Isaia 60:11 - ÎVUKU RÎA ÛVORO MWARO

¹¹ Ivingo ciaku igeekaraga irî mvingûre, itikaavingwa ûtukû na mûthenya, nîguo andû magaakûretagîre ûtonga wa ndûrîrî, marûmanîrîrîte na athamaki ao.

Isaia 60:11 ပူးပေါင်းရင်းမြစ်များ

Nehemia 13:19

Kwoguo nînavecanire watho atî ivingo cia îtûûra rîa Jerusalemu ivingagwe vîndî yonthe kîvwaî mbere ya thavatû na itikavingûrwe nginya rîrîa thavatû îkaathira. Nînacokire ngiga ndungata imwe ciakwa ivingorî nîguo cione atî gûtirî kîndû kîngîatonyagua îtûûrarî mûthenya wa thavatû.

Thaburi 149:8

Nîmove athamaki ao na nyororo, na move atongoria ao na mvîngû cia cuuma;

Isaia 24:21

Mûthenya ûcio Ngai-Mûnene nîakaaverithia ciûmbe, ciûmbe cia îgûrû ikaaverithîrua kûu îgûrû, na athamaki a nthî maverithîrue gûkû nthî.

Isaia 26:2

Vingûrani ivingo cia îtûûra, nîguo vûrûri ûrîa mûthingu, na ûrîa mwîvokeku ûtonye ndaarî.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 56:7

nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 60:5

Nîûkoona ûguo, na wîcûrwe nî gîkeno, ngoro yaku nîgaacanjamûka nî gûkena, nîûndû ûtonga wa ndûrîrî nîûkaaretwe kûrî we, ûtonga wa îriarî nîûkaaretwe kûrî we.

Isaia 61:6

Nwatî mue mûgeetagwa athînjîri-Ngai a Ngai-Mûnene, andû makaamwîtaga Ndungata cia Ngai wetû. Mûkaarîcaga ûtonga wa ndûrîrî, na mwîkenagie naguo.

Isaia 62:10

Andû a Jerusalemu umagarani mûthiî na kûu nja ya îtûûra, thondekerani andû enyu njîra arîa macokete! Thondekani varavara na mûthengutie mathiga monthe kuo, vandani ivaû nîguo andû a ndûrîrî mone.