Isaia 6:2 - ÎVUKU RÎA ÛVORO MWARO

² Îgûrû rîake kwarûngamîte Aserafi, wa serafi ûmwe aarî na mathagu matandatû; mathagu maîrî maakunîkîte ûthiû wake, maîrî magakunîka magûrû make namo maîrî akîgûrûka namo.

Isaia 6:2 ပူးပေါင်းရင်းမြစ်များ

Kîam 17:3

Aburamu nîwakuamîrîrie na agîturumithia ûthiû wake nthî. Nake Ngai nîwamwîrire atîrî,

1Atha 19:13

Rîrîa Elija eegwire kamûgambo kau, nîwekunîkire ûthiû wake na nguo yake na akiuma akîrûngama mûromorî wa ngurunga. Na wa rîmwe nîwegwire mûgambo ûkîmûria atîrî, “Elija, ûreka atîa ava?”

1Atha 22:19

Mikaia nîwathiîre mbere na akiuga atîrî, “Rîu thikîrîria ûrîa Ngai-Mûnene augîte! Nînoonire Ngai-Mûnene ekarîrîte gîtî gîake Kîam ûthamaki kûu îgûrû, nao araika ake onthe maarûngamîte mamûthiûrûrûkîrîtie.

1Atha 6:24

Îthagu rîmwe rîa Kerubi wa mbere rîarî na ûraca wa mita igîrî na cendimita mîrongo îîrî, narîo rîu rîngî rîarî na ûraca wata ûcio. Kwoguo kuuma mûthiia wa îthagu rîmwe kûthiî mûthiia wa îthagu rîu rîngî vaarî na wariî wa mita inya na cendimita mîrongo îna.

1Atha 6:27

Solomoni nîwaigire mîvuanano îo ndaarî ya vandû varîa vatheru Mûno. Namo mathagu ma yo nîmaatambarûkîte. Îthagu rîmwe rîa kerubi ûmwe rîavutîtie rûthingo rwa mwena ûmwe, narîo îthagu rîmwe rîa kerubi ûcio wîngî rîavutîtie rûthingo rwa mwena ûcio wîngî. Mathagu mau mengî ma akerubi wa oîrî maavutanîrîtie gatagatî ka hekarû.

1Atha 8:7

Mathagu ma akerubi maatambarûkîte magakunîkîra îthandûkû rîa kîrîkanîro vamwe na itugî irîa ciarîkuuîte.

Nehemia 9:6

Ezira nîwavoire akiuga atîrî, “We, Ngai-Mûnene, we wenga nîwe Ngai-Mûnene; nîwe waûmbire îgûrû na ûkîûmba njata cia matuurî, nîwe waûmbire nthî, îria na ûkîûmba indo cionthe irîa irî kuo, nîwe waiveere mwoyo cionthe. Maavinya ma îgûrû nîmenamagîrîra magakûgooca.

Ayubu 1:6

Mûthenya ûmwe araika a Ngai nîmaathiîre gûcemania mbere ya Ngai-Mûnene na Caitani nîwaûkire agîkara varîa maarî.

Ayubu 15:15

Ethîrwa Ngai ndevokaga araika ake, na ciûmbe cia îgûrû tî ntheru methorî make;

Ayubu 4:18

Ngai ndevokaga wana nginya ndungata ciake, na nîonaga araika ake magîka naaî.

Thaburi 103:20

Kumiani Ngai-Mûnene, mue araika arîa anene na marî vinya, mue mwathîkagîra watho wake na mwîkaga ûrîa augîte.

Thaburi 104:4

Ûtûmagîra ngûngi irî ta anjaama aku, na ûgatûmîra mwaki na nînîmbî ciaguo ta ndungata ciaku.

Thaburi 18:10

Aagûrûkire na îvenya akuuîtwe nî kîûmbe kîrî mathagu, aaûkire na îvenya avurutîtwe nî rûkûngi ta ûrîa gîconi kîgûrûkaga.

Thaburi 89:7

We nîwîtigîrîtwe nî Kîamma Kîam arîa atheru, arîa onthe makûrigicîrîtie nîmagwîtigagîra mûno.

Ntha 25:20

Akerubi acio methîrwe maroranîtie o ene. Namo mathagu mao methîrwe mambararîte na magakunîkîra gîkunîko Kîam îthandûkû.

Ntha 3:6

Nie nînie Ngai wa methe menyu ma tene, Ngai wa Iburahimu, Isaka na Jakovu.” Nake Musa nîwakunîkire ûthiû wake nîûndû nîwetigagîra kûroria Ngai.

