Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 60:4 - ÎVUKU RÎA ÛVORO MWARO

4 Roria mîena yonthe wone: andû onthe maraûngana vamwe maûkîte kûrî we! Anake aku nîmakaauma kûndû kûraca, na erîtu aku magaaûka makuuîtwe na njara ta ciana.

အခန်းကိုကြည့်ပါ။ ကော်ပီ




Isaia 60:4
18 ပူးပေါင်းရင်းမြစ်များ  

Nîagaaûkîrîria vendera ya kwonia mavûrûri, atî nîakaaûngania andû a Isiraeli arîa matarî kîene, nîakaaûngania andû a Juda arîa manyaganîtie mîthiiarî îna ya nthî.


Andû a mavûrûri nîmagaatethereria andû a Isiraeli gûcoka vûrûrirî ûrîa maaverwe nî Ngai-Mûnene. Nao andû acio a mavûrûri nîmagaatungatagîra Aisiraeli marî ngombo. Arîa maatavîte Aisiraeli nîmagaatavwa nî Aisiraeli, na andû a Isiraeli nîmakaatha arîa maamavinyagîrîria.


Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.


Nîngera mwena wa rûgûrû, ‘Marekererie mathiî,’ naguo mwena wa îveti nîwîre, ‘Ndûkamavingîrîrie.’ Cokiani andû akwa kuuma mavûrûri ma kûraca, na mûrete erîtu akwa kuuma mîthiia ya nthî.


Andû akwa nîmakaauma kûndû kûraca, nao engî maume mwena wa rûgûrû na engî mwena wa îthûîro, na arîa engî maume mwena wa îveti.”


Arîa magaagûtuma rîngî nîmagûka wa rîu, nao arîa maagûcûkangirie nîmakaauma kûrî we mathiî.


Vingûra metho ûrorie mîena yonthe na wone; andû aku onthe maûnganîte vamwe maûkîte kûrî we! Wata ûrîa nie ndûûraga mwoyo, ûgeekîra andû aya onthe ta nguo, wata ûrîa wîkagîra nguo cia kwîgemia nacio, na ûmeyove wata ûrîa mûviki eyovaga rîrîa akwîgemia na mathaga make.


Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.


“Nie Ngai-Mûnene nîramwîra mue ndungata ciakwa andû a Jakovu mûtigetigîre, kana mue andû a Isiraeli mûgwatwa nî guoya; nîûndû nîngamûvonokia kuuma vûrûrirî wa kûraca, na njiarwa ciaku nîirute vûrûri ûrîa ithamîrîtue. Nîmûgaacoka na mûtûûre na thayû, na gûtirî mûndû ûgatûma mûgîa na guoya.


Nîngacokia andû akwa vûrûrirî wao, nîmagaatuma rîngî matûûra marîa moomorirwe na matûûre kuo, nîmakaavanda mîthavibu na manyue ndivei ya yo, nîmakavanda irio mûgûndarî na marîe maketha ma yo.


Vîndî îo andû enyu nîmagacoka kûrî mue, kuuma Asîria nginya icagirî cia Misiri, na kuuma Misiri nginya rûnjîrî rwa Farati; kuuma îriarî nginya îriarî na kuuma kîrîmarî nginya kîrîmarî.


Nîngainainia mavûrûri monthe, na nîguo mîthithû yonthe ya mavûrûri îkaaretwe gûkû, na nîngecûria hekarû îno ûthaka wayo, nînie Ngai-Mûnene mwene vinya wonthe nauga ûguo.


Nîramwîra na ma atî andû eengî nîmagaaûka maumîte mwena wa îrathîro na wa îthûîro, nîmagekara nthî na marîcanîre na Iburahimu, Isaka na Jakovu, ûthamakirî wa îgûrû.


Mue mwîthagîrwa na nthimo yugaga atîrî, ‘Îvinda rîa gûketha rîtigarîtie mîeri îna tu.’ Nwatî nie nîramwîra atîrî, vingûrani metho menyu na mûrorie mîgûnda mwone atî maciaro ma kîmera gîkî nî makûrû!


Na thavatû îo yarûmîrîrîte, vakuvî andû onthe a îtûûra rîu nîmaagomanire kuo nîguo megue kiugo Kîam Mwathani.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