Isaia 6:13 - ÎVUKU RÎA ÛVORO MWARO

¹³ Wana gwatigara andû gîcunjî kîmwe îgûrû rîa îkûmi vûrûrirî, wanao nîmakaavîvua. Acio makethîrwa mekariî ta kîthukî Kîam mûvuru, kîrîa gîtigagwa kîrûngamîte rîrîa mûvuru watemwa.” (Kîthukî kîu nî mbegû ntheru ya Kîammbîrîria gîcerû.)

Isaia 6:13 ပူးပေါင်းရင်းမြစ်များ

Kîam 22:18

Na njîra ya njiarwa ciaku ndûrîrî cionthe cia nthî nîikaarathimwa nîûndû nîwambathîkîre.”

Ezira 9:2

Nîûndû Aisiraeli nîmaavikagia erîtu ao na avîcî ao mageka wa guo. Kwoguo andû a Ngai nîmeetukanîtie na andû a vûrûri na magatuîka acûku. Atongoria na anene nîo methîrîtwe magîka maûndû mau mûno.

Ezira 9:8

Nwatî Ngai-Mûnene, Ngai wetû, gwa kavinda kanini wîthîrîtwe ûgîtwîguîra ntha na ûgatûma amwe etû tuume ûkomborî na tûtûûre kûndû gûkû kûtheru tûrî agitîre.

Isaia 1:9

Kethîrwa Ngai-Mûnene mwene vinya wonthe ndaatigaria andû anini gatagatîrî getû, tûngîathirirue ta andû a Sodomu na Gomora.

Isaia 11:1

Nîgûkaaumîra mûthamaki kuuma njiarwarî cia Jesii, ta ûrîa rûvûa rûkûraga kuuma mûtîrî.

Isaia 4:3

Arîa onthe magaatigara marî mwoyo îtûûrarî rîa Jerusalemu, arîa magaatigara kûu Zayuni nîmagetwa, “Atheru.” Acio nî arîa onthe marîîtwa mao makethîrwa mandîkîtwe nîguo matûûre kûu Jerusalemu.

Ezek 6:8

“Kûnarî ûguo, nîngaatûma andû amwe matigare marî mwoyo nîguo kûgîe na arîa makaavonoka kûragwa mbaararî, nao nîmakaanyaganîria mavûrûrirî mengî.

Amosi 5:3

Ngai-Mûnene arauga atîrî, “Andû ngiri îmwe nîmakauma îtûûrarî mathiî makarûe, nwatî arîa magaatigara nî andû îgana rîmwe. Andû îgana rîmwe nîmakauma îtûûrarî rîngî nwatî andû îkûmi tu nîo magatigara.”

Mika 5:6

“Nîmagaatûmîra indo ciao cia mbaara kwatha Asîria, nîmakavoota vûrûri wa Nimurodi. Na nîmagaatûvonokia kuuma kûrî Asîria rîrîa makaatharîkîra vûrûri wetû.

Zefania 3:12

Nie nîngaatiga andû enyivia na avoreri kûu, arîa magaaûka kûrî nie nîguo nîmatethie.

Zakaria 13:8

Vûrûrirî wonthe, icunjî igîrî cia ithatû cia andû nîmagûkua, gîcunjî kîmwe Kîam ithatû nîkîo gîgaatigwa kîrî mwoyo.

Malaki 2:15

Na kinthî tî Ngai-Mûnene watûmire we na mûka waku mûtuîke mwîrî ûmwe na mûgîe na ngoro îmwe? Endaga kwonania atîa? Ngai endaga tûgîcage na ciana imwîtigîrîte na imûkumagia. Kwoguo, menyererani atî gûtikethîrwe kûrî na mûndû gatagatîrî kenyu ûtarî mwîvokeku kûrî mûka ûrîa aavikirie arî mwîthî.

Mathaayo 24:22

Nwatî Ngai nîanyivanyivîtie mîthenya îo. Tiga nî ûguo, gûtirî mûndû ûngîgaatigara. Nwatî nîûndû wa andû ake arîa ethuurîrîte, Ngai nîakaanyivanyivia mîthenya îo.

Maariko 13:20

Nwatî Mwathani nîanyivanyivîtie mîthenya ya mathîna mau, nîûndû wa andû ake arîa ethuurîrîte. Tiga nî ûguo gûtirî mûndû ûngîgaatigara.

Aroma 9:5

Nî a mbarî ya methe metû ma tene na Kristû ta mûndû, nwa wa rûrîrî rwao. Ngai ûrîa wathaga maûndû monthe arogoocwa tene na tene! Ameni.

Gûco 28:62

Wana ethîrwa mwîngîvîte ta njata cia îgûrû mûgaatigara andû anini, nîûndû nîmwaregire kwathîkîra Ngai-Mûnene Ngai wenyu.

Gûco 7:6

Mue mûrî rûrîrî rûtheru rwa Ngai-Mûnene, Ngai wenyu. Ngai-Mûnene, Ngai wenyu aamûthuurire gatagatîrî ka andû onthe a nthî mûtuîke andû ake kîûmbe.