Isaia 64:7 - ÎVUKU RÎA ÛVORO MWARO

⁷ Gûtirî wanarî mûndû ûkûvoyaga; gûtirî mûndû ûkûvoyaga ûtethio. We nîûtwîthithîrîte na ûgatûtiganîria nîûndû wa mevia metû.

Isaia 64:7 ပူးပေါင်းရင်းမြစ်များ

Ayubu 10:9

Ta ririkana atî wanyûmbire na yûmba. Nîkwa ûrenda kûndutumûra nduîke rûkûngû rîngî?

Ayubu 8:4

Ethîrwa ciana ciaku nînjîvîriu Ngai, ke amaverithîtie kûringana na mavîtia mao.

Thaburi 100:3

Menyani atî Ngai-Mûnene nî Ngai. Nîke watûmbire, na tûrî ake, tûrî andû ake, na tûrî ng'ondu cia ndîthia yake.

Thaburi 14:4

Ngai-Mûnene araûria atîrî, “Nîkwa andû arîa mekaga maûndû macûku matarî na ûmenyo? Marîcaga andû akwa ta ûrîa marîcaga irio, na matingoocaga.”

Ntha 32:12

Ndûkareke andû a Misiri mauga atî warutire andû a Isiraeli kuuma Misiri nîguo ûke ûmaûragîre gûkû irîmarî na ûmathirie viû. Tiga kûrakara, na ûgarûre meciria maku na ndûkarete mûthiro kûrî andû aku.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 27:5

Tiga nwa maûkire kûrî nie nîmagitîre, tiga tûgîe na thayû nao, îî, tiga tûgîe na thayû nao.”

Isaia 45:9

Kaî mûndû ûrîa ûgianaga na mûmûmbi nî mûrume-î, ta nyûngû ya yûmba îkîgiana na mûmîûmbi! Yûmba nîrîûragia ûrîa ûmbaga indo narîo kîrîa araûmba? Wana kana rîmwîra atîrî, “Wîra waku tî mwaro!”

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 56:4

Nîûndû nie Ngai-Mûnene nîrauga atîrî, “Andû arîa ngaramba na mamenyagîrîra thavatû ciakwa, arîa mekaga maûndû marîa mangenagia na marûmagia kîrîkanîro gîakwa marî na wîvokeku,

Isaia 57:17

“Narakarire nîo nîûndû wa mevia mao na ûkoroku wao, nînamaverithirie, ngîmatiganîria na ngîtûmbwa nî marakara. Nwatî nîmaûmirie kîongo na makîthiî na mbere kûrûmîrîra njîra ciao o ene.

Isaia 59:16

Ke nîwonire atî gûtiarî na mûndû ûngîtethia arîa akinyîrîrie. Kwoguo ke nîatûmîra vinya wake amavonokie na amave ûvootani.

Isaia 59:2

Nwatî mevia menyu nîmamwamûranîtie na Ngai wenyu. Nî mevia menyu matûmîte amwîthithîre nîguo ndakamwîgue mwamûvoya.

Isaia 59:4

Rîrîa mwathiî îgootirî, gûtirî mûndû ûrûmagîrîra kîvooto. Gûtirî mûndû ûthitanganaga arûmîrîrîte ûma. Mwîvokaga mîario îtarî kîene na mûkaveenania, mûtungaga maveeni na mûgatûma maûndû macûku mekîke.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Jeremia 9:7

Kwoguo Ngai-Mûnene mwene vinya wonthe arauga atîrî, “Taroria andû akwa nî evia, nîngûmatheria na nîmagerie, nîûndû gûtirî ûndû wîngî nîngîmeka.

Ezek 22:30

Naacaririe mûndû gatagatîrî kao ûrîa ûngîtuma rûthingo na arûngame mbere yakwa vandûrî va andû a vûrûri nîguo ndikamacûkangie, nwatî ndianona wanarî ûmwe.

Ezek 24:11

Nîngaacoka mbigîrîre thuvuria îtarî na kîndû riiko rîrî na mwaki îvîe mûno, cuuma yayo ya gîcango îvîe nî mwaki nîguo gîko kîrarûke nacio nganga ivîe ithire.

Hosea 5:15

Nîngaacoka gîkarorî gîakwa na nîmetheme, nginya rîrîa makavera mevia mao na manjokerere. Mathîna mao nîmagaatûma manjarie makiugaga:

Hosea 7:14

O nîmangayagîra nwatî tî kuuma ngoro ndaarî. Maragaragara na magetemanga marî itandarî ciao, nîguo nyamûkîre matega mao ma ndivei na ngano; nwatî nîmareganîte nanie.

Hosea 7:7

Andû onthe makanîtwe nî marakara ta makara njikorî, na makaûraga atongoria ao. Athamaki ao onthe nîmagûîte, na gûtirî wanarî ûmwe ûngîmvoya ûrekero.

Malaki 1:6

Ngai-Mûnene mwene vinya wonthe arauga atîrî, “Mwana atîîaga îthe, nayo ndungata îgatîîa mwathi wayo. Ethîrwa nie nînie îthe wenyu, nîndûî kîgiragia mûmva gîtîîo? Na ethîrwa nînie mwathi wenyu, nî ndûî kîgiragia mûnîîtigîra? Nwatî mue athînjîri-Ngai mûragia, ‘Tûkûnyararîte atîa?’

Malaki 2:10

Na kinthî tuonthe tûtirî a îthe ûmwe? Na kinthî tuonthe tûtiaûmbirwe nî Ngai wa ûmwe? Nîndûî vi kîgiragia twîthîrwa tûrî evokeku mûndû na ûrîa wîngî, na tûgatûma kîrîkanîro Kîam Ngai na methe metû kîgîa na kîrumi.