Isaia 64:8 - ÎVUKU RÎA ÛVORO MWARO

⁸ Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Isaia 64:8 ပူးပေါင်းရင်းမြစ်များ

Ayubu 10:3

Wonaga ûgîka waro rîrîa ûkûnginyîrîria? Kana rîrîa ûranyarara wîra wa njara ciaku, na ûkenda wîra wa andû arîa aganu?

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 119:73

Wanyûmbire na njara ciaku na ûkînthondeka ûguo mbîkariî, mva ûtaûku nîguo menye maathani maku.

Thaburi 138:8

Ngai-Mûnene nîakaamvingîria maûndû marîa ambîrîîre. Wendo waku ûtathiraga we Ngai-Mûnene, ûtûûraga tene na tene. Ndûgatiganîrie wîra wa njara ciaku.

Thaburi 74:1

Nîkwa Ngai ûtûtiganîrîtie ûguo nîkî? Nîûtûûra ûrakarîte nî andû aku?

Thaburi 95:6

Ûkani tûmwînamîrîre na tûmûgooce, tûturie maru mbere ya Ngai-Mûnene, ûrîa watûmbire.

Ntha 32:12

Ndûkareke andû a Misiri mauga atî warutire andû a Isiraeli kuuma Misiri nîguo ûke ûmaûragîre gûkû irîmarî na ûmathirie viû. Tiga kûrakara, na ûgarûre meciria maku na ndûkarete mûthiro kûrî andû aku.

Ntha 4:22

Nawe nwanginya wîre mûthamaki, Ngai-Mûnene augîte atî, ‘Isiraeli nî îrikithathi rîakwa rîa mwanake.

Isaia 19:25

Ngai-Mûnene mwene vinya wonthe nîakaamarathima akiugaga atîrî, “Mûrorathimwa andû akwa a Misiri, mûrorathimwa andû a Asîria arîa naûmbire na njara ciakwa, na Aisiraeli arîa nîîthuurîrîte.”

Isaia 29:16

Mue mûgarûranagia maûndû monthe. Mûmbi wa nyûngû-î, nwa egananue na yûmba? Kîndû kîthondeketwe nwa kîre mûkîthondeki atî tîke wakîthondekire, kana kîndû kîrî kîûmbe kîre ûrîa wakîûmbire atîrî, “We ndwathondeka,” kana “We ndwîcî wanarî ûndû?”

Isaia 43:25

Nie nînie nakwoveere mevia maku nîûndû wa kwenda gwakwa, na ndikaaririkana mevia maku.

Isaia 43:7

Andû onthe arîa metanagua nanie, arîa naûmbire nîûndû wa riiri wakwa, arîa naûmbire na ngîtûma magîe kuo.”

Isaia 44:21

Ngai-Mûnene arauga atîrî, “We Jakovu, taririkana, we Isiraeli taririkana atî we wî ndungata yakwa. Nie nînie nakûmbire nîguo ûndungatagîre, we Isiraeli nie ndikaariganîrwa nîwe.

Isaia 44:24

“Nînie Ngai-Mûnene ûrîa wagûkûûrire; nînie nakûmbire ûrî nda ya nyûkwe. Nînie Ngai-Mûnene mûmbi wa indo cionthe. Nînie natambûrûkirie îgûrû na ngîûmba nthî na vinya wakwa, gûtirî mûndû wandethirie.

Isaia 45:11

Ngai-Mûnene Ûrîa Mûtheru wa Isiraeli, ûrîa mûmûmbi arauga atîrî, “Nwa mûmbûrie ûvoro wa ciana ciakwa, kana mûmbathîre wîra ûrîa ndutaga nie mwene?

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Isaia 57:16

Nîûndû ndigûtûûra ngararanagia tene na tene, kana ndûûre ndakarîte nîo vîndî cionthe. Nîûndû nîngîka ûguo, andû onthe nwa makwire, andû arîa nie naveere mwoyo.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Isaia 9:6

Nîûndû nîtûciarîrîtwe kaana. Nîtûvetwe kaana ga kavîcî. Na nîkavetwe vinya wa kwathana. Gageetwa, “Mûtaarani wa Magegania, Ngai mwene vinya wonthe, Vava wa Tene na tene, Mûthamaki wa Thayû.”

Jeremia 31:9

Magaûka makîrîraga methori, nîngamatongoria macoke ngîmaûmagîrîria. Nîngatûma mathiîrîre rûtere rwa tûrûnjî, makaathiîrîra njîrarî nûngarû matakûvîngwa, nîûndû nie nîrî îthe wa Isiraeli, na Efiraimu nî îrikithathi rîakwa.

Hosea 1:10

Nwatî andû a Isiraeli nîmakengîva ta mûthanga ûrîa ûrî îriarî ûrîa ûtangîthimîka kana ûtarîka; navo varîa Ngai-Mûnene amerire, “Mue mûtirî andû akwa” nîagaacoka ameere, “Mue mûrî ciana cia Ngai mûtûûra mwoyo.”

Malaki 2:10

Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.

Johana 8:41

Mue mûreka ûrîa îthe wenyu eekire.” Nao nîmaamûcokerie atîrî, “Ngai ke mwene nîke Îthe wetû na tue tûrî ciana ciake cia ma.”

Agal 3:26

Muonthe mûrî ciana cia Ngai nîûndû wa kwîthîrwa mûrî ûrûmwe na Kristû na njîra ya wîtîkio.

Agal 3:29

Ethîrwa mûrî a Kristû, mûrî a rûciaro rwa Iburahimu na nîmûkagaa kîrîa Ngai eeranîre.

Aefeso 2:10

Ngai aatûmbire ûguo twîkariî na njîra ya Kristû nîguo twîkage ciîko mbaro irîa aavangîte twîkage.

Gûco 32:6

Ûguo nîguo mwagîrîrwe nî gwîka Ngai-Mûnene, mue irimû ino na mûtarî na ûûgî? Kinthî tîke aguo ûrîa wamûmbire, ûrîa wamûmbire na akîmûtua rûrîrî?

Gûco 9:29

Nwatî Ngai-Mûnene, aya nî andû aku arîa wathuurire matuîke aku kîûmbe na ûkîmaruta ûkomborî Misiri na vinya na ûvoti waku mûnene.’