Isaia 60:13 - ÎVUKU RÎA ÛVORO MWARO

¹³ Nîûkaareterwe riiri wonthe wa Lebanon: mîthithinda, mîcindanûgû na mîkarakava yonthe nîîkaretwe nîguo îgemie hekarû yakwa, nanie nîngaacoka nthakarie varîa mbîkaraga.

Isaia 60:13 ပူးပေါင်းရင်းမြစ်များ

1Maû 28:2

Mûthamaki Daudi nîwamerire atîrî, “Tanthikîrîriani andû etû. Nînîrendete gûtuma nyomba ya kwigwa îthandûkû rîa kîrîkanîro Kîam Ngai-Mûnene, Ngai wetû na va kwigwa gaturwa ka magûrû make, na nînavarîrîrie gûtuma.

2Maû 2:15

Kwoguo, tûtûmîre indo irîa watwîrîre. Indo icio nî: ngano, cairi, ndivei na maguta ma ndamaiyû.

Ezira 7:27

Nake Ezira nîwacokire akiuga atîrî, “Ngai-Mûnene, Ngai wa methe metû ma tene arokumua! Nîûndû nîatûmîte mûthamaki agîe na wendi wa kûva gîtîîo hekarû ya Ngai-Mûnene îrîa îrî Jerusalemu.

Thaburi 132:7

Nîtwaugire atîrî, “Nîtûthiî nyombarî ya Ngai, tûkamûgooce tûrî mbere ya gîtî gîake Kîam ûthamaki.”

Thaburi 96:6

Ke athiûrûrûkîrîtue nî riiri na ûnene; Hekarû yake îcûrîtwe nî vinya na ûthaka.

Thaburi 99:5

Kumiani Ngai-Mûnene, Ngai wetû, Mûgooceni mûrî mbere ya gîtî gîake Kîam ûthamaki! Ke nî mûtheru!

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 55:13

Îthenya rîa kûmere mîgua gûkaamera mîvondo; îthenya rîa kûmere nthaugû gûkaamera mîandathi. Rûu nîruo rûkethîrwa rûrî rûûri rwa kûririkanagia andû maûndû marîa nie Ngai-Mûnene mbîkîte, na rûgaatûûra tene na tene.”

Isaia 60:7

Ndîthia cionthe cia ng'ondu cia Kedari nîikaaûnganua vamwe iretwe kûrî we, nîûkaaruta ndûrûme cia Nebaiothi magongoona, ciathînjwa na cigîrîrwe metharî yakwa ya kîgongoona nîngaaciamûkîra, na nîngaathakaria hekarû yakwa gûkîra mbere.

Isaia 66:1

Ngai-Mûnene arauga atîrî, “Îgûrû nî gîtî gîakwa Kîam ûnene, nayo nthî nî njûng'wa ya kwigîrîra magûrû makwa. Nî nyomba ya mûthemba ûrîkû mûngîndumîra, na nî vandû vekariî atîa nîngîvota gûtûûra?

Ezek 47:7

Rîrîa nacokaga nînonire mîena yoîrî ya karûnjî kûrî na mîtî mîngî.