Isaia 60:10 - ÎVUKU RÎA ÛVORO MWARO

¹⁰ Ageni nîo magaatuma rîngî nthingo cienyu, nao athamaki ao nîmakaamûtungatîra. Wana ethîrwa nînamûverithirie nîûndû wa kûrakara, rîu nîngûmwîguîra ntha na nîmûtuge.

Isaia 60:10 ပူးပေါင်းရင်းမြစ်များ

Thaburi 102:13

Nîûkaarûngama na wîguîre îtûûra rîa Zayuni ntha, kavinda nî gakinyu ga kûrîguîra ntha, kavinda karîa kagîrîru nî gakinyu.

Thaburi 30:5

Marakara ma Ngai-Mûnene nî ma kavinda kanini, na wega wake nî wa tene na tene. Nwa kwîthîrwe kûrî na kîrîro ûtukû, nwatî kîraûko kwîthîrwe na gîkeno.

Isaia 12:1

Mûthenya nîûgaakinya rîrîa mûkaaina atîrî, “Nîngagûcokeria ngatho we Ngai-Mûnene, nîûndû warî mûrakaru nîtue, nwatî rîu marakara maku nî mathiru, na nîûtûmîrîrîtie.

Isaia 49:23

Athamaki magaatuîka amenyereri aku, nao aka ao matuîke akûreri. Nîmagaaturumithia mothiû mao nthî mbere yaku na magûtîîe; na nîmagaakwonia gîtîîo menyivîtie. Nawe nîûgaacoka ûmenye atî Nie, nînie Ngai-Mûnene; na atî arîa mambetagîrîra matigaaconorithua.”

Isaia 56:6

“Nao andû ageni arîa megiritanîtie na andû akwa nie Ngai-Mûnene, arîa mamendete, mandungatagîra, arîa mamenyagîrîra thavatû matakûmîcûkia na marûmagîrîra kîrîkanîro gîakwa na kinyi marî na wîvokeku,

Isaia 60:3

Ndûrîrî nîigaaûka ûtherirî waku, nao athamaki maûke ûkengurî waku.

Isaia 61:2

Nîandûmîte manîrîre mwaka wa Ngai-Mûnene wa gûtugana, na mûthenya wa Ngai wetû wa kwîrîvîrîria nî mûkinyu, na nyûmîrîrie arîa onthe maracakaya.

Isaia 61:5

Ageni nîo makaamûrîthagîria ndîthia cienyu, nîo makaamûrîmagîra mîgûnda yenyu, na mamenyagîrîre mîgûnda yenyu ya mîthavibu.

Isaia 64:9

Ndûgatûrakarîre makîria, we Ngai-Mûnene, kana ûtûûra ûririkanaga mevia metû tene na tene. Ririkana atî tue tuonthe tûrî andû aku.

Isaia 66:21

Nîngaathuura amwe ao nîmatue athînjîri-Ngai na amwe ao nîmatue Alawi.

Joeli 2:18

Ngai-Mûnene nîwacokire akîonania wendo wa vûrûri wake, na akîguîra andû ake ntha.

Zakaria 6:15

“Andû arîa matûûraga kûraca nîmagaûka na matethererie gûtuma hekarû ya Ngai-Mûnene. Namue nîmûkaamenya atî Ngai-Mûnene mwene vinya wonthe nîke ûndûmîte kûrî mue. Maûndû mau monthe makavinga ethîrwa nîmûkaathîkîra Ngai-Mûnene Ngai wenyu.”

Kûguû 21:24

Nao andû a mavûrûri monthe makaathiîcaga mamûrîkîrîtwe nî ûtheri ûcio, na athamaki onthe a nthî nîmakaaretaga ûtonga wao îtûûrarî rîu înene.

Kûguû 21:26

Mavûrûri monthe nîmakaarete ûtonga wao na moonene mao kûu îtûûrarî.