Isaia 66:10 - ÎVUKU RÎA ÛVORO MWARO

¹⁰ Kenanîrani na îtûûra rîa Jerusalemu; na mûcanjamûke nîûndû wa rîo, mue arîa onthe mûrîendete! Kenanîrani narîo, mue muonthe mûrîcakayagîra!

Isaia 66:10 ပူးပေါင်းရင်းမြစ်များ

Thaburi 122:6

Voyani nîguo Jerusalemu kûgîe thayû, “Arîa makwendete marothatûkwa.

Thaburi 137:6

Rûrîmî rwakwa rûroremwa nî kwina, nîngîriganîrwa nîwe, we Jerusalemu; nîngîrega gûgûtîîa gûkîra indo irîa ngenagîra mûno.

Thaburi 26:8

Nîmendete hekarû yaku kûrîa ûtûûraga, we Ngai-Mûnene, na vandû varîa riiri waku wîkaraga.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 44:23

Kenani mue arîa onthe mûtûûraga îgûrû, nîûndû Ngai-Mûnene nîekîte ûguo! Anîrîrani mue nthî kûrîa kûriku! Inani mûkenete mue irîma, mîtitû na mîtî yonthe îrîa îrî kuo! Nîûndû Ngai-Mûnene nîakûûrîte Jakovu, na nîatûûra akumagua vûrûrirî wa Isiraeli.

Isaia 51:3

“Nîûndû nie Ngai-Mûnene nîngavoreria îtûûra rîa Zayuni, na ndûthe kûndû gwakuo kuonthe kûrîa gûcûkangu. Nîngaatua werû wa kuo ta mûgûnda wa Edeni, werû wa kuo nîûtue ta mûgûnda wa Ngai-Mûnene; kûu nîgûkethîrwa na gîkeno na gûcanjamûka, na nyîmbo cia gûcokia ngatho nîikeguîka kuo.

Isaia 65:18

Nwatî tûûragani mûkenete vîndî cionthe, mûgîcanjamûkaga nîûndû wa indo irîa ngûmba. Jerusalemu îrîa ngûmba îkethagîrwa îrî gîkeno, nao andû a kuo mageekaraga makenete.

Isaia 9:3

We Ngai-Mûnene, nîûtûmîte rûrîrî rûongerereke, nîûtûmîte rûgîe na gîkeno kînene. Nîmaracanjamûka marî mbere yaku, marî na gîkeno ta vîndî ya maketha, ta ûrîa andû makenaga rîrîa maragaana indo irîa matavîte.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”