Isaia 60:6 - ÎVUKU RÎA ÛVORO MWARO

⁶ Ikundi cia ngamîîra nîigaakunîka vûrûri waku, njaû cia ngamîîra cia kuuma Midiani na Efa. Cionthe nîigaaûka kuuma Sheba ikûreterete thaavu na ûbani, na nîikaanîrîra ngumo ya Ngai-Mûnene!

Isaia 60:6 ပူးပေါင်းရင်းမြစ်များ

Kîam 10:7

Anake a Kushi maarî: Seba Havila, Sabuta, Raama na Sabuteka. Njiarwa cia Raama marî andû a Sheba na Dedani.

Kîam 25:13

Mama nîmo marîîtwa ma avîcî a Ishumaeli marûmanîrîrîte kûringana na ûrîa maaciarirwe. Nebaiothi nîke warî îrikithathi. Aarûmîrîrîtwe nî Kedari, Adibeli, Mibusamu,

1Atha 10:2

Aathiîre kûrî Solomoni kûu Jerusalemu marî na andû eengî mûno, ngamîîra ikuuîte mînyamû mînungi waro, tûthiga twa goro vamwe na thaavu nyîngî. Rîrîa mûndûmûka ûcio mûthamaki aakinyire kûrî Solomoni, nîwerire Solomoni maûndû monthe marîa aarî namo ngororî yake.

2Atha 8:9

Kwoguo Hazaeli nîwocire kîveo na akîthiî gûtûnga Elisha. Aathiîre na indo cionthe mbaro cia kuuma Damesiki aikuuîte na mbarathi mîrongo îna (40). Rîrîa Hazaeli aakinyire kûrî Elisha, nîwamwîrire atîrî, “Ndungata yaku, mûvîcî wa Hadadi, mûthamaki wa Sîria andûma mbûke ngûrie kana nîakûvona mûrimû ûcio arwarîte.”

1Maû 1:33

Midiani aarî na avîcî atano, nao maarî: Efa, Eferi, Hanoku, Abidani, na Elida.

2Maû 9:1

Rîrîa mûndûmûka ûrîa warî mûthamaki wa Sheba eegwire ngumo ya mûthamaki Solomoni, nîwathiîre Jerusalemu nîguo akagerie Solomoni na ciûria nyûmû. Mûndûmûka ûcio mûthamaki wa Sheba nîwathiîre na ndungata nyîngî na ngamîîra nyîngî ikuuîte mînyamû mînungi waro, thaavu na mathiga ma goro. Rîrîa aakinyire kûrî mûthamaki Solomoni, nîwamwîrire maûndû monthe marîa maarî ngororî yake.

Thaburi 67:4

Mavûrûri nîmakene na maine macanjamûkîte, nîûndû ûtucagîra andû na kîvooto, na nîûtongoragia mavûrûri monthe ma nthî.

Thaburi 72:10

Athamaki a Tarishishi na a icîgîrîra nîmakaaruta gooti kûrî ke, athamaki a Sheba na a Seba nîmakaamûvirîra iveo.

Thaburi 72:15

Mûthamaki, ûrotûûratûûra! Arovewa thaavu kuuma Sheba; arovoyagîrwa nî andû vîndî cionthe; Ngai aromûrathimaga vîndî cionthe!

Isaia 30:6

Îno nîyo ndûmîrîri ya Ngai îgiî nyamû cia Negebu. “Anjaama mathiîte mavîtûkanîrîtie vûrûrirî wa thîna na kîeva, kûrîa kûrî mînyambû ya nga na ya njamba, kûrîa kûrî njoka irî ûrogi na ciîngî nene igûrûkaga. Makuuithîtie mvunda ûtonga wao, na magakuuithia ngamîîra indo ciao cia goro, mavirîrîte andû matangîmaguna na kîndû wanarî kîrîkû.

Isaia 42:10

Inîrani Ngai-Mûnene rwîmbo rûcerû, nthî yonthe nîîmwinîre nyîmbo cia kûmûkumia! Îria na nyamû cionthe irîa itûûraga kuo, icîgîrîra na ndeererî cia îria na andû arîa matûûraga kuo!

