Isaia 63:1 - ÎVUKU RÎA ÛVORO MWARO

¹ “Nû ûyû ûkîte aumîte îtûûrarî rîa Bozira, rîrîa rîrî vûrûrirî wa Edomu? Nû ûyû ûkîte ekîrîte nguo ino ndune, na akathiî arî na vinya na ûvoti mwîngî?” “Nînie Ngai-Mûnene nîranîrîra ûthingu wakwa, na nîrî na vinya wa kûvonokania.”

Isaia 63:1 ပူးပေါင်းရင်းမြစ်များ

Kîam 36:33

Bela akua, Jobabu mûvîcî wa Zera kuuma Bozira nîwathanire vandûrî vake.

Kîam 49:11

Nîathaîkaga njaû ya mvunda yake mûthaviburî, amîthaîkagîrîra mûthaviburî ûrîa mwaro mûno. Athambagia nguo ciake na ndivei îrîa ndune ta nthakame.

1Maû 1:44

Rîrîa Bela aakwire, Jobabu mûvîcî wa Zera wa kuuma Bozira nîke watuîkire mûthamaki vuva wake.

Thaburi 108:13

Ngai arî mwena wetû nîtûkaavootana; nîke ûgaakinyangîra nthû cietû nthî.

Thaburi 137:7

We Ngai-Mûnene, taririkana ûrîa andû a Edomu meekire, rîrîa Jerusalemu yanyitirwe, maaugire atîrî, “Mîomomoreni nginya mîcingi ya yo!”

Thaburi 65:6

Nîwavandire irîma varîa irî na vinya waku, na ûkîonania ûvoti waku mûnene.

Rwîmbo rwa Nyîmbo 3:6

Nîndûî kîîrîa kîrauma werûrî gîkariî ta mûthiringo wa ndogo, kîrî na mûtî mûnungo wa mare na ûbani, na maguta marîa mendagua nî andû arîa mendagia makîgûraga indo.

Rwîmbo rwa Nyîmbo 6:10

Nî ûrîkû ûyû ûkengete ta riûa rîkîratha? Mûthaka ta mweri na mûkengu ta riûa, na wîtigîrîtwe ta athigari a mbaara marî na vendera?

Rwîmbo rwa Nyîmbo 8:5

Nû ûrîa ûkîte aumîte werûrî, manyitanîte njara na mwendwa wake? Naakûramûkirie rungu rwa mûtî wa matunda, varîa nyûkwe eguîrîre ûrûrû agîgûciara.

Isaia 11:14

Efiraimu na Juda marî vamwe nîmakaatharîkîra Afilisiti mwena wa îthûîro. Nîmakaavoota andû a Edomu na a Moabu, nao andû a Amoni mamathîkîre.

Isaia 34:1

Mue andû a mavûrûri monthe ma nthî ûkani vakuvî mwîgue, mue andû a ndûrîrî cionthe ta thikîrîriani! Nthî ta nîîthikîrîrie, wana indo cionthe irîa ciîcûrîte kuo; nthî, wana indo cionthe irîa ciumaga kuo ta nîithikîrîrie.

Isaia 42:1

Ngai-Mûnene arauga atîrî, “Îno nîyo ndungata yakwa, îrîa mbîkagîra vinya, nîyo nîîthuurîrîte, na nîyo îngenagia, nînîmwîkîrîte Roho wakwa, nîyo îkaarete kîvooto mavûrûrirî.

Isaia 42:3

Ndîkaauna kamûthanje kagondoku, kana îvoria rûtambi rûtagwakana waro. Îgaatucanagîra ciira na kîvooto.

Isaia 45:19

Nie ndiaragia nîîthithîte kana nîrî vûrûrirî wa nduma. Nie ndiera njiarwa cia Jakovu inîîvoke mana. Nie nînie Ngai-Mûnene na mbaragia ûma; Nyumbûraga maûndû ma ma.”

Isaia 45:23

Nie nînîvîtîte ngîgwetaga rîîtwa rîakwa, maûndû marîa nîraria nî ma ma, na ndingîgarûrûkwa. Andû onthe nîmagaaturia maru mbere yakwa, na onthe mevîte atî makaanîvokaga.

