Isaia 59:10 - ÎVUKU RÎA ÛVORO MWARO

¹⁰ Tûthiîcaga tûkînyitanyitaga rûthingo ta itumumu, tûnyitanyitaga njîra ta andû matarî na metho. Tûvîngagwa mûthenya riûa rîrî îgûrû kîvîrî takwa kûrî ûtukû, tue twîkariî ta andû marî akuû tûrî gatagatîrî ka arîa marî vinya.

Isaia 59:10 ပူးပေါင်းရင်းမြစ်များ

Ayubu 5:14

Marumagîrwa nî nduma kûnarî mûthenya, na maatataga mûthenya ta andû marî ndumarî.

Nthi 4:19

Njîra ya andû arîa aganu nîta nduma ndumanu, magwîcaga na matimenyaga kîrîa kîmavîngaga.

Isaia 28:13

Kwoguo Ngai-Mûnene nîakaamathomithia watho, kiugo gwa kiugo, ava ûndû mûnini, vaarîa ûndû mûnini; nîguo makîthiî mavîngagwe makagwa na vuva, na nîmakaaunîkanga, mategwe na manyitwe.

Isaia 8:14

Nie ngaatuîka kûndû gwa kûrîra, ngatuîka ta îthiga rîa kûmavînga, îthiga rîa kûvînga mothamaki ma Juda na Isiraeli; na nduîke mûtego wa kûnyita andû a Jerusalemu.

Isaia 8:15

Andû eengî nîmakaavîngwa; nîmakaagwa na maunîkange. Nîmakaanyitwa nî mûtego ûcio na mathiîwe nao.”

Jeremia 13:16

Kumiani Ngai-Mûnene Ngai wenyu mbere ya areta nduma, na mbere ya mûvîngwa nî nduma îrîa îrî irîmarî. Mûkerirîria kwona ûtheri, nwatî agaatûma ûtuîke nduma nene.

Maca 3:6

Atûmîte ndûûra ndumarî, ta andû arîa maakuire tene.

Maca 4:14

Nao maathiîcaga njîrarî ta ndumumu, megwatirie mûgiro na nthakame, gûtirî mûndû ûngîavutirie nguo ciao.

Ezek 21:15

nîguo mathirwe nî ûmîrîru na andû eengî mavîngîcîke. Mîîrîgarî yao yonthe nîmvecanîte rûviû rûkûvenia. Rûthûîtwe na rûravenavenia ta rûveni rwîvarîrîtie kûragana.

Amosi 8:9

Ngai-Mûnene arauga atîrî, Mûthenya ûcio nîngaatûma riûa rîthûe mûthenya, na ndûme kûgîe nduma.

Mika 3:6

“Mue arathi, nîgûgaatuka mûtige kwona cioneki, mûrumîrûe nî nduma mûtige kwona maûndû, mûtigacoka kûgîa na cioneki, kana kûratha ûndû wanarî ûmwe.”

Johana 12:35

Nake Jesû nîwamerire atîrî, “Ûtheri nîwîthîrwa ûrî gatagatîrî kenyu kavinda kanini. Thiîni rîrîa kûrî na ûtheri nîguo mûtikethîrîrue nî nduma, nîûndû mûndû ûrîa ûthiîcaga kûrî na nduma ndamenyaga kûrîa arathiî.

Johana 12:40

“Ngai nîamatuîte atumumu, na akamaûmia ngoro, nîguo matikone na metho mao, na matigataûkîrwe ngororî ciao, wana matikanjokerere nîmavonie.”

Gûco 28:29

Mûkaathiîcaga mûthenya mûkînyitanyitaga ta ndumumu na gûtirî ûndû ûkaamûthatûka maûndûrî marîa mûgeekaga. Mûkaavinyagîrîrua vîndî cionthe na mûgacunagwa indo cienyu na vinya na gûtirî mûndû ûkaamûtethia.

1Joh 2:11

Nwatî mûndû wa wonthe ûmenete mûrwang'ina, kana mwarwang'ina ethagîrwa arî ndumarî. Ke athiîcagîra ndumarî na ndamenyaga kûrîa athiîte nîûndû nduma nî îmûtete metho.