Isaia 61:2 - ÎVUKU RÎA ÛVORO MWARO

² Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 61:2 ပူးပေါင်းရင်းမြစ်များ

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Isaia 13:6

Rîrani, nîûndû mûthenya wa Ngai-Mûnene ûrî vakuvî, ûgaaûka wîkariî ta mûthiro kuuma kûrî mwene vinya wonthe.

Isaia 2:12

Mûthenya wa Ngai-Mûnene, mwene vinya wonthe nîûgaakinya, nîakaaverithia arîa onthe metîîaga na meyonaga marî aro, na arîa onthe metûgagîria.

Isaia 25:8

Ngai-Mûnene nîakaathiria gîkuû tene na tene, nîakaagiria methori mothiûrî monthe na kûthirîria andû ake gîconoko nthî yonthe. Ngai-Mûnene nîke ugîte ûguo.

Isaia 34:2

Nîûndû Ngai-Mûnene nî mûrakaru nî mavûrûri monthe, arî na mang'ûrîka nîûndû wa athigari ao onthe a mbaara. Nîavangîte kûmathiria viû, akamarekereria maûragwe.

Isaia 34:8

Nîûndû Ngai-Mûnene arî na mûthenya wa kwîrîvîrîria, mwaka ûrîa akarîvîrîria Zayuni kuuma kûrî nthû ciayo.

Isaia 35:4

Îrani arîa marî na guoya ngoro atîrî, “Îyûmîrîrieni, tigani gwîtigîra! Taroriani Ngai wenyu nîagaaûka kûmûrîvîrîria, nîagaaûka kûverithia nthû cienyu, ke mwene nîagaaûka kûmûvonokia.”

Isaia 40:1

Ngai wenyu arauga atîrî, “Ûmîrîriani andû akwa, thiîni mûkamaûmîrîrie!

Isaia 49:8

Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.

Isaia 51:12

Ngai-Mûnene arauga atîrî, “Nie nînie ngûvoragîria. Wîtigagîra mûndû wa gûkua nîkî, ûgetigîra mûndû wa gûkû nthî ûrîa ûthiraga ta nyaki?

Isaia 57:18

“Nîmonete mîthiîre yao, nwatî nîngamavonia. Nîngamatongoria, na nîmaûmîrîrie; nîngavoreria andû arîa macakayaga.

Isaia 58:5

Mûthenya ûrîa mûrenyerekia, nîmwîverithagia; mwînamagîrîria ciongo cienyu ta kamûnyaki, na mûkaara nguo cia macakaya mûkaimamîra na mûkamama mûurî. Kûu nîkuo mwîtaga kwînyerekia? Mwîciragia nie Ngai-Mûnene, nwa ngenue nî mûthenya ta ûcio?

Isaia 60:10

Ageni nîo magaatuma rîngî nthingo cienyu, nao athamaki ao nîmakaamûtungatîra. Wana ethîrwa nînamûverithirie nîûndû wa kûrakara, rîu nîngûmwîguîra ntha na nîmûtuge.

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Jeremia 31:13

Erîtu nîmakeinia makenete, na anake na athuuri nîmagaakena. Nîngaagarûra macakaya mao matuîke gîkeno, nîngamaûmîrîria na ndûme magîe na gîkeno îthenya rîa kîeva.

Jeremia 46:10

Mûthenya ûcio nî wa Ngai-Mûnene Mwene Vinya Wonthe, nî mûthenya wa kwîrîvîrîria; mûthenya wa kwîrîvîrîria kûrî nthû ciake. Rûviû nîrûkamathiria na rwîganîre, na rûnyue nthakame yao rûvae. Nîûndû Ngai-Mûnene mwene vinya arî na îgongoona, kûu mwena wa rûgûrû vakuvî na rûnjî rwa Farati.

Mika 3:8

Nwatî nie, Ngai-Mûnene nîamvete vinya, na Roho wake nîamvotithîtie kûmenya ûma, na nîamvete kîvooto na ûvoti wa kwîra andû a Isiraeli na a Juda mevia mao.

Mathaayo 5:4

Kûrathimwa nî arîa marî na kîeva; nîûndû nîmakaaûmîrîrua!

Luka 4:19

na atî îvinda nîrîkinyu rîrîa Mwathani akûvonokia andû ake.”

Luka 6:21

Kûrathimwa nîmue arîa avûtu rîu, nîûndû nîmûkaavaithua! Kûrathimwa nîmue arîa mûrarîra rîu, nîûndû nîmûkaatheka!

2Akor 6:2

Ngai augîte atîrî: “Rîrîa kavinda gaakinyire gakwa ga gûgwîka waro nie nînaakwîguire; rîrîa mûthenya wakinyire wakwa wa gûkûvonokia nie nînaagûtethirie.” Tathikîrîria! Gaka nîko kavinda karîa kagîrîru, ûmûnthî nîguo mûthenya wa kûvonokua!

1Ath 2:16

Wana nîmaageragia gûtûgiria tûtikavunjîrie andû a ndûrîrî ndûmîrîri îrîa îngîtûma mavonoke. Na njîra îno nîmarîkîtie gûkinya mûthiia wa mevia marîa matwîre mekaga. Namo marakara ma Ngai nîmakinyîte kûrî o.