Isaia 60:16 - ÎVUKU RÎA ÛVORO MWARO

¹⁶ Nîûkaareterwe irio nî andû a ndûrîrî, athamaki magaakûvecaga irio mbaro, na nîûkaamenya atî nie Ngai-Mûnene, nînie Mûvonokia waku, nînie mwene Vinya mûkûri wa Jakovu.

Isaia 60:16 ပူးပေါင်းရင်းမြစ်များ

Ntha 6:7

Nîngaamûtua andû akwa, nanie nduîke Ngai wenyu. Mue nîmûkaamenya atî nie nî nie Ngai-Mûnene, Ngai wenyu vîndî îrîa ngaamûruta ûkomborî vûrûrirî wa Misiri.

Isaia 1:24

Kwoguo Ngai-Mûnene Mwathani mwene vinya wonthe, kîvoti wa Isiraeli arauga atîrî, “Nîngetûrûra marakara makwa kûrî nthû ciakwa, na nîîrîvîrîrie kûrî andû arîa mareganaga nanie.

Isaia 12:6

Ugîrîriani na mwine mûkenete, mue arîa mûtûûraga Zayuni! nîûndû Ûrîa Mûtheru wa Isiraeli nî mûnene, na atûûraga gatagatîrî kenyu.”

Isaia 19:20

Metha îo ya kîgongoona îgaatuîka kîmenyithia na ûira kûrî Ngai-Mûnene mwene vinya wonthe vûrûrirî wa Misiri. Rîrîa andû a kuo makaarîrîra Ngai-Mûnene amatethie kuuma kûrî arîa mamavinyagîrîria, ke nîakaamatûmîra mûmatethia wa kûmagitîra na kûmavonokia.

Isaia 25:9

Mûthenya ûcio, andû onthe nîmakaauga atîrî, “Taroriani, ûyû nîke Ngai wetû! Nîke twetererete, nîguo atûvonokie. Ûyû nîke Ngai-Mûnene; nîke twetererete; tigani tûkene na tûcanjamûke nîûndû wa gûtûvonokia.”

Isaia 29:24

Andû arîa ariitu nîmakaagîa na ûmenyo, nao arîa manugunaga nîmagetîkîra kûthomithua.”

Isaia 33:22

Nîûndû Ngai-Mûnene nîke mûtucanîri ciira wetû, Ngai-Mûnene nîke ûtwathaga, Ngai-Mûnene nîke mûthamaki wetû, na nîke ûgaatûvonokia.

Isaia 43:11

“Nie nienga tu, nînie Ngai-Mûnene, na gûtirî mûvonokia wîngî tiga nie.

Isaia 45:15

Nama we wî Ngai ûrîa wîthithîte, Ngai wa Isiraeli, Mûvonokia.

Isaia 45:21

Umbûrani na mwîtetere; tigani andû maciire marî vamwe. Nû waririe maûndû mama wa tene? Anga tî nie Ngai-Mûnene? Gûtirî ngai îngî tiga nie, nînie Ngai mûthingu na Mûvonokia; gûtirî ngai îngî tiga nie.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 49:26

Nîngaatûma arîa mamûvinyagîrîria marîe nyama ciao o ene, na marîwe nî nthakame yao o ene ta ndivei. Andû onthe nîmakaamenya atî Nie Ngai-Mûnene, nînie Mûvonokia waku, nînie Mûkûri waku, Ûrîa ûrî Vinya wa Jakovu.”

Isaia 52:6

Kwoguo andû akwa nîmakaamenya rîîtwa rîakwa, na mûthenya ûcio nîmakaamenya atî Nie nînie mbaragia na, Nînie nîrî ava.”

Isaia 59:20

Ngai-Mûnene arera andû ake atîrî, “Ngaaûka Zayuni nîrî Mûkûri wa andû a njiarwa cia Jakovu arîa magaatiganîria mevia mao.

Isaia 60:17

“Vandû va gîcango ngaakûretere thaavu, vandû va cuuma ngûretere sîlûva, vandû va mîtî ngûretere gîcango, na vandû va mathiga ngûretere cuuma. Nîngaatûma wathagwe na thayû, na ûtucagîrwe na kîvooto.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Isaia 63:16

Nîûndû we nîwe Vava. Wana Iburahimu angîrega gûtûmenya, na Isiraeli auge ndatwîcî, we Ngai-Mûnene nîwe Vava, nîwe wîtagwa mûkûri wetû kuuma tene.

Isaia 63:8

Ngai-Mûnene arauga atîrî, “Nama aya nî andû akwa; matikaamveenia.” Kwoguo nîwamavonokirie

Isaia 66:14

Rîrîa mûkoona maûndû mau magîkîka nîmûgaakena, mûgeekara mûrî na ûgima wa mîîrî na mûrî na vinya. Vîndî îo nîrîo gûkaamenyekana atî nie Ngai-Mûnene, nînie ngitagîra ndungata ciakwa. Na rîrîa narakara nîmverithagia nthû ciakwa.”

Jeremia 15:21

Nîngagûtethûra njararî cia andû arîa aganu, na ngûvonokie kuuma kûrî arîa makûnyitîte na matarî na vinya.”

Ezek 34:30

Nao andû nîmakaaamenya atî, nie Ngai-Mûnene Ngai wao, nîrî vamwe nao na mamenye atî andû a Isiraeli nî andû akwa. Nie Ngai-Mûnene Ngai nînie mbugîte ûguo.

Kûguû 21:24

Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.

Kûguû 21:26

Mavûrûri monthe nîmakaarete ûtonga wao na moonene mao kûu îtûûrarî.