Isaia 60:17 - ÎVUKU RÎA ÛVORO MWARO

¹⁷ “Vandû va gîcango ngaakûretere thaavu, vandû va cuuma ngûretere sîlûva, vandû va mîtî ngûretere gîcango, na vandû va mathiga ngûretere cuuma. Nîngaatûma wathagwe na thayû, na ûtucagîrwe na kîvooto.

Isaia 60:17 ပူးပေါင်းရင်းမြစ်များ

1Atha 6:30

Kûu nthî nyombarî cia ndaarî na cia nja kwavakîtwe thaavu.

Thaburi 147:14

Nîagitagîra mîvaka yenyu, nîakûvecaga ngano îrîa mbaro.

Thaburi 72:3

Vûrûri ûrogîa na ûthiî wa na mbere, na ûgîe na maûndû ma ûthingu.

Isaia 1:26

Nîngaamûcokeria atucanîri ciira ta arîa a mbere, na andû a kûmûtaara wata arîa mwarî nao Kîammbîrîriarî. Vuva wa ûguo Jerusalemu nîgaacoka gwîtwa, ‘Îtûûra rîa Ûthingu,’ ‘Îtûûra Rîvokeku.’ ”

Isaia 30:26

Makîria ya ûguo, mweri nîûkaara ta riûa, naguo ûtheri wa riûa ûneneve maita mûgwanja ta ûtheri wa mîthenya mûgwanja warîte mûthenya ûmwe. Ûguo nîguo gûgekara mûthenya ûrîa Ngai-Mûnene akoova ngurara na avonie ironda cia andû ake kûrîa aamativangirie na rûthanju rwake.

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 60:16

Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Danieli 11:20

“Mûthamaki wîngî nîagaaûka na athane vuva wake. Mûthamaki ûcio nîagaatûma mwîtia mbia cia gooti nîguo avinyîrîrie andû kûruta gooti nîguo ongerere ûtonga wa ûthamaki wake. Nwatî kavinda gatarî karaca, mûthamaki ûcio nî akaaûragwa. Nwatî ndakaaûragîrwa mbaararî kana aûragîrwa andû makîonaga.”

Hagai 2:8

Sîlûva na thaavu yonthe gûkû nthî nî ciakwa.

Zakaria 12:8

Vîndî îo Ngai-Mûnene nîakaagitîra andû arîa matûûraga Jerusalemu, nîguo andû arîa matarî vinya gatagatîrî kao makaagîa na vinya ta mûthamaki Daudi. Nacio njiarwa cia Daudi nîigaatongoria andû a Juda ta araika a Ngai-Mûnene, ta arî Ngai ûramatongoria.

Ahib 11:40

nîûndû Ngai nîwathondekete mûvango wetû warî mwaro makîria. Wendi wa Ngai nî atî andû acio magaatuwa agîrîru tûrî vamwe nao.

2Pet 3:13

Nwatî kûringana na kîîranîro gîake, tue twetererete îgûrû rîcerû na nthî njerû, kûrîa gûkethîrwa gwîcûrîte ûthingu.