Isaia 45:14

Ngai-Mûnene arera Isiraeli atîrî, “Ûtonga wa Misiri na indo cia Ethiopia ikethîrwa irî cienyu, nao andû arîa araca na îgûrû a Seba, nîmagaaûka kûrî we na methîrwe marî aku, na makûrûmîrîre. Nîmagaaûka kûrî we movetwe na mînyororo, na makwînamîrîrie mothiû mao makiugaga atî: ‘Ngai arî vamwe nawe, na gûtirî ngai îngî tiga ke.’ ”

Isaia 60:9

Nî meri ciumîte mavûrûrirî ma kûraca, itongoreretue nî meri cia Tarishishi. Iretete andû aku kuuma kûndû kûraca, marî na sîlûva na thaavu ciao, nîûndû wa rîîtwa rîa Ngai-Mûnene Ngai wenyu, na nîûndû wa Ûrîa Mûtheru wa Isiraeli, nîûndû nîatûmîte mûgîe riiri.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Jeremia 6:20

Mandetagîra ûbani wakî kuuma Sheba, kana mînyamû mînungi waro kuuma vûrûri wa kûraca? Matega menyu ma kûvîvua matingîtîkîrîka, kana ngenua nî magongoona menyu.”

Ezek 27:22

Endia na agûri indo kuuma Sheba na Rama nîmaakûrananagia indo nawe. Nîmaakûretagîra indo cionthe irîa ciarî mbaro mûno cia mînyamû îrîa mînungi waro, mathiga monthe ma goro na thaavu.

Zefania 3:10

Kuuma mûringo wa nyûnjî cia Ethiopia, andû akwa arîa manyaganîtie kûndû na kûndû, nîmakaandetere maruta.

Zakaria 14:16

Nao andû arîa magaatigara marî mwoyo a ndûrîrî irîa ciarûire na Jerusalemu nîikaathiîcaga mwaka wa mwaka kûgooca Ngai-Mûnene mwene vinya wonthe ûrîa mûthamaki, na gûkûngûîra kîrugo gîa tûnyomba.

Malaki 1:11

nîûndû andû a mavûrûri monthe ma nthî nîmakumagia rîîtwa rîakwa. Kûndû kuonthe nîmvîvagîrua ûbani na ngarutîrwa magongoona matheru, nîûndû rîîtwa rîakwa nîrîkumagua nî mavûrûri monthe.

Mathaayo 2:11

Na rîrîa maatonyire nyomba, nîmoonire mwana ûcio arî na ng'ina Mariamu. Nao nîmaaturirie maru mbere ya mwana ûcio na makîmûgooca. Nîmaacokire makîovora mîvuko yao, makîruta indo cia goro mûno makîva mwana ûcio. Nacio indo icio ciarî: thaavu, maguta maanungaga waro, na ndawa ya goro mûno kuuma kûrî mûtî wîtagwa mare.

Aroma 15:9

Kristû ekire ûguo nîguo andû a Ndûrîrî makumie Ngai nîûndû wa ntha ciake. Mandîko Matheru maugîte atîrî, “Kwoguo nie ngaagûkumagia gatagatîrî ka andû a Ndûrîrî, nie ngaainaga ngîkumagia rîîtwa rîaku.”

Gûco 32:43

“Mue mavûrûri, kumiani andû a Ngai-Mûnene, nîûndû nîarîvagia arîa maûragaga ndungata ciake. Nîerîvagîrîria kûrî nthû ciake, na akatheria mevia ma andû ake.”

Afil 2:17

Kwavoteka mbûragwe; na njîra ta îno nîngîthîrwa mbîkariî ta kîgongoona kîrîa mûrutagîra Ngai nîûndû nîmwîtîkîtie. Kûngîtuîka ûguo, nwa mbîthîrwe nîrî na gîkeno na nganyitanîra gîkeno gîakwa na mue muonthe.

1Pet 2:5

Ûkani kûrî Kristû ta mathiga marî mwoyo mûtûmîrwe gûtuma hekarû ya kîîroho na matuîke ta athînjîri-Ngai atheru a kûrutaga magongoona ma kîîroho kûrî Ngai. Nake agetîkagîra magongoona mau na njîra ya Jesû Kristû.

1Pet 2:9

Nwatî mue mûrî rûrîrî rûthuure, athînjîri-Ngai a mûciî wa mûthamaki, rûrîrî rûtheru na rwa andû a Ngai. Mwathuurirwe mwanagîrîre ûvoro wîgiî ciîko cia magegania cia Ngai. Ke nîke wamwîtire muume ndumarî na mûkinye ûtherirî wake wa magegania.

Atir 6:5

Maathiîre vûrûrirî wa Isiraeli na ng'ombe ciao, wana magema mao. Maathiîre vûrûrirî ûcio mengîvîte ta ngige. Andû acio o ene vamwe na ngamîîra ciao matiatarîkaga nîûndû wa kwîngîva. Maatonyire vûrûrirî nîguo maûcûkangie viû.

Atir 7:12

Amidiani, Amaleki na andû onthe a mwena wa îrathîro maanyagarûkîte kûu Kîamndarî ta gîtutu Kîam ngige na maarî na ngamîîra nyîngî ta mûthanga ûrîa wîthagîrwa ûrî rûtererî rwa îria.