Isaia 63:7 - ÎVUKU RÎA ÛVORO MWARO

⁷ Nîngûvecana ûvoro wa wendo ûtathiraga wa Ngai-Mûnene, na nîmûgooce nîûndû wa maûndû monthe marîa atwîkîrîte, na nîûndû wa maûndû manene na maro marîa ekîrîte nyomba ya Isiraeli, kûringana na ntha ciake na wendo wake ûtathiraga.

Isaia 63:7 ပူးပေါင်းရင်းမြစ်များ

1Atha 8:66

Mûthenyarî wa kanana, Solomoni nîwerire andû menûke. Nao nîmaaugîre mûthamaki ûvoro na makînûka kwao mîciî makenete na makîgucaga waro ngororî ciao nîûndû wa maûndû monthe maro marîa Ngai-Mûnene eekîte Daudi ndungata yake, vamwe na andû ake a Isiraeli.

2Maû 7:10

Mûthenya wa mîrongo îîrî na îthatû wa mweri wa mûgwanja, Solomoni nîwerire andû menûke. Nao nîmaakenire nîûndû wa maûndû maro marîa Ngai-Mûnene eekîte Daudi, Solomoni na andû onthe a Isiraeli.

Nehemia 9:25

Andû aku nîmegwatîre matûûra manene marîa maarî magitîre, na vûrûri ûrîa warî mûnoru. Nîmegwatîre nyomba ciarî na indo cionthe mbaro igîtuîka ciao, iriko cia manjî irîa ciarî mînje, mîgûnda ya mîthavibu na ya mîtamaiyû îrîa îciaraga matunda, wa vamwe na mîtî mîngî ya matunda. Kwoguo nîmaarîre makîvaa, makînora na magîkenerera indo cionthe irîa wamaveere.

Nehemia 9:27

Kwoguo nîwamanenganîre kûrî nthû ciao na nthû icio ikîmaûkîrîra. Vîndî ya mînyamaaro îo nîmaagûkaîre, nawe ûrî îgûrû nîwegwire kîrîro Kîamo. Nîûndû wa ntha ciaku nyîngî nîwamavere atongoria, arîa maamavonokirie kuuma kûrî nthû ciao.

Nehemia 9:31

Nwatî kûnarî ûguo nîûndû ûrî ntha nyîngî mûno, ndwanamathiria kana ûmatiganîria. Ngai, we ûrî mwaro na ûrî ntha!

Nehemia 9:35

Rîrîa maarî athamaki vûrûrirî wao matianagûtungata, na rîrîa maakenagîrîra maûndû meengî maro marîa wamaveete; vûrûrirî warî mûnene na mûnoru, nwatî matiatiga gwîka maûndû macûku.

Thaburi 103:2

We Ngoro yakwa, kumia Ngai-Mûnene, ndûkariganîrwe nî maûndû maro marîa ekîte.

Thaburi 107:15

Nîmakumie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 107:21

Nîmakumie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 107:31

Nîmakumie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 107:8

Nîmacokerie Ngai-Mûnene nîûndû wa wendo wake ûtathiraga, nîûndû wa maûndû ma magegania marîa aamekîre.

Thaburi 145:7

Makaanagîrîra ngumo ya wega waku mwîngî, na mainage maugîrîrîtie ûvoro wîgiî ûthingu waku.

Thaburi 25:6

We Ngai-Mûnene taririkana ntha ciaku na wendo waku ûtathiraga, ûrîa wonanirie kuuma tene.

Thaburi 51:1

Mbîguîra ntha, we Ngai, nîûndû wa wendo waku ûtathiraga. Theria mevia makwa, nîûndû wa ntha ciaku nyîngî!

Thaburi 63:3

Wendo waku ûtathiraga nî mwaro gûkîra ûtûûro, nanie ngaagûkumagia.

Thaburi 86:15

Nwatî we Mwathani, ûrî Ngai wî ntha na wendo, nîûkiragîrîria, ûrî wendo ûtathiraga na wî mwîvokeku.

Thaburi 86:5

We Mwathani, wî mwagîrîru na nîwovanagîra; nîwonagia andû arîa makûvoyaga wendo ûtathiraga.

Thaburi 92:2

Nî waro kwanîrîra wendo waku ûtathiraga wa kîraûko, na wîvokeku waku ûtukû,

Ntha 18:9

Vîndî îrîa Jethiro eegwire ûrîa Ngai-Mûnene eekîte maûndû maro kûrî andû a Isiraeli akîmavonokia kuuma kûrî andû a Misiri nîwakenire.

Isaia 26:13

Ûûi Ngai-Mûnene, Ngai wetû, nîtwathagwa nî athani engî, nwatî we wenga tu nwawe twicî.

Isaia 51:2

Taîcirieni ûvoro wa Iburahimu, îthe wenyu wa tene, na ûvoro wa Sara ûrîa wamûciarire. Iburahimu aarî wenga rîrîa namwîtire, nwatî nînamûrathimire na ngîmûva ciana nyîngî.

Isaia 54:10

Irîma nwa ithengute vo, na tûrîma tûkarutwa vo, nwatî wendo wakwa ûtathiraga ûrîa ngwendete naguo ndûkaathenguta kûrî we, na kîrîkanîro gîakwa Kîam thayû gîtikaathengutua.” Ûguo nîguo Ngai-Mûnene ûrîa ûkwîgucagîra ntha arauga.

Isaia 54:7

“Nagûtiganîrie kavinda kanini tu, nwatî nîngaagûcokanîrîria ngîkwîgucagîra ntha nyîngî mûno.

Isaia 54:8

Nakûthithire ûthiû wakwa gwa kavinda kanini, nîûndû wa ûrîa natûmbîtwe nî marakara, nwatî nîngaakwîguîra ntha na wendo ûtathiraga.” Ûguo nîguo Ngai-Mûnene Mûkûri waku arauga.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 64:5

We nîwamûkagîra andû arîa mekaga maûndû ma ûthingu makenete, arîa makûririkanaga na marûmagîrîra njîra ciaku. We nîwarakarire nîtue, nwatî nîtwathiîre na mbere kwîvia; wana ethîrwa nîwarakarire mûno nîtue, tûtwîre twîvagia kuuma tene.

Maca 3:32

wana ethîrwa nîatûmaga twîgue kîeva: ke arî ntha nîûndû wa wendo wake mwîngî ûtathiraga.

Hosea 2:19

Nîngagûtua mûka wakwa tene na tene; ûtuîke wakwa na njîra ya ûthingu na kîvooto, na njîra ya wendo ûtathiraga na ntha.

Zakaria 9:17

Kaî makethîrwa marî aro na athaka-î! Andû ethî nîmakaagîcaga na vinya nîûndû wa ngano na ndivei.

Mathaayo 7:11

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

Aroma 2:4

Kana nîkwa we ûnyararîte ûtugi wake mwîngî, ûkirîrîria na wetereri. Nama we nîwîcî atî Ngai nî mûtugi nîûndû nîakwonagîrîria njîra ya kwîrira?

Aroma 5:20

Watho wekîrirwe nîguo andû mevie mûno. Nwatî wa ûrîa mevia mongererekaga, wega wa Ngai nîwongererekaga makîria.

Aefeso 2:4

Nwatî ntha cia Ngai nî nyîngî mûno na nîatwendete mûno.

1Tim 1:14

Nake Mwathani wetû nîamonetie wega wake mwîngî na nînîmwîtîkîtie na ngamwenda nîûndû wa kûgîa na ngwatanîro na Jesû Kristû.