Isaia 62:6 - ÎVUKU RÎA ÛVORO MWARO

⁶ We Jerusalemu, nîmbigîte arangîri nthingorî ciaku, gûtirî vîndî magaakira mûthenya kana ûtukû. Mue namue mûririkanagia Ngai-Mûnene ciîranîro ciake, mûtigakire.

Isaia 62:6 ပူးပေါင်းရင်းမြစ်များ

Isaia 52:8

Tegueni mûgambo wa arangîri aku, maraina vamwe nî gûkena! Nîûndû nîmareyonera na metho mao o ene, gûcoka kwa Ngai-Mûnene îtûûrarî rîa Zayuni!

1Ath 5:17

Voyagani mûtagûtigithîrîria

Ahib 13:17

Athîkagîrani atongoria enyu na mûrûmagîrîre maûndû marîa mamwathaga mwîke. Nîo mamenyagîrîra mîoyo yenyu na nwanginya makeera Ngai ûrîa maarutaga wîra wao. Ethîrwa mûkaamathîkagîra makaarutaga wîra wao marî na gîkeno. Ethîrwa mûtikaamathîkîra, makaûrutaga matarî na gîkeno na kwoguo mûtingîtetheka.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Luka 18:39

Nao andû arîa maarî mbere ya Jesû nîmaakaanirie mûtumumu ûcio na makîmwîra akire. Nwatî mûtumumu ûcio nîwaugîrîrie mûno akiugaga atîrî, “Mûrû wa Daudi! Mbîguîra ntha!”

Isaia 62:1

Nîûndû wa Zayuni ndigaakira, na nîûndû wa Jerusalemu ndikaanogoka, nginya rîrîa ûthingu ûkaara kuo ta ûtheri, na ûvonokanio wakanîte kuo ta kîmûrî.

Thaburi 74:2

Ririkana andû arîa wathuurire magîtuîka aku kuuma tene, arîa wakûûrire kuuma ûkomborî matuîke mûvîrîga waku kîûmbe. Ririkana Kîrîma gîa Zayuni, kûrîa watûûraga.

2Maû 8:14

Solomoni nîwarûthire mûvango wa wîra wa wa mûthenya wa athînjîri-Ngai na Alawi arîa maatethagia athînjîri-Ngai kwina na kûruta wîra wao kûringana na watho wa îthe Daudi. Nîwavangire arangîri a ivingo ikundi na akîmava wîra wa gwîkaragia ivingo cionthe wa mûthenya kûringana na ûrîa Daudi ndungata ya Ngai aathanîte.

Kîam 32:26

Nake mûndû ûcio nîwerire Jakovu atîrî, “Tiga nthiî nîûndû kûthiîte gûkîa.” Nake Jakovu nîwamûcokerie atîrî, “Ndingîkûrekereria ûthiî ûtandathimîte.”

Kîam 32:12

Nwatî we nîwambîrire atî nîûkaanthondekera maûndû makwa monthe, na atî nîûkaamva njiarwa nyîngî itangîtarîka ta mûthanga ûrîa ûrî rûtere rwa îria.”

Thaburi 74:18

Nwatî ririkana we Ngai-Mûnene atî nthû ciaku nîikûthekagîrîra, nî andû irimû na nîmakûnyararîte.

Kûguû 6:10

Nayo mîoyo îo nîyaugîrîrie na mûgambo mûnene atîrî; “Mwathani mwene vinya wonthe, Mûtheru na wa ma! Nîwîkara nginya rî ûtarî mûtuîru na ûkaverithia andû a nthî nîûndû wa gûtûûraga?”

1Akor 12:28

Kanitharî Ngai nîathuurîte: amwe matuîke atûmwa, engî arathi, na kathatû akathuura arimû. Nîacokete akathuura aringi ciama; makarûmîrîrwa nî arîa mavetwe ûvoti wa kûvonania, arîa matethagia arîa engî, atongoria na arîa maragia na nthiomi.

Ciîko 10:31

na akîmbîra atîrî, ‘Korinelio! Ngai nîwîguîte mavoya maku na atî we nîûvothagîra athîni.

Ciîko 10:4

Nake Korinelio nîwamûroririe amakîte mûno na akîmûria atîrî, “Nîndûî Mwathani?” Nake mûraika ûcio nîwamûcokerie atîrî, “Ngai nîwegua mavoya maku. Ke nîwona atî we nîûvothagîra athîni na nîwakûririkana.

Isaia 43:26

“Ta ndirikania, tiga tûciire twî vamwe! Aria maûndû maku nîguo wonekane atî wî na ûma!

Rwîmbo rwa Nyîmbo 5:7

Arangîri a îtûûra makîthiûrûrûka nîmaamonire. Nîmaandivire na makîndivia; arangîri a îtûûra nîmaanjunire cuka yakwa.

Rwîmbo rwa Nyîmbo 3:3

Arangîri a îtûûra nîmaamonire makîthiûrûrûka îtûûra. Nînaamaûririe atîrî, “Mûrîamoneru mwendwa wakwa?”

Thaburi 122:7

Thayû ûrogîa kûrî andû a Jerusalemu, nyombarî cienyu cia athamaki kûgîe na ûgitîri.”

Isaia 49:16

Taroria nîngwandîkîte mvîîrî cia njara ciakwa; monaga nthingo ciaku vîndî cionthe.

Jeremia 14:21

Nîûndû wa rîîtwa rîaku ndûgatûtiganîrie, ndûkananyararithie gîtî gîaku Kîam ûthamaki, ririkana kîrîkanîro gîaku na andû a Isiraeli.

Maca 5:1

We Ngai-Mûnene, taririkana maûndû marîa twonete, taroria wone ûrîa tûnyararîtwe.

Maca 5:20

Nîndûî gîtûmîte ûtûûre ûriganîrîtwe nîtue? Nîndûî gîtûmîte ûtûûre ûtûtiganîrîtie?