Isaia 60:1 - ÎVUKU RÎA ÛVORO MWARO

¹ We Zayuni rûngama na ûkenge nîûndû ûtheri nîûkwarîrîte, na riiri wa Ngai-Mûnene nîûkûmûrîkîrîte!

Isaia 60:1 ပူးပေါင်းရင်းမြစ်များ

Thaburi 102:16

Nîûndû Ngai-Mûnene nîagaatuma rîngî Zayuni, nîakoonania riiri wake.

Thaburi 87:3

We îtûûra rîa Ngai, thikîrîria maûndû ma magegania marîa makwîgiî,

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 24:23

Mweri nîûgaaconorithua, narîo riûa rîguithue nthoni, nîûndû Ngai-Mûnene mwene vinya wonthe nîakaathana, arî îgûrû rîa Kîrîma gîa Zayuni kûu Jerusalemu, na nîakoonania riiri wake kûrî atongoria a andû ake.

Isaia 28:5

Mûthenya ûcio, Ngai-Mûnene mwene vinya wonthe nîke ûkethîrwa arî nthûmbî ya riiri, na arî nthûmbî ya ûthaka kûrî andû ake arîa magaatigara marî mwoyo.

Isaia 35:2

Nîgûkaamera maûa meengî, na kwine gûcanjamûkîte na gîkeno. Werû nîûkaavewa riiri wa Lebanoni, ûthaka wa kîrîma gîa Karimeli na wa Kîamnda gîa Sharoni. Nîmakoona riiri wa Ngai-Mûnene, nîmakoona ûnene wa Ngai wetû.

Isaia 4:5

Ngai-Mûnene nîagaacoka atûme kûgîe na matu mûthenya îgûrû rîa Kîrîma gîa Zayuni na kûrî andû arîa magomanîte vo, na ndogo vamwe na kîmûrî Kîam mwaki ûtukû. Îgûrû rîa ûguo, riiri wa Ngai nîûgaakunîka na ûgitîre îtûûra rîonthe.

Isaia 42:6

Nînie Ngai-Mûnene ngwîtîte wîke maûndû na kîvooto, nîngûnyitîte njara na ngakûgitîra. Na njîra yaku nîndûthîte kîrîkanîro na andû onthe, we ûgaatuîka ûtheri wa mavûrûri.

Isaia 58:8

“Mweka maûndû mau, wega wakwa ûkaamwaragîra ta riûa rîkîratha, na mwarwara mûkaavoraga na îvenya. Ciîko cienyu mbaro nîcio ikaamûtongoragia, naguo riiri wa Ngai-Mûnene ûmûgitagîre kuuma mwena wa vuva.

Isaia 62:1

Nîûndû wa Zayuni ndigaakira, na nîûndû wa Jerusalemu ndikaanogoka, nginya rîrîa ûthingu ûkaara kuo ta ûtheri, na ûvonokanio wakanîte kuo ta kîmûrî.

Isaia 62:2

Ndûrîrî nîikoona ûthingu waku, nao athamaki onthe moone riiri waku. Nawe nîûgetwa rîîtwa rîngî rîcerû, rîîtwa rîrîa Ngai-Mûnene ke mwene agaakûva.

Isaia 66:11

Nîûndû nîmûkoonga na mwîganie, mûkaarîa ûtonga warîo na mwîganie; mûkaanyua mûkenete na mûvae, kuumana na wîngî wa ikeno ciake.

Isaia 9:2

Andû arîa maatwîre mathiîcagîrîra ndumarî nîmonete ûtheri mûnene. Andû arîa maatûûraga vûrûrirî wa nduma ndumanu, rîu nîmarîrîtwe nî ûtheri.

Ezek 43:4

Riiri wa Ngai-Mûnene nîwavîtûkîrîre mwîrîgarî wa mwena wa îrathîro ûgîtonya hekarûrî.

Malaki 4:2

Nwatî nîûndû wenyu mue arîa mûngoocaga, ûvoti wakwa wa kûmûvonia nîûkaamwarîra ta riûa rîrî na vinya wa kûvonia mîrûri yarîo. Mûkauma mûkîrûgarûgaga ta njaû ciauma rwagarî rwa cio.

Mathaayo 4:16

Andû arîa matûûraga ndumarî, nîmonete ûtheri mûnene. Nao arîa matûûraga mûtûûrîre ûrîa ûtagîrîrîte, nîmakinyîrîtwe nî ûtheri.”

Mathaayo 5:16

Na njîra wata îno tigani ûtheri wenyu ûmûrîkagîre andû onthe, nîguo moone ciîko cienyu mbaro, na makumie Îthe wenyu ûrîa wî Îgûrû.

Luka 2:32

Nî ûtheri wa kûguûrîria andû a ndûrîrî wendi waku, na riiri kûrî andû aku a Isiraeli.”

Johana 1:9

Ûyû nîguo warî ûtheri wa ma; ûtheri ûrîa ûkaga gûkû nthî na ûkamûrîkîra andû onthe.

Johana 12:46

Nie mbûkîte ta ûtheri gûkû nthî nîguo andû onthe arîa mambîtîkagia matigekare ndumarî.

Johana 3:19

Andû matucagîrwa na njîra îno: ûtheri nîûrîkîtie gûka nthî, nwatî andû nîmendete nduma gûkîra ûrîa mendete ûtheri nîûndû ciîko ciao nî njûku.

Johana 8:12

Jesû nîwarîrie Afarisai rîngî akîmeera atîrî, “Nie nînie ûtheri wa nthî. Mûndû wa wonthe ûnûmagîrîra nîakûgîa na ûtheri wa mwoyo na ndakaathiîcagîrîra ndumarî.”

Aefeso 5:14

nîûndû ûndû wa wonthe ûguûrîtue cararûkû nîûtuîkaga ûtheri. Na kîu nîkîo gîtûmaga kwîrwe atîrî: “We ûmamîte ûkîra, na ûriûke ume kûrî arîa akuû, na Kristû nîagûkûva ûtheri.”

Aefeso 5:8

Vîndî îmwe mwatûûraga ndumarî, nwatî rîu mûtûûraga ûtherirî nîûndû nîmûtuîkîte andû a Mwathani. Kwoguo tûûragani ta andû marî ûtherirî,

Afil 2:15

Nîguo mwîthagîrwe mûrî ciana cia Ngai nginyanîru ntheru na itarî na ûcuke, irîa itûûraga nthî îno îrî na andû aganu na evia. Mûrî gatagatîrî ka andû acio, nwanginya mûkengage ta njata irîa ikengaga matuurî,

1Pet 4:14

Kûrathimwa nî mue ethîrwa mûrumagwa nîûndû nîmûrûmagîrîra Kristû. Ûndû ûyû wonanagia atî Roho ûrîa ûrî riiri na nîke Roho wa Ngai, ekaraga namue.

Kûguû 21:11

rîgîkengaga nî riiri wa Ngai. Îtûûra rîu rîakengete ta îthiga rîa goro, kana ta gîcicio na rîrî rîtheru ta îra.

Kûguû 21:23

Îtûûra rîu înene rîtiarî na vata wa riûa kana mweri wa kûrîmûrîkîra, nîûndû riiri wa Ngai na wa Gatûrûme nîguo warîmûrîkagîra na taa warî Gatûrûme.

Kûguû 22:5

Gûtigacoka kûgîa na ûtukû, na matikethîrwa makîvatara taa kana ûtheri wa riûa, nîûndû Mwathani Ngai nîke ûkethagîrwa arî ûtheri wao. Na nîmakaathana marî athamaki tene na tene.