Isaia 60:19 - ÎVUKU RÎA ÛVORO MWARO

¹⁹ “Riûa rîtigacoka rîngî gûkûmûrîkîra mûthenya, wana kana mweri ûcoka gûkûmûrîkîra mathaa ma ûtukû, nwatî nie Ngai-Mûnene nînie ngaatuîka ûtheri waku wa tene na tene, naguo riiri wakwa ûkûmûrîkagîre.

Isaia 60:19 ပူးပေါင်းရင်းမြစ်များ

Thaburi 3:3

Nwatî we Ngai-Mûnene, nîwe ûngitagîra kuuma ûgwatirî, ûmvecaga ûvootani na ûkambîkîra ûcamba.

Thaburi 36:9

We nîwe ûvecanaga ûtûûro, na ûtheri waku nîguo ûtûmaga twone ûtheri.

Thaburi 4:2

Mue andû aya, nîmûtûûra mûnyararîte nginya rî? Nîmûtûûra mwendete maûndû matarî vata nginya rî mûkîaragia maveeni?

Thaburi 62:7

Ûvonokio wakwa na gîtîîo gîakwa ciumaga kûrî Ngai; nîke mûgitîri wakwa ûrîa mûnene, nîîthithaga kûrî ke.

Thaburi 84:11

Ngai-Mûnene, Ngai nî riûa na nî ngo yetû, nîatûrathimaga na agatûva gîtîîo. Ndaimaga andû arîa mekaga ûrîa kwagîrîte indo mbaro.

Thaburi 84:12

We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 28:5

Mûthenya ûcio, Ngai-Mûnene mwene vinya wonthe nîke ûkethîrwa arî nthûmbî ya riiri, na arî nthûmbî ya ûthaka kûrî andû ake arîa magaatigara marî mwoyo.

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 41:16

Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.

Isaia 45:25

Nie Ngai-Mûnene nîngaatethûra njiarwa cionthe cia Isiraeli, na nîikaavootana.

Isaia 51:11

Andû arîa aku wakûûrire we Ngai-Mûnene nîmagaacoka, magaakinya Zayuni makinaga, magecûrwa nî gîkeno gîa tene na tene. Nîmakaagîa na gîkeno na macanjamûke, kîeva na kîmako nîikaathira viû.

Isaia 60:1

We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:9

Ngai-Mûnene nîke ûkaarûa nao na nîmagaatavwa nî andû arîa maarî ngombo ciao.” Vîndî îo nîmûkaamenya atî Ngai-Mûnene, mwene vinya wonthe nîke ûndûmîte.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Gûco 10:21

Nîke mwagîrîrwe nî gûkumia, na nîke Ngai wenyu ûrîa wamûringîre ciama na morirû marîa mwonire na metho menyu.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.