Isaia 6:6 - ÎVUKU RÎA ÛVORO MWARO

⁶ Ûmwe wa Aserafi nîwacokire akîgûrûka agîûka kûrî nie akuuîte îkara rîa mwaki na mîgwati rîgîakanaga, rîrîa aarutîte metharî ya kîgongoona.

Isaia 6:6 ပူးပေါင်းရင်းမြစ်များ

Ntha 25:38

Nacio icûvî cia kûnyitîrîra ndambi na rûgîo rwa ndambi irûthwe na thaavu ntheri.

Isaia 6:2

Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Jeremia 1:9

Ngai-Mûnene nîwacokire agîtambûrûkia njara na akîvutia mîromo yakwa na akîmbîra atîrî, “Taroria, nînekîra ciugo ciakwa kanyuarî gaku.

Ezek 10:2

Ngai-Mûnene nîwerire mûndû ûrîa wekîrîte nguo mbaro atîrî, “Thiî gatagatî ka nthugû irîa irî rungu rwa Akerubi na wîcûrie njara ciaku makara ma mwaki mau marî gatagatî ka Akerubi. Makara mau ûmanyaganie îtûûrarî rîonthe.” Na nîwathiîre nîmûroretie.

Alawi 16:12

nîagooca kanyûngû ga kûvîvîrua ûbani gecûrîte makara marî na mwaki na ngundi igîrî ciîcûrîte ûbani mûnungi waro na aivire vandû varîa vatheru Mûno.

Ndari 16:46

na Musa akîra Aroni atîrî, “Oca kanyûngû gaku ga kûvîvîrua ûbani na ûgekîre makara marî na mwaki kuuma metharî ya kîgongoona na wîkîre ûbani makararî, ûvinyûre na ûbani ûcio kûrî andû a Isiraeli na ûrute îgongoona rîa kûtheria mevia mao. Ngai-Mûnene nîmûrakarie nî o, na nîmwambîrîriu kûmathiria.”

Mathaayo 3:11

Nie nîmûvatithagia na manjî ngîenda kwonania atî nîmwîrirîte mevia menyu. Nwatî ûrîa ûgûûka vuva wakwa, arî na vata kûngîra na nie ndirî mwagîrîru wa gûkuua iratû ciake. Ke akaamûvatithia na Roho Mûtheru na mwaki.

Ciîko 2:3

Nao nîkwaumîrire kîndû Kîamvuana ta nînîmbî cia mwaki nacio ikîvutia wa mûndû warî nyombarî îo.

Ahib 1:14

Araika nî arîkû? Nî maroho marîa matungatagîra Ngai na nîmatûmagwa nîke magatethia arîa makaavonokua.

Ahib 1:7

Nwatî ûvoro wîgiî araika Ngai nîwaugire atîrî, “Ngai atucaga araika ake mvuvo, nacio ndungata ciake agaitua nînîmbî cia mwaki.”

Ahib 13:10

Athînjîri-Ngai arîa matungataga varîa Ayahudi magoocagîra, matirî na rûtha rwa kûrîa kîndû wana kîrîkû kîrîa gîtegagwa metharî yetû ya kîgongoona.