Isaia 65:8 - ÎVUKU RÎA ÛVORO MWARO

⁸ Ngai-Mûnene arauga atîrî, “Andû moona thavibu inyitanîte vamwe irî mbaro meranaga atî: ‘Tûtikaithûkie, nîûndû nwa ciume ndivei.’ Ûguo nîguo ngeeka nîûndû wa ndungata ciakwa, na ndikaamathiria onthe.

Isaia 65:8 ပူးပေါင်းရင်းမြစ်များ

Kîam 18:26

Ngai-Mûnene nîwacokirie atîrî, “Ethîrwa nîngoona andû mîrongo îtano athingu îtûûrarî rîa Sodomu, nîngaavonokia îtûûra rîonthe nîûndû wao.”

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 10:21

Andû a Isiraeli arîa magaatigara nî magaacokerera Ngai mwene Vinya.

Isaia 10:22

Wana ethîrwa andû aku Aisiraeli nî eengî ta mûthanga ûrîa ûrî rûtererî rwa îria, nî andû anini tu magaacoka. Nîkûvangîtwe andû macûkangue, na gûcûkangua kûu gûgekîka na kîvooto.

Isaia 48:9

“Nîûndû wa rîîtwa rîakwa nîngûthiria marakara makwa, nîûndû wa ûkumio wa rîîtwa rîakwa nîngwîrigîrîria marakara makwa, nîmarigîrîria nîguo ndikamûthirie.

Isaia 6:13

Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Jeremia 30:11

Nîûndû nîngaûka nîmûvonokie, na njûkangie mavûrûri monthe viû, kûrîa namûnyaganirie, nwatî mue ndikamûcûkangia. Mue ndikamûrakereria ndamûverithîtie, ngamûverithia na njîra ya kîvooto. Nie Ngai-Mûnene nînie nauga Ûguo.”

Joeli 2:14

Nwa kwîthîrwa Ngai-Mûnene Ngai wenyu nîakwîricûkwa, na amûve irathimo cia irio nyîngî, mûcoke mûmûrutîre matega ma irio cia mûgûnda na ndivei.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.