Isaia 65:5 - ÎVUKU RÎA ÛVORO MWARO

⁵ Meraga andû arîa engî atîrî, ‘Mûtigatûkuvîvîrie; tue tûrî atheru kûmûkîra, mûtigatûvutie!’ Andû ta acio ndingîmakirîrîria, marakara makwa kûrî o mekariî ta mwaki ûrîa ûtavoraga.

Isaia 65:5 ပူးပေါင်းရင်းမြစ်များ

Nthi 10:26

Ndûkave mûndû kîgûûta wîra akûrutîre, nîûndû agakwîgwithia ngirira ta thiki îrî magegorî kana ta ndogo îrî metho.

Nthi 16:5

Ngai-Mûnene nîathûrîte andû onthe arîa etîi, nama, andû acio nwanginya makaaverithua.

Nthi 30:12

Kûrî andû meyonaga marî atheru nwatî methagîrwa matarî atheru.

Mathaayo 9:11

Na rîrîa Afarisai moonire ûguo, nîmaaûririe arutwa ake atîrî, “Nîndûî gîtûmaga mwarimû wenyu arîcanîre na evia na etia mbeca cia gooti?”

Luka 15:2

Nao Afarisai na arimû a Watho nîmaambîrîrie kûnuguna makiugaga atîrî, “Mûndû ûyû nîagwataga evia ûgeni wana nginya akarîcanîra nao!”

Luka 5:30

Nao Afarisai amwe wana arimû a Watho arîa maarî a gîkundi Kîamo, nîmaanegenirie arutwa a Jesû makîmeeraga atîrî, “Nîndûî gîtûmaga mûrîcanîre na mûnyunyanîre na etia a mbeca cia gooti wa vamwe na evia?”

Luka 7:39

Vîndî îrîa Mûfarisai ûcio wetîrîte Jesû irio oonire ûguo, nîweîrire na ngoro atîrî, “Mûndû ûyû angîrî mûrathi, nîangîramenya mûndûmûka ûyû ûramûvutia nî wa mûthemba ûrîkû, wana rîngî nîangîramenya mûndûmûka ûyû nî mwîvia.”

Gûco 29:20

Ngai-Mûnene ndakoovera mûndû ta ûcio. Vandû va ûguo, nîakaarakara nî mûndû ûcio na nîakaanyitwa nî irumi cionthe irîa mandîke îvukuurî rîîrî, nginya rîrîa Ngai-Mûnene akaathiria rîîtwa rîake gûkû nthî viû.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Juda 1:19

Andû acio nîo matûmaga andû magaûkane. Matongoragua nî merirîria mao ma kîîmwîrî, na matiîthagîrwa na Roho.