Ntha 37:9

Akerubi nîmaacûthanîrîrîtie marî mîenarî yoîrî ya îthandûkû rîa kîrîkanîro. Namo mathagu mao nîmakûnjûkîte magakunîkîra gîkunîko Kîam îthandûkû.

Isaia 6:6

Ûmwe wa Aserafi nîwacokire akîgûrûka agîûka kûrî nie akuuîte îkara rîa mwaki na mîgwati rîgîakanaga, rîrîa aarutîte metharî ya kîgongoona.

Ezek 1:11

Ûguo nîguo mothiû ma cio mekariî. Mathagu maîrî ma wa kîûmbe nîmaambararîte na îgûrû na makavutania na ma ciûmbe icio ciîngî. Namo mau mengî maîrî igekunîkîra namo.

Ezek 1:24

Nînegwire mûgambo wa mathagu ma cio magûrûkîte; mûgambo wamo warî ta wa mûrurumo wa manjî meengî, mûgambo ta wa athigari a mbaara eengî, mûgambo ta wa Ngai. Na rîrîa ciarûngama nîciakûnjaga mathagu mau.

Ezek 1:4

Nînacokire ngîroria na ngîona rûkûngi rûnene rûkîte kuuma na mwena wa rûgûrû na kûrî na îtu rînene rîaumaga mveni na mwaki ûtaavoraga. Gatagatî ka mwaki ûcio kwarî na kîndû Kîamvenagia ta cuuma ya gîcango.

Ezek 1:6

Wa kîûmbe Kîamrî na mothiû mana na mathagu mana.

Ezek 1:9

Mathagu ma cio nîmaavutanîtie. Wa kîûmbe Kîamthiîcaga gîtakwîvûgûra na ikathiî irî vamwe.

Ezek 10:16

Rîrîa Akerubi makûthiî, nthugû nîciathiîcaga irî mwena wao. Na rîrîa mambararia mathagu mao na îgûrû maûmbûke, nthugû wana cio nîciathiîcanagia vamwe nao.

Ezek 10:21

Wa Kerubi aarî na mothiû mana na mathagu mana. Na rungu rwa wa îthagu kwarî na kîndû gîekariî ta njara ya mûndû.

Danieli 7:10

Mwaki waumaga gîtîrî kîu ta rûnjî. Andû ngiri makûmi meengî nîmaarûngamire mbere yake, îgooti nîrîambîrîrie, na mavuku makîguûrua.

Danieli 9:21

Gaburieli, mûndû ûrîa noonire kîonekirî gîakwa Kîam mbere, nîwaûkire na îvenya nginya varîa naarî. Vîndî îo nîrîo magongoona ma kîvwaî maarutagwa.

Zakaria 3:4

Mûraika nîwerire arîa maarûngamîte mbere yake atîrî, “Rutani Joshua nguo icio irî na gîko.” Nîwacokire akîra Joshua, mûthînjîri-Ngai mûnene atîrî, “Taroria, nînakûthengutîria wîvia waku wonthe na nîngûgwîkîra nguo cia goro.”

Luka 1:10

Nao andû eengî nîmaavoyaga marî nja vîndî îrîa ûbani wavîvagua.

Ahib 1:7

Nwatî ûvoro wîgiî araika Ngai nîwaugire atîrî, “Ngai atucaga araika ake mvuvo, nacio ndungata ciake agaitua nînîmbî cia mwaki.”

Kûguû 14:6

Nie nînaacokire ngîona mûraika wîngî agûrûkîte îgûrû rîerarî. Mûraika ûcio aarî na ûvoro mwaro wa tene na tene wa kûvunjia kûrî andû arîa matûûraga nthî, kûrî iruka cionthe, mbarî, nthiomi, na mavûrûri monthe.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

Kûguû 7:11

Araika onthe maarûngamîte mathiûrûrûkîrîtie gîtî Kîam ûthamaki, athuuri na ciûmbe inya irîa irî mwoyo. Nao araika acio nîmeegwîthirie magîturumithia mothiû mao nthî mbere ya gîtî Kîam Ûthamaki na makîgooca Ngai,

Kûguû 8:13

Nînacokire ngîroria na ngîgua nderi îrîa yagûrûkîte îgûrû rîerarî îkiugîrîria na mûgambo mûnene atîrî, “Uuui! Uuui! Uuui! Na kaî andû arîa matûûraga nthî nîmakeethîrwa na thîna rîrîa araika acio engî athatû makaavuva tûrumbeta-î!”