Isaia 59:9 - ÎVUKU RÎA ÛVORO MWARO

⁹ Nîûndû wa maûndû mau twîkîte, kîvooto kîrî kûraca natue, na Ngai nîarutîte ûthingu wake kûrî tue. Tûcaragia ûtheri, nwatî twîyonaga ndumarî, twîriragîria kûthiîrîra ûtherirî, nwatî tûthiîcagîrîra ndumarî.

Isaia 59:9 ပူးပေါင်းရင်းမြစ်များ

Ayubu 19:8

Ngai nîamvingîrîte njîra, ndingîvota kûvîtûka, nîekîrîte njîra ciakwa nduma.

Ayubu 30:26

Nwatî rîrîa nerîgîrîra maûndû maro, monaga marîa macûku. Na rîrîa nerîgîrîra ûtheri, monaga nduma.

Thaburi 82:5

“Mûtirî na ûmenyo na mûtitaûkagîrwa, mecûrîtwe nî ungumania; kîvooto nîkîriganîrîte gûkû nthî.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Isaia 5:30

Mûthenya ûcio makaararamîra Isiraeli, ta ûrîa makûmbî ma manjî marurumaga. Mûndû ûrîa ûkaaroria nthî nyûmû, akoona nduma na mathîna! Ûtheri nîûgakunîkwa nî matu.

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Isaia 59:14

Kîvooto nîkîthengutîtue, naguo ûthingu ûgekara varaca. Ûma nîkwa ûkinyangagîrwa nthî magootirî, naguo wîvokeku ndonekaga kuo.

Isaia 59:8

Mûtiîciragia maûndû ma thayû, wana kana mûrûmîrîra maûndû ma kîvooto. Mwîrûthîrîte njîra cia ungumania, na gûtirî mûndû ûvîtûkagîrîra njîrarî icio wîgucaga arî na thayû.

Isaia 8:21

Andû nîmakaaûrûra vûrûrirî wao mathirîtwe nî vinya na makavûta. Nîûndû wa ûrîa makethîrwa mavûtîte, nîmakaarakara na marume mûthamaki wao na Ngai wao. Nîmakaaroria îgûrû

Isaia 8:22

na marorie nthî, nwatî makeegua kîeva, mone thîna na nduma. Magaaikua ndumarî ndumanu.

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Jeremia 14:19

Ngai-Mûnene nîkwa ûtiganîrîtie Juda viû? Nîkwa ngoro yaku îthûrîte andû a Zayuni? Nîndûî gîtûmîte ûtûgurarie naaî ûguo, ûndû tûtangîvona? Twacaragia thayû nwatî gûtirî ûndû mwaro twonire, twerîgîrîrîte nîtûkûvona nwatî twonire mathîna.

Jeremia 8:15

Twerîgîrîre thayû nwatî gûtirî wega twonire, tûkîrîgîrîra îvinda rîa ûvonia nwatî twonire kîmako.

Maca 3:2

Ke nîamvîtûkîrîrîtie ndumarî ndumanu, ndumarî kûndû gûtarî ûtheri.

Maca 4:14

Nao maathiîcaga njîrarî ta ndumumu, megwatirie mûgiro na nthakame, gûtirî mûndû ûngîavutirie nguo ciao.

Amosi 8:9

Ngai-Mûnene arauga atîrî, Mûthenya ûcio nîngaatûma riûa rîthûe mûthenya, na ndûme kûgîe nduma.

Mika 1:12

Andû a Marothu metererete kwona maûndû maro, nîûndû Ngai-Mûnene nîatûmîte kûgîa thîna, nginya kîvingorî Kîam Jerusalemu.

Habakuku 1:13

Metho maku nî matheru mûno, ndûngîûmîrîria kwona maûndû macûku, na ndûngîîtirîria kwona andû magîka naaî. Kwoguo ûrakira nîkî rîrîa andû arîa aganu, maracûkangia andû arîa athingu kûmakîra?

1Ath 5:3

Rîrîa andû makeethîrwa makiugaga, “Tûrî na thayû na tûrî agitîre,” nîmagaacûkangua wa rîmwe wata ûrûrû ûrîa ûkaga kûrî mûndûmûka agîciara. Andû matikaavota kûra.