Isaia 59:1 - ÎVUKU RÎA ÛVORO MWARO

¹ Tigani gwîciiria atî Ngai-Mûnene ndarî na vinya wa kûmûvonokia, kana atî matû make nîmavingaru ndangîvota kûmwîgua!

Isaia 59:1 ပူးပေါင်းရင်းမြစ်များ

Kîam 18:14

Kûrî ûndû Ngai-Mûnene atangîvota gwîka? Wata ûrîa nauga, nî ngaacoka vuva wa mîeri kenda kuuma rîu, na Sara nîakaagîa na kamwana.”

Thaburi 94:9

Ûrîa waûmbire gûtû, anga ndegucaga? Ûrîa waûmbire ritho, anga ndonaga?

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 50:2

“Nîndûî gîatûmire vethîrwe vatarî mûndû vîndî îrîa naûkire? Nîndûî gîatûmire ndure mûndû wa kûnjokeria vîndî îrîa netanire? Nîkwa vinya wa njara yakwa wî mûnini, ûndû îtangîvota gûkûûra andû? Kana nîkwa ndarî na vinya wa kûvonokania? Taroriani nie nîmvûîthagia îria na uuge wakwa, na ngatûma nyûnjî ituîke werû, na nthamaki ciakuo igakua nî kûnyonda, na ikanunga nî gûtura manjî.

Isaia 58:9

Vîndî îo mûkaavoyaga, nanie Ngai-Mûnene ngegua mavoya menyu. Mûkaambîtaga, nanie ngamwîtîka. “Mûngîtiga gûkinyanîrîria, na mûtigane na rûthûro rwa mîthemba yonthe, na mûtigane na mîario yonthe mîcûku;

Isaia 6:10

Nîwacokire akîmbîra atîrî, “Ûmia ngoro cia andû aya, ûkunîke matû mao, na ûvinge metho mao nîguo matikone, matikegue na matû mao wana kana mataûkîrwa na ngoro ciao. Na manjokerere na mavonue.”

Isaia 63:1

“Nû ûyû ûkîte aumîte îtûûrarî rîa Bozira, rîrîa rîrî vûrûrirî wa Edomu? Nû ûyû ûkîte ekîrîte nguo ino ndune, na akathiî arî na vinya na ûvoti mwîngî?” “Nînie Ngai-Mûnene nîranîrîra ûthingu wakwa, na nîrî na vinya wa kûvonokania.”

Isaia 65:24

Nîngegucaga mavoya mao wana mbere ya mamvoya, na ngaamacokagîria mavoya mao wana matarîkîtie kûvoya.

Jeremia 14:9

Nîndûî gîtûmîte wîkare ta mûndû mwagagu, mûndû ûrî na vinya nwatî ndangîvonokia mûndû? Nwatî we Ngai-Mûnene ûrî gatagatî getû; twîtanîtue na rîîtwa rîaku ndûgatûtiganîrie.”

Jeremia 32:17

“We Ngai-Mûnene! We nîwe waûmbire îgûrû na nthî na vinya waku mûnene na ûvoti waku mûnene. Gûtirî ûndû ûngîkûrema.

Ezek 8:18

Kwoguo nîngamaverithia nîrî na marakara. Ndikaamacaîra kana nîmeguîra ntha. Wana mangîkaavoya maugîrîrîtie ndikaamathikîrîria.”

Mika 2:7

Maûndû mau nîmagîrîrwe nî kûgwetwa kûrî andû a Isiraeli? Nîkwa Ngai-Mûnene aremetwe nî gûkirîrîria? Nwa eke maûndû ta mama? Kinthî ndaragîrîria andû arîa mekaga maûndû marîa magîrîre?

Ndari 11:23

Nake Ngai-Mûnene nîwacokerie Musa atîrî, “Anga vinya wakwa wîthagîrwa ûrî na kîthimi? Eterera wone kana ûrîa mbugîte tîgûtuîkîka!”

Mathaayo 13:15

Nîûndû ngoro cienyu nî nyûmû, na nî mûkunîkîte matû, na mûkavinga metho menyu. Gûtangîkariî ûguo o nwa mataûkîrwe nî maûndû marîa monaga na metho mao, na megucaga na matû mao. Nao nwa manjokerere, na nie ngamavonia.’

Ahib 7:25

Kwoguo, mavinda monthe nîavotaga kûvonokia arîa mathiîcaga kûrî Ngai na njîra yake. Nîûndû atûûraga vingo cionthe nîguo amathaithanagîrîre kûrî Ngai.

1Sam 4:3

Na rîrîa andû arîa maatigarire maacokire varîa maambîte magema mao, athuuri a Isiraeli nîmaaûranirie atîrî, “Nî ndûî gîatûma Ngai-Mûnene atûrekereria tûvootwe nî Afilisiti ûmûnthî? Tûthiîni tûoce îthandûkû rîa kîrîkanîro rîa Ngai-Mûnene kuuma Shilo tûke narîo gûkû, nîguo tûthiî nake agatûvonokie kuuma kûrî nthû cietû.”

1Sam 8:18

Na rîrîa vîndî îo îgaakinya, mue nîmûkaathaithana mugîrîrîtie nîûndû wa mûthamaki wenyu ûcio mûkethîrwa mwîthuurîrîte, nwatî Ngai-Mûnene ndakaamûthikîrîria.”