Isaia 63:8 - ÎVUKU RÎA ÛVORO MWARO

⁸ Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Isaia 63:8 ပူးပေါင်းရင်းမြစ်များ

Kîam 17:7

“Nîngavingia kîrîkanîro gîakwa nawe wana kûrî njiarwa ciaku irîa igaaûka. Kîrîkanîro kîu gîgaatûûra tene na tene. Nîngaatuîka Ngai waku na nduîke Ngai wa njiarwa ciaku.

Thaburi 106:21

Maariganîrwe nî Ngai ûrîa wamavonokirie, ûrîa wekîte maûndû manene vûrûrirî wa Misiri.

Ntha 14:30

Mûthenya ûcio Ngai-Mûnene nîwavonokirie andû a Isiraeli kuuma kûrî andû a Misiri. Nao andû a Isiraeli nîmoonire andû a Misiri mamamîte rûtere rwa îria marî akuû.

Ntha 24:7

Nîwacokire agîoca îvuku rîa kîrîkanîro, na akîthomera andû onthe augîrîrîtie. Nao nîmaaugire atîrî, “Nîtûgwîka ûrîa wonthe Ngai-Mûnene augîte na tûmwathîkîre.”

Ntha 3:7

Ngai-Mûnene nîwerire Musa atîrî, “Nîmonete mathîna ma andû akwa arîa marî Misiri. Nîmbîguîte makîrîra nîguo matethue kuuma kûrî anene ao na nîmenyete ûrîa marathînîka.

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 12:2

Ngai nîke mûvonokia wakwa; nîke ngwîvoka na ndigeetigîra; nîûndû Ngai-Mûnene, Ngai nîamvecaga vinya; na ke mwene nîke ûmvonokagia.

Isaia 19:20

Metha îo ya kîgongoona îgaatuîka kîmenyithia na ûira kûrî Ngai-Mûnene mwene vinya wonthe vûrûrirî wa Misiri. Rîrîa andû a kuo makaarîrîra Ngai-Mûnene amatethie kuuma kûrî arîa mamavinyagîrîria, ke nîakaamatûmîra mûmatethia wa kûmagitîra na kûmavonokia.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Isaia 41:8

“Nwatî we, Isiraeli ndungata yakwa, we Jakovu ûrîa nie nthurîte, we rûciaro rwa Iburahimu mûrata wakwa.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 43:3

Nîûndû nie nînie Ngai-Mûnene Ngai wenyu, Ûrîa Mûtheru wa Isiraeli, mûvonokia wenyu. Nîngûvecana îrîvi Misiri nîguo ngûkûûre, nîngûvecana Ethiopia na Seba nîguo mûrekererue.

Isaia 51:4

“Andû akwa, tanthikîrîriani, ta ndegerani matû mue rûrîrî rwakwa; nîûndû nie nînie ngaamûretere watho na kîvooto, nacio nîigaatuîka ûtheri kûrî andû.

Isaia 57:11

Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 64:8

Nwatî kûnarî ûguo, we Ngai-Mûnene, we nîwe Vava. Tue twîkariî ta yûmba, nawe wîkariî ta mûmbi wa nyûngû. We nîwe watûmbire tuonthe.

Isaia 64:9

Ndûgatûrakarîre makîria, we Ngai-Mûnene, kana ûtûûra ûririkanaga mevia metû tene na tene. Ririkana atî tue tuonthe tûrî andû aku.

Jeremia 14:8

We nîwe mwîvoko wa Isiraeli, nîwe ûmavonokagia rîrîa marî thînarî, nîndûî gîtûmîte wîkare ta mûgeni vûrûrirî wetû, ta mûvîtûki ûrîa ûraragîrîra ûtukû ûmwe?

Hosea 13:4

Ngai-Mûnene arauga atîrî, “Nînie Ngai-Mûnene Ngai wenyu, nînie namûrutire ûkomborî Misiri; mûtirî na Ngai wîngî tiga nie, na gûtirî ûngîvota kûmûvonokia tiga nie.

Zefania 3:7

Neîraga atî, nama andû akwa makanîtigîra, na metîkîre ngîmarûnga, nao matikariganîrwa nî ûrîa namaverithîtie. Nwatî andû ake nîmaathiîre na mbere kwîrirîria mûno gwîka maûndû mao macûku.”

Johana 1:47

Rîrîa Jesû oonire Nathanieli athiîte kûrî ke nîwaririe ûvoro ûmwîgiî na akiuga atîrî, “Taroriani mwone Mûisiraeli wa ma, na ndarî ûcuke!”

Aroma 11:28

Ayahudi nîmaregete Ûvoro Mwaro. Kwoguo o nî nthû cia Ngai nîûndû wenyu mue andû a Ndûrîrî. Nwatî nîûndû Ayahudi nîathuure nî Ngai nî arata ake nîûndû wa methe mao ma tene.

Aefeso 4:25

Kwoguo tiganani na ûvoro wa maveeni! Wa mûndû nwanginya erage mûndû ûrîa wîngî ûvoro wa ma, nîûndû tuonthe vamwe tûrî ciîga cia mwîrî wa Kristû.

Gûco 32:5

Nwatî ciana ciake itirî na wîvokeku, tî agîrîru gûtuîka andû ake, nî rûciaro rwaganu na rwîvia.

Gûco 33:29

Kûrathimwa nî mue andû a Isiraeli! Gûtirî andû mavaana tamue, andû a vûrûri ûrîa wavonokirue nî Ngai-Mûnene. Ngai-Mûnene nîke ngo yenyu na rûviû rwenyu, nîke ûmûgitagîra na akamûvootanîra. Nthû cienyu nîigaaûka mbere yenyu ciînyivîtie, namue nî mûkaamakinyangîra nthî.”

Akol 3:9

Tigagani kûveenania, nîûndû nîmweyaûrire ûmûndû wenyu ûrîa mûkûrû wa vamwe na mîtugo yaguo

1Joh 4:14

Tue nîtwonete na nîtumbûraga atî Îthe nîwatûmire Mûriû wake atuîke Mûvonokia wa nthî.

Juda 1:25

Ke nîke Ngai mûvonokia wetû. Na njîra ya Mwathani wetû Jesû Kristû, Ke arogîa na riiri, ûnene, ûthamaki na wathani, kuuma Kîammbîrîria, rîu na nginya tene na tene! Ameni.

1Sam 12:22

Ngai-Mûnene nîamûthuurîte mûgatuîka andû ake na nîamwîrîrîte atî ke ndakaamûtiganîria.