Isaia 9:5

Iratû cionthe cia athigari a mbaara arîa maatharîkagîra, na nguo ciao cionthe irîa irî na maroro ma nthakame, nîikaavîvua ta ngû.

Isaia 9:7

Wathani wake nîûkaathiî na mbere ûkînenevaga; vîndî cionthe ûkethagîrwa ûrî na thayû, na nîagaatuîka mûthamaki vuva wa Daudi. Nîakaaûrûngamia na aûmenyerere, akaathanaga na kîvooto na ûthingu, kuuma rîu nginya tene na tene. Ngai-Mûnene mwene vinya wonthe nîke ûkaavingia maûndû mama.

Jeremia 48:24

Keriothi na Bozira. Ngai-Mûnene nîatuîrîrîte matûûra monthe ma Moabu, marîa marî kûraca na marî gûkuvî.

Jeremia 49:13

Nie mwene nînîvîtîte nama atî, îtûûra rîa Bozira nîrîtuîka kûndû gwa kwîguithia andû guoya, na gwa kûnyararwa, werû na kûrume; na matûûra ma kuo monthe nîmatûûra marî macûkangie viû. Nie Ngai-Mûnene nînie nauga ûguo.”

Ezek 25:12

Ngai-Mûnene Ngai arauga atîrî, “Andû a Edomu nîmeerîvîrîrie kûrî andû a Juda. Wîrîvîrîria ûcio wao warî mûcûku mûno,

Ezek 35:1

Ngai-Mûnene nîwambîrire atîrî,

Ezek 38:17

Kinthî tîwe, nie Mwathani Ngai-Mûnene naririe ûvoro waku tene na njîra ya arathi a Isiraeli ndungata ciakwa, ngiuga atî vîndî îmwe nîngaagûtûma akatharîkîre Isiraeli?”

Obadia 1:1

Gîkî nî kîoneki kîrîa Obadia aaguûrîrue nî Ngai-Mûnene kîgiî vûrûri wa Edomu. Nîtûgwatîte ndûmîrîri kuuma kûrî Ngai-Mûnene; mûnjaama nîmûtûme mavûrûrirî akauge atîrî, “Ûkîrani tûthiî tûkarûe na andû a Edomu!”

Obadia 1:9

Nawe Temani, andû aku arîa marî vinya nîmakaamaka, athigari a mbaara onthe a Edomu nîmakaaûragwa.

Zefania 3:17

Ngai-Mûnene Ngai wenyu arî gatagatîrî kenyu, vinya wake nîûvecanaga ûvootani; ke nîagaagûkenerera na gîkeno kînene, ke nîagaakûva ûtûûro mûcerû na kwenda gwake, nîagaakwambararia akinaga augîrîrîtie mûno,

Malaki 1:2

Ngai-Mûnene arauga atîrî, “Nie nînîmwendete mûno.” Nwatî andû a Isiraeli maûragia atîrî, “Ûtwendete atîa.” Nake Ngai-Mûnene akauga atîrî, “Na kinthî Esaû ndaarî mûrwang'ina na Jakovu? Nwatî nie nendire Jakovu,

Ndari 23:19

Ngai ndekariî ta mûndû atî nwa aveenanie, kana ta mûndû wa nthî atî nwa ericûkwe. Ûndû wa wonthe eranagîra nîavingagia. Ke aaragia na ûrîa auga ûgatuîkîka.

Mathaayo 21:10

Rîrîa Jesû aatonyire Jerusalemu, andû onthe nîmaagagire na makîambîrîria kûrania atîrî, “Nû ûyû?”

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

1Pet 1:5

Îgai rîu nî rîenyu, mue arîa na njîra ya wîtîkio mûgitîrîtwe nî vinya wa Ngai nîûndû wa ûvonokio ûrîa ûvarîrîtue gûkaaguûrua îvindarî rîa mûthiia.

Kûguû 19:13

Nguo îrîa eekîrîte yarindîtwe nthakamerî. Narîo rîîtwa rîake nî “Kiugo Kîam Ngai.”