Isaia 64:4 - ÎVUKU RÎA ÛVORO MWARO

⁴ Kuuma tene gûtirî mûndû wanegua kana akona Ngai îngî tiga we, ûrîa wîkaga andû arîa mamwîvokete maûndû ta mau.

Isaia 64:4 ပူးပေါင်းရင်းမြစ်များ

Kîam 49:18

“Mbetererete ûvonokio waku we Ngai-Mûnene.

Ezira 9:7

Kuuma vîndî ya methe metû ma tene nginya ûmûnthî tue nîtwîvîtie mûno. Nîûndû wa mevia metû tue, athamaki etû, na athînjîri-Ngai etû nîtûgwîte njararî cia athamaki ageni tûkaverithua na tûkaûragwa. Tûrî atave na tûgacuunwa indo cietû na nîtûregua tûconokete mûno.

Thaburi 103:18

cia andû arîa mathîkagîra kîrîkanîro gîake, na maririkanaga kûvingia maathani make.

Thaburi 130:5

Mbetagîrîra Ngai-Mûnene na mwoyo wakwa wonthe, na nîîvokaga kiugo gîake.

Thaburi 31:19

Kaî wega waku ûrîa wigîrîte arîa magûtîîte nî mwîngî-î! Andû onthe nîmaicî ûrîa wîkaga maûndû maro na ûkagitîra arîa makwîvokete.

Thaburi 62:1

Mbetererete Ngai wenga tu ngirîrîrîtie; ûvonokio wakwa umaga kûrî ke.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 30:18

Kûnarî ûguo, Ngai-Mûnene nwa wetererete kûmwîguîra ntha, kwoguo nîevarîrîtie kûmûtuga. Nîûndû Ngai-Mûnene nî Ngai wîkaga maûndû ma kîvooto, kûrathimwa nî arîa onthe mamwetagîrîra.

Isaia 40:31

Nwatî arîa metagîrîra Ngai-Mûnene nîmakoongererwa vinya wao, makaagûrûkaga îgûrû na mathagu ta nderi, makaavinyûra na matikaanoga, makaathiîcaga na magûrû na matikaathira vinya.

Isaia 59:12

Nîûndû nîtûkûvîtîrîtie mûno. Mevia metû nîmaratûthitanga, nîûndû tûthiîcaga tûkuuîte mavîtia metû, na nîtîcî mawîvia metû monthe.

Isaia 66:8

Nîûrîkû wanegua ûndû ta ûcio? Nîûrîkû wanona ûndû ta ûcio? Rûrîrî rûgima nwa rûgîe kuo na mûthenya ûmwe? Vûrûri mûgima nwa ûciarwe wa rîmwe? Nwatî îtûûra rîa Zayuni rîaciarire ciana ciarîo vîndî wa îo rîambîrîrie kwîgua ruuo rwa gûciara.

Danieli 9:15

“Rîu we Mwathani, Ngai wetû, we nîwonanirie vinya waku na njîra ya kûruta andû aku Misiri, na ûgîtûma rîîtwa rîaku rîtûûre rîririkanagwa nginya ûmûnthî. Tue nî twîvîtie na nî twîkîte maûndû macûku.

Danieli 9:5

Tue nî twîvîtie, nîtwîkîte maûndû macûku, na tûgeka naaî. Nîtûreganîte nawe na tûkaregana na maathani maku na irîra ciaku.

Danieli 9:8

Ngai-Mûnene, tue, athamaki etû, aathani etû, na methe metû, tûrî na gîconoko nîûndû nîtûkûvîtîrîtie.

Hosea 7:7

Andû onthe makanîtwe nî marakara ta makara njikorî, na makaûraga atongoria ao. Athamaki ao onthe nîmagûîte, na gûtirî wanarî ûmwe ûngîmvoya ûrekero.

Zakaria 10:9

Wana ethîrwa nînamanyaganîrîtie mavûrûrirî mengî, marî mavûrûrirî mau ma kûraca, nîmakaandirikana, na vamwe na ciana ciao nîmagaatigara na macoke mûciî kwao.

Mathaayo 25:34

Nake mûthamaki nîagaacoka ere andû arîa makeethîrwa marî mwena wake wa ûrîo atîrî, ‘Ûkani mue arîa mûrathimîtwe nî Vava! Ûkani mûgwate Ûthamaki ûrîa wavarîrîtue nîûndû wenyu kuuma wa Kîammbîrîria gîa kûmbwa kwa nthî.

Luka 2:25

Vîndî îo kwarî na mûndû ûmwe wetagwa Simioni na watûûraga Jerusalemu. Mûndû ûcio nîwatûûrîte arî mûthingu, atîîte Ngai mûno na etererete kavinda karîa Ngai angîguîra Isiraeli ntha amavonokie. Nake Roho Mûtheru aarî vamwe nake.

Johana 14:3

Na narîkia kûthiî kûmûvarîrîria vandû, nîngûcoka nîmwîcîre nîguo mue mwîthagîrwe mûrî varîa nie nîrî.

Aroma 8:19

Indo cionthe irîa ciaûmbirwe cietererete mûno rîrîa Ngai akoonania ciana ciake.

1Akor 1:7

Kwoguo mue nîmwamûkîrîte iveo cia mîthemba yonthe irîa Roho wa Ngai avecanaga wa mwetererete mûthenya wa kûguûrua kwa Mwathani wetû Jesû Kristû.

1Ath 1:10

Namue nîmwetererete Mûriû wake Jesû ûrîa ûgaaûka aumîte îgûrû na nîke wariûkirue. Ke nîke ûtûvonokagia kuuma kûrî marakara ma Ngai marîa magûka.

1Tim 3:16

Gûtirî na nganja atî ûvoro ûyû wa Ngai nî nthitho nene: Ke onanirue arî mûndû, Roho nîwonanirie atî aarî mwagîrîru, na nîwonirwe nî araika. Ûvoro wake nîwavunjirue kûrî andû a ndûrîrî, nîwetîkirue nî andû a nthî yonthe, na nîwavirirwe îgûrû kûrîa kûrî na riiri.

Ahib 11:16

Vandû va ûguo, meeriragîria vûrûri mwaro, vûrûri wa îgûrû. Na nîûndû wa ûguo, Ngai ndangîconoka nî o makîmwîta Ngai wao, nîûndû ke nîamathondekerete îtûûra rînene kûu îgûrû.

Jakuvu 5:7

Kwoguo ariû na aarî a îthe wetû, kiragîrîriani nginya rîrîa Mwathani agaacoka. Taroriani ûrîa mûrîmi akiragîrîria etererete mûgûnda wake ûgîe na maciaro ma vata. Ke nîakiragîrîria maurîrwe nî mbura ya mbere na ya mûthiia.

1Joh 4:10

Wendani wîkariî ûû: tî atî nîkwa twendire Ngai, nwatî nîke watwendire na agîtûma Mûriû wake atuîke wa gûtûma tûoverwe mevia metû.