Isaia 65:22 - ÎVUKU RÎA ÛVORO MWARO

²² Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Isaia 65:22 ပူးပေါင်းရင်းမြစ်များ

Kîam 5:27

Nîwacokire akîgîa ciana ciîngî na agîkua arî na ûkûrû wa mîaka magana kenda ma mîrongo îtandatû na kenda (969).

Kîam 5:5

Adamu aatûûrire îvinda rîa mîaka magana kenda ma mîrongo îthatû (930) agîcoka agîkua.

Thaburi 21:4

Aakûûririe ûmûve ûtûûro, na Nîwamûvere guo, na nîwamûvere ûtûûro wa tene na tene.

Thaburi 91:16

Nîngaatûma atûûre kavinda karaca, na nîngaamûvonokia.”

Isaia 62:8

Ngai-Mûnene nîevîtîte na njara yake ya ûrîo, nîakaavingia mwîvîtwa ûcio na vinya wake akiugaga atî: “Ndikaava nthû cienyu irio cienyu rîngî, na ageni matikaanyua rîngî ndivei îrîa mûnogerete.

Isaia 62:9

Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Isaia 65:15

Andû akwa arîa nthuurîte magaatûmagîra rîîtwa rîenyu rîrîa makwenda mûnyitwe nî kîrumi. Makaaugaga atî: ‘Nie Mwathani Ngai-Mûnene nîngûmûraga.’ Nwatî nîngaava ndungata ciakwa rîîtwa rîcerû.

Isaia 65:9

Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.

Isaia 66:22

“Wata ûrîa îgûrû rîcerû na nthî njerû irîa ngaaûmba igaatûûra na vinya wakwa, nwaguo njiarwa cienyu na rîîtwa rîenyu igaatûûra.

Alawi 26:16

nî ngaamûverithia. Nî ngaamûretere mîrimû îtakaavora na mîrimû ya kûviûva mwîrî îrîa îgaatûma mûtuîke ndumumu na mûthirwe nî vinya. Mûkaavandaga irio, nwatî mûtikaairîa, nîûndû nthû cienyu nîcio igaaketha irio icio na iirîe.