Isaia 64:5 - ÎVUKU RÎA ÛVORO MWARO

⁵ We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Isaia 64:5 ပူးပေါင်းရင်းမြစ်များ

Thaburi 103:17

Nwatî wendo ûtathiraga wa Ngai-Mûnene, ûtûûraga tene na tene, kûrî arîa onthe mamwîtigagîra, na ûthingu wake ûtûûraga kûrî njiarwa cionthe,

Thaburi 112:1

Kumiani Ngai-Mûnene! Kûrathimwa nî mûndû ûrîa wîtigîrîte Ngai-Mûnene, ûrîa ûkenaga mûno rîrîa akwathîkîra maathani make.

Thaburi 25:10

Ngai-Mûnene nîatongoragia andû na wîvokeku na wendo, arîa onthe marûmagîrîra na makaathîkîra maathani make.

Thaburi 37:4

Cariani gîkeno kûrî Ngai-Mûnene, nake akaamûvecaga kîrîa mwîriragîria.

Ntha 20:24

Ndumîrani metha ya kîgongoona na mûthetu. Na îgûrû rîayo mûrutîre matega ma kûvîvua na ma thayû, ma ng'ondu na ndegwa cienyu. Vandû vonthe varîa ngaamûra mûngoocagîre vo, nîngaaûkaga kûrî mue na nîmûrathime.

Ntha 25:22

Vau nîvo ngaatûngana nawe. Na îgûrû rîa gîkunîko Kîam îthandûkû, gatagatî ka akerubi acio aîrî marî îgûrû gîkunîkorî Kîam îthandûkû, nîvo ngaakwarîria ngûnengere maathani ma andû a Isiraeli.

Ntha 30:6

Wige metha îo ya kîgongoona nja ya gîtambaa kîrîa gîcûrîte mbere ya îthandûkû rîa kîrîkanîro. Vau nîvo ngaakwarîria nîrî.

Isaia 1:30

Mûgekara ta mûvuru ûûmîte mathangû ma guo, kana ta mûgûnda ûtarî na manjî.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Isaia 27:8

Aaverithirie andû ake na njîra ya kûmavira îthamîriorî. Rîrîa kwarî na rûkûngi rûnene rwa mwena wa îrathîro, nîwamavonokirie kuuma kûrî rûkûngi rûnene.

Isaia 63:10

Nwatî nîmaareganire nake na makîrakaria roho wake mûtheru. Kwoguo Ngai-Mûnene nîwatuîkire nthû yao na akîrûa nao.

Isaia 63:7

Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Hosea 11:8

We Efiraumu, nîngîgûtiganîria atîa? We Isiraeli nîngîgûta atîa? Nîngîgûtua ta îtûûra rîa Adama atîa? Kana ngwîke ta îtûûra rîa Zeboimu! Nîregua ngoro yakwa îkîngiria, wendo wakwa kûrî we nî mwîngî mûno.

Hosea 6:3

Tigani twîrutanîrie kûmenya Ngai-Mûnene kumagara gwake nî gwa kwîvokwa. Wata ûrîa gûka gwa kîraûko kûrî gwa kwîvokeka, ke agaûka kûrî tue ta karûnyunyuû, aûke ta mbura ya kîvovoto.

Zakaria 3:3

Joshua aarûngamîte mbere ya mûraika ekîrîte nguo ciarî na gîko.

Malaki 3:6

“Nie Ngai-Mûnene ndicenjagia. Kwoguo mue andû a rûciaro rwa Jakovu, mûtirî acûkangie mûkathira.

Ciîko 10:35

Andû arîa magoocaga Ngai na mekaga ûrîa kwagîrîrîte, nîmetîkagîrwa nîke wana ethîrwa nî a rûrîrî rûrîkû.

Ahib 4:16

Kwoguo nîtûthiîni tûmîrîrîtie tûkinye vakuvî na gîtî Kîam Ngai Kîam ûthamaki, na nîvo varî na wega wake. Vau nîvo tûkeeguîrûa ntha na tûnyite wega wa Ngai wa gûtûtethagia rîrîa rîonthe tûvatarîte.