Isaia 59:8 - ÎVUKU RÎA ÛVORO MWARO

⁸ Mûtiîciragia maûndû ma thayû, wana kana mûrûmîrîra maûndû ma kîvooto. Mwîrûthîrîte njîra cia ungumania, na gûtirî mûndû ûvîtûkagîrîra njîrarî icio wîgucaga arî na thayû.

Isaia 59:8 ပူးပေါင်းရင်းမြစ်များ

Thaburi 125:5

Nwatî arîa magarûrûkaga makarûmîrîra njîra ciao njûku, Ngai-Mûnene nîakaamaverithia vamwe na arîa mekaga maûndû macûku. Isiraeli kûrogîa thayû!

Nthi 2:13

Andû acio nî mareganaga na mîthiîre mîkinyanîru na makarûmîrîra njîra cia nduma,

Nthi 2:15

andû arîa matarî mîthiîre mîrûngîrîru, na matangîîvokwa.

Nthi 21:8

Mîthiîre ya andû arîa evia tî mîrûngarû, nwatî mîtugo ya andû arîa evokeku nî mîrûngarû.

Nthi 28:18

Mûndû ûrîa ûthiîcaga na mîthiîre mîkinyanîru nîakaavonokua, nwatî mûndû wa mîthiîre mîcûku nîakaagwa wa rîmwe.

Nthi 3:17

Njîra cia ûûgî nîikenagia mûndû, na cierekagîra kûrîa kûrî thayû.

Isaia 48:22

Nwatî Ngai-Mûnene arauga atîrî, “Andû arîa aganu matikaagîa na thayû.”

Isaia 5:7

Nîûndû mûgûnda wa Ngai-Mûnene mwene vinya wonthe nî nyomba ya Isiraeli. Andû a Juda nîo mîthavibu mîaro îrîa aavandire; eevokaga nîmagwîka ûrîa kwagîrîrîte, nwatî vandû va ûguo, nîmaûraganîte; eevokaga nîmakwîthîrwa marî athingu, nwatî vandû va ûguo nîmaatûmire kûgîe na kîrîro.

Isaia 59:11

Tuonthe tûraramaga ta ngatûnyi, twîkaraga tûgîcaga ta ndutuura. Twetagîrîra tûone waragania nwatî tûtiwonaga; twetagîrîra ûvonokio, nwatî ûrî kûraca natue.

Isaia 59:9

Nîûndû wa maûndû mau twîkîte, kîvooto kîrî kûraca natue, na Ngai nîarutîte ûthingu wake kûrî tue. Tûcaragia ûtheri, nwatî twîyonaga ndumarî, twîriragîria kûthiîrîra ûtherirî, nwatî tûthiîcagîrîra ndumarî.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Jeremia 5:1

Vinyûrani kûndû na kûndû varavararî cia Jerusalemu, mûrorie na mwîyonere! Mûtuîrie na kûu thokorî, mwone kana kûrî wanarî ûmwe, ûrûmagîrîra kîvooto na ûcaragia ûma. Mwamwona, nie Ngai-Mûnene nîngûrekera Jerusalemu.

Mathaayo 23:23

“Na kaî mue arimû a Watho na Afarisai mûrî na thîna-î! Mue mvinga ino! Mue mûrutagîra Ngai gîcunjî gîa îkûmi Kîam manyenyi ta ma rwoga, karîmî ka nthiia, na nderamûkîa, nwatî mûtirûmagîrîra maûndû marîa ma vata megiî watho ta, kîvooto, kwîgucanîra ntha na kwîvokeka. Maûndû mama nîmwagîrîrwe nî kûmeka mûtagûtiganîria mau mengî.

Luka 1:79

Nîakaatherera arîa mekarîte ndumarî na ûgwatirî wa gîkuû, na atwerekerie njîrarî ya thayû.”

Aroma 3:17

Matiîcî njîra ya thayû.