Isaia 59:7 - ÎVUKU RÎA ÛVORO MWARO

⁷ Mûvinyûragîra gwîka waganu, na mûkevîka kûûraga arîa matarî na mavîtia. Mwîciragia maûndû ma waganu, kûrîa kuonthe mwavîtûkîrîra mûtigaga mwacûkangia na mwomomora.

Isaia 59:7 ပူးပေါင်းရင်းမြစ်များ

Nthi 1:16

Nîûndû mavinyûragîra gwîka maûndû marîa macûku, na methagîrwa marî na karûgî ga kûûragana.

Nthi 15:26

Ngai-Mûnene nîathûrîte meciria ma andû arîa aganu, nwatî nîakenagua nî ciugo cia andû arîa atheru.

Nthi 24:9

Mîvango ya mûndû mûritu nî ya mevia, mûndû mwîtîi nîathûrîtwe nî andû arîa engî.

Nthi 6:17

varî mwîtîîo, rûrîmî rwaragia maveeni, njara irîa ciûragaga andû matarî na mavîtia,

Nthi 6:18

ngoro îrîa îvangaga maûndû ma waganu, magûrû marîa mavinyûraga gwîka maûndû macûku,

Isaia 15:5

Ngoro yakwa nîîrarîrîra Moabu! Andû a kuo maûrîte makathiî Zoari, na Egilathi-shelishiya. Maunûkîtie na njîra îrîa îthiîte Luhithi makîrîraga; marî njîrarî mathiîte Horonaimu, nîmarauga mbu nî ûrîa macûkangîtue.

Isaia 32:6

Nîûndû irimû ciaragia ûrimû, na meciria ma cio mavangaga maûndû macûku. Mekaga maûndû matarî ma ûngai, maragia maûndû ma gûcambia Ngai-Mûnene. Matigaga andû arîa avûtu matarî avau, na makaima arîa anyondu gîa kûnyua.

Isaia 55:7

Andû arîa aganu nîmatigane na mîthiîre îo yao, nao andû arîa matarî athingu matigane na meciria mao macûku. Nîmacokerere Ngai-Mûnene nîguo ameguîre ntha, na macokerere Ngai wetû nîûndû nîakîragîrîria kwovanîra.

Isaia 59:3

Nîûndû njara cienyu nîinyitîtwe nî mûgiro nîûndû wa kûragana, ciara cienyu igeka ciîko njûku, mîromo yenyu nîyarîtie maveeni, natuo tûrîmî twenyu tûkaaria waganu.

Isaia 60:18

Gûtigaacoka kwîguîka thîna rîngî vûrûrirî waku, yûra kana kwanangîka gûtikegwîka rîngî mîvakarî yaku. Nîngaakûgitagîra na ngûmenyagîrîre ta rûthingo, nawe nîûkaangoocaga nîûndû nîngûvonoketie.

Isaia 65:2

Natambûrûkagîria andû acio aremi njara ciakwa mûthenya mûgima, acio mathiîcaga na njîra itarî nûngîrîru, na marûmagîrîra mîvango yao o ene.

Isaia 66:18

Nîmbicî ciîko ciao na meciria mao. Ngaaûka gûcokanîrîria andû a ndûrîrî cionthe na nthiomi cionthe; magaaûka na meyonere riiri wakwa

Isaia 66:4

Kwoguo nîngûmaretithîria mathîna; na nîmaretere indo irîa metigîrîte, nîûndû rîrîa netanire gûtirî mûndû wetîkire; rîrîa naririe matiathikîrîria. Nwatî meekire maûndû macûku ngîonaga, na makîthuura maûndû marîa mataangenagia.”

Jeremia 22:17

Nwatî we wonaga na ûkerirîria, kûgîa na indo na njîra îtagîrîrîte, we ûragaga andû matarî na mevia, na ûkavûthîra vinya kûvinyîrîria andû.

Jeremia 41:7

Rîrîa maatonyire îtûûrarî, Ishumaeli mûvîcî wa Nethania, na arûme arîa maarî nake nîmaûragire andû acio, na magikia ciimba ciao kîrikorî Kîam manjî.

Maca 4:13

Maûndû mau mekîkire nîûndû wa mevia ma arathi, na mavîtia ma athînjîri-Ngai, arîa maûragîre andû arîa athingu îtûûrarî rîake.

Ezek 18:12

Ke nîavinyagîrîria andû arîa athîni na arîa mavatarîte, nî mûcunani, ndarîvaga kîndû kîrîa meranîrîte atî nîakaarîva, nî avoyaga mîvuanano, na nîekaga maûndû marî mûgiro,

Ezek 22:6

Anene a Isiraeli arîa marî kûrî we, wa mûnene kûringana na vinya wake mendaga wa kûûragana.

Ezek 9:9

Nake nîwanjokerie atîrî, “Mavîtia marîa mekîtwe nî nyomba ya Isiraeli na Juda nî meengî mûno. Vûrûri wîcûrîtwe nî ûragani, na îtûûrarî nakuo gûtirî maûndû marekwa na njîra ya kîvooto. Maugaga atî, nie Ngai-Mûnene nîndiganîrîtie vûrûri wao na atî ndimonaga.

Mika 7:2

Gûtirî mûndû wîvokete Ngai mûtigaru gûkû nthî, na gûtirî mûndû wathîkagîra Ngai. Gûtirî mûndû wana ûmwe mwîvokeku ûtigarîte, onthe methagîrwa magîcaria kanya ga kûûragana. Wa mûndû acaragia ûrîa angînyitithia mûndû ûrîa wîngî.

Mathaayo 2:16

Vîndî îrîa Herode aamenyire atî nîwaveenirue nî andû acio maarî na ûgî wa njata, nîwarakarire mûno. Nîwacokire akîathana atî twana twa tûvîcî tuonthe, tûrîa twarî kûu îtûûrarî rîa Bethilehemu vamwe na matûûrarî marîa maariganîtie nakuo, tûûragwe. Twana tûrîa aaugire tûûragwe nî tûrîa twarî na ûkûrû wa kuuma mîaka îîrî gûcoka na nthî. Ekire ûguo kûringana na kavinda karîa ke eerîtwe nî andû arîa maarî na ûûgî wa njata atî njata nîyonekire.

Kûguû 17:6

Nanie nînoonire atî mûndûmûka ûcio aarî mûrîu nîûndû wa kûnyua nthakame ya andû arîa atheru a Ngai. Andû acio maaûragirwe nîûndû maarî evokeku kûrî Jesû. Rîrîa namwonire nînamakire mûno.