Isaia 61:7 - ÎVUKU RÎA ÛVORO MWARO

⁷ Nîûndû wa ûrîa mwaconorithirue mûkaarîvwa maita maîrî, nîûndû wa kûrega gûtîîwa nîmûgaakenera îgai rîenyu, kwoguo nîmûgaatûûra vûrûrirî wenyu, na ûtonga wenyu wongerereke maita maîrî, na mûtûûre mûkenete tene na tene.

Isaia 61:7 ပူးပေါင်းရင်းမြစ်များ

2Atha 2:9

Maringa rûnjî, Elija nîwerire Elisha atîrî, “Mbîra ûrîa ûkwenda ngwîkîre mbere ya nthengutue kûrî we.” Nake Elisha nîwaugire atîrî, “Nakûthaitha ûngaîre gîcunjî Kîam roho waku maita maîrî.”

Ayubu 42:10

Ayubu arîkia kûvoera arata ake, Ngai-Mûnene nîwamûcokerie indo ciake cionthe maita maîrî ma ûrîa ciegana mbere.

Thaburi 126:5

Arîa mavandaga na methori, magaaketha makenete!

Thaburi 16:11

We nîûmonagîrîria njîra îrîa îthiîte mwoyorî, nîrî varî we mbîthagîrwa mbîcûrîtwe nî gîkeno gîkinyanîru, njararî yaku îrî na vinya varî gîkeno gîa tene na tene.

Isaia 35:10

Arîa maakûûrirwe nî Ngai-Mûnene nîmagaacoka, magaaûka Zayuni magîkûngûagîra, makethîrwa marî na gîkeno gîa tene na tene. Nîmakethîrwa marî na gîkeno na marî acanjamûku, kîeva na kîrîro nîikaathira viû.

Isaia 40:2

Arîriani andû a Jerusalemu na ûvoreri. Na mûmeere atî ûkomborî ûrîa mararî nîwathira, na mevia mao nîmoverwa. Na atî Ngai-Mûnene amaverithîtie kwîgana nîûndû wa mevia mao monthe.”

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 54:4

Ndûgetigîre nîûndû ndûgaaconoka; ndûkegue nthoni nîûndû ndûgaaconorithua. Nîûkaariganîrwa nî gîconoko Kîam wîthî waku, na ndûkaaririkana rûmena rûrîa warî naruo rîrîa warî mwîthî, vîndî îrîa watûûraga wî wa ndigwa.

Isaia 60:15

Wana ethîrwa nîwatiganîrîtue na ûkamenwa, na andû onthe makaûraga nîwe, vandû va ûguo nîngaagûtua ûgîe na riiri tene na tene, kûndû kwa gûkenagîrwa nî njiarwa cionthe.

Isaia 60:21

Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.

Isaia 65:13

Kwoguo, nie Mwathani Ngai-Mûnene nauga atî: Ndungata ciakwa ikethagîrwa na gîa kûrîa, nwatî mue mûkethagîrwa mûrî na yûra; ndungata ciakwa ikethagîrwa irî na gîa kûnyua, nwatî mue mûkethagîrwa mûrî na nyonda; ndungata ciakwa igeekaraga irî na gîkeno, nwatî mue mûgeekaraga mûrî na gîconoko.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Zakaria 8:12

Nîmakaavanda marî na thayû. Mîthavibu yao nîîgaciara thavibu, mîgûnda yao nîîkaagîa na maketha meengî na nîgûkethagîrwa na mbura ya kwîgana. Andû akwa arîa matigarîte nîngaamava irathimo ino cionthe.

Zakaria 9:12

Mue andû arîa ove na mûrî na kîîrîgîrîro, cokani kwenyu kûrîa kûgitîre. Nîûndû wa mathîna marîa mwanona, nîngaamûrathima maita meengî.

Mathaayo 25:46

Nao andû acio nîmakaathiî kûrîa makaaverithua tene na tene. Nao andû arîa athingu nîmakaathiî mwoyorî wa tene na tene.”

2Akor 4:17

Naguo thîna ûyû tûrî naguo nî mûnini na tî wa gûtûûra. Nwatî nîûgaatûma tûgîe na riiri wa tene na tene na mwîngî makîria ya thîna ûcio.

Gûco 21:17

Agîrîrwe nî kûva îrikithathi indo maita maîrî ma irîa angîva mwana ûrîa mûnini, wana ethîrwa îrikithathi tî rîa mûndûmûka ûrîa endete. Nwanginya agaîre îrikithathi rîu maita maîrî ma indo ciake kûringana na watho.

2Ath 2:16

Mwathani wetû Jesû Kristû ke mwene, na Ngai Vava ûrîa watwendire na njîra ya wega wake, nîwatûvere ûmîrîru wa tene na tene na kîîrîgîrîro Kîamro.