Isaia 62:9 - ÎVUKU RÎA ÛVORO MWARO

⁹ Nwatî mue mwaikethire nîmue mûkaairîcaga, na mûngumagie, nie Ngai-Mûnene. Namue arîa mûvivaga ndivei îo, nîmue mûkaamînyunyaga mûrî ivaarorî cia hekarû yakwa.”

Isaia 62:9 ပူးပေါင်းရင်းမြစ်များ

Isaia 55:2

Nîndûî gîtûmaga mûtûmîre mbeca na kîndû gîtangîvaithia mûndû? Nîndûî gîtûmaga mûrutîre wîra kîndû gîtangîvaithia mûndû? Nthikîrîriani na kinyi na mûrîcage kîndû kîrîa Kîamro, na mwîkenagie na indo irîa noru.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Isaia 65:21

Andû magaatumaga nyomba na magatûûra kuo; makaavandaga mîthavibu na makarîa matunda mayo.

Isaia 65:22

Matigaatuma nyomba itûûrwa nî andû engî; matikaavanda mîthavibu îrîwa nî andû engî. Andû akwa magaatûûraga ûtûûro mûraca ta mîtî; na andû akwa arîa amûre nîmagaakenagîra wîra ûrîa marutîte îvinda îraca.

Jeremia 31:5

Nîmûkavanda mîthavibu rîngî îgûrû rîa irîma cia Samaria. Arîmi makavanda mbegû na nîmagaakenera matunda mayo.

Ezek 40:14

Kanyomba karîa kaarî ka mûthiia nîguo mûndû akinye kîvarorî wanako nîwakathimire. Nako kaarî na wariî wa mita îkûmi (10).

Joeli 2:26

Nîmûrîa irio nyîngî na mwîganie, na mûkumie Ngai-Mûnene, Ngai wenyu, ûrîa wîkîte maûndû ma kûmakania kûrî mue, andû akwa matigaaconorithua rîngî.

Zakaria 3:7

“Ngai-Mûnene mwene vinya wonthe augîte ûngîathîkîra maathani make na ûrûmagîrîre maûndû marîa akwathîte, nîagaakûva ûvoti wathanage hekarûrî yake na ivaarorî ciayo, na nîagaagwîtîkîria ûtungatage ta ûrîa aya marûngamîte ava matungataga.

Gûco 12:12

Nîmûgaakena mûrî mbere ya Ngai-Mûnene Ngai wenyu, mue, ciana cienyu, ndungata cienyu cia arûme na cia aka, na Mûlawi ûrîa ûrî îtûûrarî rîenyu, nîûndû tîmûgaîre kûndû gwa gûtûûra ta mue.

Gûco 12:7

Mûrî vau mbere ya Ngai-Mûnene Ngai wenyu, mûkaarîcaga na mûgakena mûrî vamwe na andû a mîciî yenyu nîûndû wa maûndû monthe marîa Ngai-Mûnene Ngai wenyu amûrathimîte namo.

Gûco 16:11

Kenagani mûrî mbere ya Ngai-Mûnene Ngai wenyu mûrî vamwe na ciana cienyu, ndungata cienyu, Alawi, ageni, ciana cia ndigwa na aka a ndigwa arîa matûûraga matûûrarî menyu. Îkagani ûguo mûrî varîa Ngai-Mûnene Ngai wenyu akaathuura va kûgoocagîrwa.

Gûco 16:14

Kûngûagîrani kîrugo kîu mûkenete mûrî na ciana cienyu, ndungata cienyu, Alawi, ageni, ciana cia ndigwa, na aka a ndigwa arîa matûûraga matûûrarî menyu.