Isaia 64:1 - ÎVUKU RÎA ÛVORO MWARO

¹ Naarî kethîrwa wavingûra matu ûnyûrûrûke nthî, irîma ingîkwona ikainaina nî guoya.

Isaia 64:1 ပူးပေါင်းရင်းမြစ်များ

Thaburi 46:6

Mavûrûri nî mamaku, mothamaki makainaina; rîrîa Ngai aria, nthî nîîrarûkaga ta mûvûra.

Thaburi 68:8

nthî nîyathingithire na mbura îkiura kuuma îgûrû, nîûndû Ngai wa Sinai nîwaûkire, nîûndû Ngai wa Isiraeli nîwaûkire.

Thaburi 79:10

Nîndûî gîtûmaga andû a ndûrîrî matûûrie atîrî, “Ngai wenyu arî kû?” Tûtethie twone ûkîverithia andû a mavûrûri, nîûndû nîmeetûrûrire nthakame ya ndungata ciaku.

Ntha 19:11

na mevarîrie mbere ya mûthenya wa kathatû. Mûthenya ûcio wa kathatû nîngaanyûrûrûka nthiî kîrîmarî gîa Sinai îgûrû varîa nîngîonwa nî andû onthe.

Ntha 3:8

Kwoguo nie nyûrûrûkîte mbûke nîmatethûre kuuma kûrî andû a Misiri, nîmarute Misiri nîmavire vûrûri mwaro na mûnene. Vûrûri ûcio wîcûrîte îria na ûûkî, na nîkuo gûtûûragwa nî Akanaani, Ahiti, Amori, Aperizi, Ahivi na Ajebusi.

Isaia 41:15

Nîngaatûma mûtuîke ta mûtî wa kûvûûra ngano, ûrî na magego macerû na maûgî, nîmûkaavûra irîma na mûivaraganie, mûgaakinyanga tûrîma tûtuîke ta rûkûngû.

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Isaia 63:19

Twîkariî ta andû matanathwa nîwe wanarî vanini, ta andû matanetanua na rîîtwa rîaku.

Amosi 9:13

Ngai-Mûnene arauga atîrî, “Taroria, mîthenya nîgûkinya, rîrîa ngano îgaakûra na îvenya gûkîra rîrîa ikethagwa, na thavibu ikûre na îvenya gûkîra rîrîa ingîvivwa. Irîma ikaatherûkaga ndivei ya kûvivwa wa rîo, na tûrîma tûgetûrûraga ndivei.

Amosi 9:5

Ngai-Mûnene mwene vinya wonthe, ûrîa ûvutagia nthî îkararûka, na arîa onthe matûûraga kuo magacakaya, na vûrûri wonthe ûgecûra ta rûnjî rwa Nilo, na ûkavwa rîngî ta rûnjî rwa Nilo ya Misiri;

Zakaria 14:4

Vîndî îo, Ngai-Mûnene nîakaarûngama îgûrû kîrîmarî Kîam mîtî ya mîtamaiyû kîrîa kîrî na mwena wa îrathîro wa îtûûra rîa Jerusalemu. Kîrîma kîu nîgîkagaanua maita maîrî kuuma mwena wa îthûîro nî Kîamnda kînene. Nuthu îmwe îkathiî mwena wa rûgûrû, na nuthu îo îngî mwena wa îveti.

Maariko 1:10

Jesû aaumîra manjîrî warîo, nîwonire îgûrû rîavingûka na Roho Mûtheru akîmûnyûrûrûkîra ekariî ta ndutuura.

Kûguû 20:11

Nînacokire ngîona gîtî kînene Kîam ûthamaki Kîam rangi njerû, na ûrîa ûgîkaragîra. Îgûrû na nthî nîciathengutire mbere yake, itianacoka kwoneka rîngî.