Isaia 60:5 - ÎVUKU RÎA ÛVORO MWARO

⁵ Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.

Isaia 60:5 ပူးပေါင်းရင်းမြစ်များ

Thaburi 119:32

Ngaarûmagîrîra ûrîa maathani maku maugîte, nîûndû nîûmvecaga ûtaûku mwîngî.

Thaburi 34:5

Mwîvokeni na mûgîe na gîkeno; na gûtirî vîndî mûgaaconorithua.

Isaia 23:18

Mbeca irîa rîkaagîa nacio ikaamûrîrwa Ngai-Mûnene. Mbeca icio itikaigwa, nwatî nîigaatûmîrwa nî arîa magoocaga Ngai-Mûnene kûgûra irio nyîngî na nguo mbaro.

Isaia 54:2

Araramia îgema rîaku, na ûtambûrûkie itambaa cia kûrîa ûtûûraga, ndûkegue vinya, gucagucia mîkanda, na ûkindîre nthugî ciarîo.

Isaia 60:11

Ivingo ciaku igeekaraga irî mvingûre, itikaavingwa ûtukû na mûthenya, nîguo andû magaakûretagîre ûtonga wa ndûrîrî, marûmanîrîrîte na athamaki ao.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Isaia 66:12

Ngai-Mûnene arauga atîrî, “Ngaava îtûûra rîa Jerusalemu ûtonga mwîngî ta rûnjî, na ûtonga wa ndûrîrî ûgeecûra kuo ta rûnjî rûrî rwîcûru. Namue mûkoonga na mûkuuagwe ta mwana wa rûkenge, na mûthathawe ta mwana athathaagwa arî cierorî cia ng'ina.

Jeremia 33:9

Îtûûra rîîrî nîrîgatûma ngîe na gîkeno, ngumo na mbere ya mavûrûri monthe ma nthî marîa makegua ûvoro wîgiî maûndû monthe maro marîa nîmekaga. Mavûrûri nîmagetigîra na mainaine nîûndû wa maûndû maro na wagîrîru ûrîa ndeterete îtûûra rîîrî.”

Hosea 3:5

Vuvarî, andû a Isiraeli nîmagacoka macarie Ngai-Mûnene Ngai wao na macarie mûthamaki wao wa rûciaro rwa Daudi. Nîmagacoka magoce Ngai-Mûnene Ngai wao na kwîvoka wega wake mavinda ma mûthiia.

Mathaayo 25:16

Ndungata îrîa yaverwe mbeca cia sîlûva ngiri ithano, nîyathiîre wa rîmwe, na îgîcionjorithia, na îkîona ngiri ciîngî ithano.

Ciîko 10:45

Nao etîkia a Kîyahudi arîa maaûkanîtie na Petero maumîte Jopa, nîmaamakire mûno nîûndû kîveo Kîam Roho Mûtheru nîkîavecanîtwe wana kûrî Andû a Ndûrîrî.

Ciîko 11:17

Ngai nîwavere andû a ndûrîrî kîveo wata kîrîa aatûvere vîndî îrîa twetîkirie Mwathani Jesû Kristû. Nie naarî û vi wa kûgiria Ngai eke ûrîa eendaga gwîka!”

Ciîko 24:17

“Na vuva wa gwîkara kavinda karaca ndathiîte Jerusalemu, nînaacokire kuo nthiîte kûvira mbeca kûrî andû etû na kûruta magongoona.

Aroma 11:25

Ariû na aarî a îthe wetû, nie nînîrenda kûmûmenyithia ûma ûrîa mûthithe nîguo mûtigekare mûkîîraga na ngoro cienyu atî mûrî aûgî mûno. Ûma ûcio nî atî ûremi wa andû amwe a Isiraeli tî wa gûtûûra, nwatî ûkethagîrwa vo tu nginya rîrîa andû onthe a Ndûrîrî magaûka kûrî Ngai.

Aroma 15:26

Nîûndû etîkia arîa marî Makedonia na Akaia nîmarutîte indo ciao matakûringîrîrua nîguo matethie andû a Ngai arîa athîni kûu Jerusalemu.

2Akor 10:15

Kwoguo tûtikwîgatha nîûndû wa wîra ûrîa andû engî marutîte makîria ya ûrîa Ngai atûvete. Vandû va ûguo, tûkwîvoka atî wîtîkio wenyu nîûkwongerereka na nîtûkaavota kûruta wîra mûnene makîria gatagatîrî kenyu ûrîa Ngai atûvete.

Gûco 33:19

Nîmageta andû onthe magomane vamwe kîrîmarî; na marute magongoona marîa magîrîre vo. Nîûndû marutaga ûtonga wao îriarî, na mûthangarî ûrîa ûrî rûtererî rwa îria.”

Kûguû 21:24

Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.

Kûguû 21:26

Mavûrûri monthe nîmakaarete ûtonga wao na moonene mao kûu îtûûrarî.

1Sam 2:1

Hana nîwavoire na akiuga atîrî, Ngai-Mûnene nîecûrîtie gîkeno ngororî yakwa, nie nîngenete nîûndû wa ûrîa ekîte. Nînthekagîrîra nthû ciakwa, nîrî mûkenu nîûndû Ngai nî amvonoketie!