Isaia 58:4 - ÎVUKU RÎA ÛVORO MWARO

⁴ Taroriani, mwînyerekagia nîguo mûtetanie na mûrûe mûkîringanaga na ngundi. Kwînyerekia kwa mûthemba ta ûyû wenyu gûtigaatûma nîmûthikîrîrie mûkîmvoya.

Isaia 58:4 ပူးပေါင်းရင်းမြစ်များ

Nthi 21:27

Ngai-Mûnene nîathûrîte îgongoona rîa mûndû mwaganu, na makîria rîrutîtwe na ngoro îtarî ntheru.

Isaia 1:15

“Rîrîa mûkaambararagia njara mûkîvoya, ngaamûvuvatagîra ndikamwone. Wana mwavoya mavoya meengî atîa ndikaamûthikîrîria, nîûndû njara cienyu ciîcûrîte nthakame.

Isaia 3:14

Ngai-Mûnene nîaracirithia andû; aracirithia athuuri na atongoria a andû ake. Arameera atîrî, “Nîmue mûcûkangîtie mûgûnda wa mîthavibu, na indo irîa mwatavire athîni irî nyombarî cienyu.

Isaia 3:15

Mwîciragia atîa rîrîa mûkûvinyîrîria andû akwa na mûkanyarira athîni?” Ûguo nîguo nie, Mwathani Ngai mwene vinya wonthe, nîraûria.

Isaia 59:2

Nwatî mevia menyu nîmamwamûranîtie na Ngai wenyu. Nî mevia menyu matûmîte amwîthithîre nîguo ndakamwîgue mwamûvoya.

Isaia 59:6

Ta ûrîa rûûî rwa mbûmbûî rûtangîkîrwa ta nguo, andû matingîvota gwîkunîkîra na maûndû marîa makaga. Wîra wao nî wîra wa waganu, na mekaga maûndû mao na vinya.

Joeli 2:12

“Nwatî kûnarî ûguo,” nie Ngai-Mûnene nauga atîrî, “Njokererani na ngoro yonthe, na njîra ya kwînyerekia, kûrîra na gûcakaya.

Jona 3:7

Nîwacokire akîanîrîra kûrî andû a Nineve akîmeera atîrî, “Ndûmîrîri kuuma kûrî mûthamaki vamwe na anene ake onthe: Nathana atî gûtirî mûndû wa wonthe, nyamû, ng'ombe kana ng'ondu; ikaarîa kana inyue kîndû.

Mathaayo 23:13

“Na kaî mue arimû a Watho na Afarisai mûrî na thîna-î! Mue mvinga ino! Mue mûvingagîrîria andû matigatonye ûthamakirî wa îgûrû. Nwatî mue ene mûtitonyaga kana mûgetîkîria arîa marenda gûtonya matonye. [

Luka 20:47

Andû acio nwao mathithûkagîra aka a ndigwa na makamacuna indo ciao cionthe na magacoka makeyonania ûrîa marî aro na njîra ya kûracavia mavoya. Andû acio nîmakaaverithua mûno makîria!”

Johana 18:28

Kîraûko macangîa arangîri nîmaarutire Jesû mûciî gwa Kaiafa na makîmûvira mûciî mûnene wa Pilato. Nao Ayahudi matietîkîra gûtonya kuo nîûndû matiendaga kûnyitwa nî mûgiro mbere ya kûrîa kîrugo Kîam pasaka.