Isaia 60:18 - ÎVUKU RÎA ÛVORO MWARO

¹⁸ Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 60:18 ပူးပေါင်းရင်းမြစ်များ

2Sam 7:10

Nî nthuurîrîte andû akwa a Isiraeli kûndû kwa gûtûûra na nîngaatûma matûûre kuo, nîguo na matigacoke kûvinyîrîrua rîngî ta ûrîa meekagwa mbererî nî andû arîa aganu.

Thaburi 147:14

Nîagitagîra mîvaka yenyu, nîakûvecaga ngano îrîa mbaro.

Isaia 11:9

Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.

Isaia 2:4

Ngai nîagaatuithania ciira gatagatî ka mavûrûri, na nîakeguîthania ndûrîrî nyîngî; magaatura mviû ciao cia njûra ituîke macembe ma mîraû, namo matumû mao matuîke tûviû twa gûcaa. Vûrûri ndûkaarûa na vûrûri ûrîa wîngî, kana merute kûrûa rîngî.

Isaia 26:1

Mûthenya ûcio, andû nîmakaaina rwîmbo rûrû marî vûrûrirî wa Juda: Tue tûrî na îtûûra rîrî na vinya! Ngai nîke ûtûgitagîra ta ûrîa nthingo igitagîra andû.

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 51:19

Nîûnyitîtwe nî maûndû maîrî; namo nî atî: vûrûri waku nîmûcûkangu na nî mwanangîku, yûra na ûragani. Nû ûgaakûvoreria?

Isaia 54:14

Nîûkeevanda ûvororî wa ûthingu. Ndûkaavinyîrîrua rîngî na ndûkegua guoya; na ndûkaamaka nîûndû kîmako gîtikaagûkuvîvîria.

Isaia 56:5

nîngaamava vandû nyombarî yakwa na rîîtwa rîrî na gîtîîo kînene gûkîra kîrîa angîaveerwe nîûndû wa kûgîa ciana cia erîtu na anake. Nîngaamava rîîtwa rîrîa magaatûûra metagwa tene na tene, rîrîa rîtakaariganîra.”

Isaia 60:11

Ivingo ciaku igeekaraga irî mvingûre, itikaavingwa ûtukû na mûthenya, nîguo andû magaakûretagîre ûtonga wa ndûrîrî, marûmanîrîrîte na athamaki ao.

Isaia 60:17

“Vandû va gîcango ngaakûretere thaavu, vandû va cuuma ngûretere sîlûva, vandû va mîtî ngûretere gîcango, na vandû va mathiga ngûretere cuuma. Nîngaatûma wathagwe na thayû, na ûtucagîrwe na kîvooto.

Isaia 61:11

Nîûndû wata ûrîa mûthetu ûtûmaga mbegû îmere, na wata ûrîa mûgûnda ûtûmaga kîrîa kîvande kuo gîkûre, ûguo nwaguo Mwathani Ngai-Mûnene agaatûma ûthingu na ûkumio, cionekane ndûrîrîrî cionthe.

Isaia 62:10

Andû a Jerusalemu umagarani mûthiî na kûu nja ya îtûûra, thondekerani andû enyu njîra arîa macokete! Thondekani varavara na mûthengutie mathiga monthe kuo, vandani ivaû nîguo andû a ndûrîrî mone.

Isaia 62:4

We ndûgaacoka gwîtwa rîngî, “Mûtiganîrie,” na vûrûri waku ndûgaacoka gwîtwa rîngî, “Mûndûmûka mûtiganîrie.” Nwatî ûgeetagwa, “Nîngenagua nîke,” naguo vûrûri waku ûgeetagwa, “Mûndû mûvikie.” Nîûndû Ngai-Mûnene nîakenetue nîwe, nake agaatuîka ta mûndûmûrûme avikîtie vûrûri waku.

Isaia 62:7

Mûtikamûve kanya ga kûnogoka nginya acokanîrîrie îtûûra rîa Jerusalemu, na arîtue îtûûra rîa gûkumagua nî nthî ng'ima.

Ezek 42:20

Kwoguo rûthingo rûu rwagaanîtie vandû varîa vatheru na varîa vatarî vatheru. Mîena yonthe yarî na ithimo cieganene: mita magana maîrî na mîrongo îtano (250).

Mika 4:3

Ngai nîagaatuithania maciira ma mavûrûri meengî, na egwithanie mavûrûri marîa marî vinya ma kûraca. Nîmagaatura mviû ciao ituîke macembe ma gûcimba, namo matumû matuîke tûviû twa gûcaa. Gûtirî vûrûri ûkaarûa na vûrûri wîngî, na gûtirî vûrûri ûkeevarîria nîûndû wa mbaara rîngî.

Zefania 3:19

Taroria, vîndî îo nîrîo ngaaverithia arîa onthe makûvinyagîrîria. Nîngaavonokia arîa onthe cionje na nyûnganie arîa onthe matetwe. Nîngaagarûra gîconoko Kîamo gîtuîke ûkumio wao, na ndûme mamenyeke nthî yonthe.

Zakaria 2:5

Ngai-Mûnene nîke ûkethagîrwa arî rûthingo rwa mwaki rwarîo na ûtûûrage kuo arî na riiri.’ ”

Zakaria 2:9

Ngai-Mûnene nîke ûkaarûa nao na nîmagaatavwa nî andû arîa maarî ngombo ciao.” Vîndî îo nîmûkaamenya atî Ngai-Mûnene, mwene vinya wonthe nîke ûndûmîte.

Zakaria 9:8

Nîngaagitîra hekarû yakwa ndîkaatharîkîrwe nî nthû; Gûtirî mûndû ûgaacoka kûvinyîrîria andû akwa rîngî, nîûndû rîu nînîreyonera na metho makwa nie mwene.