Isaia 59:5 - ÎVUKU RÎA ÛVORO MWARO

⁵ Mwîkariî takwa mûrumûraga matumbî ma njoka irîa irî ûrogi, na mûgookotha rûûî rwa mbûmbûî. Mûndû ûrîa ûngîrîa matumbî menyu nîkwa angîkua, na îtumbî rîmwe rîamo rîngîûragwa, njoka îrîa îrî ûrogi nîyo yumaga kuo.

Isaia 59:5 ပူးပေါင်းရင်းမြစ်များ

Ayubu 8:14

Mwîvoko wao nî ûvaraganaga, Mwîrîgîrîro wao nîta rûûî rwa mbûmbûî.

Nthi 23:32

Mûthiiarî îrûmaga ta njoka, na îrathaga ta kîmbuva kîrîa kîrî ûrogi.

Isaia 14:29

“Mue andû onthe a Filisiti, mûtigakene, atî nîûndû mûragi ûrîa mwarivirwe naguo nî munîkangu; nîûndû njoka îtarî ûrogi nîgaaciara kîmvuva, nakîo kîmvuva nîgîgaaciara njoka mbaganu makîria.

Isaia 34:15

Ndundu nîigaatuma ciomba ciacio, irekerie matumbî kuo, irumbûrîre kuo na irerere tûcui twacio kûu rungu; kûu nîkuo tûrwîgî tûkaagomana, wa karwîgî na karîa kengî.

Mathaayo 12:34

Mue rûciaro rwa njoka, mûngîvota atîa kwaria maûndû maro na mûrî andû acûku? Kanyua karagia maûndû marîa mecûrîte ngororî.

Mathaayo 3:7

Na rîrîa Johana oonire Afarisai na Asadukai eengî mathiîte kûrî ke nîguo amavatithie, nîwamerire atîrî, “Mue andû aya mûrî na wara ta wa njoka, nû wamûmenyithirie atî ciira ya Ngai îrî vakuvî; nîguo mûmîûrîre.