Ngai-Mûnene, ke nîagaatûma mûnyitwe nî mûthiro, ivîngîcî na mûgîe na mathîna maûndûrî monthe marîa mûgekaga, nginya mûgaacûkangua mûthire viû na îvenya.

2Pet 3:7

Nwatî îgûrû na nthî irîa irî kuo rîu cigîtwe na njîra ya rîathani wa rîu rîa Ngai nîguo ikaathirua na mwaki. Nacio cigîtwe nîûndû wa mûthenya ûrîa andû arîa matarî na ûngai magaatuîrwa na mathirue.