Isaia 58:3 - ÎVUKU RÎA ÛVORO MWARO

³ Andû maraûria atîrî, “Twînyerekagia nîkî, nawe Ngai-Mûnene ndwonaga? Twîimaga irio nîkî, nawe ndûtindanagîra na ûndû ûcio?” Nake Ngai-Mûnene aramacokeria atîrî, “Mûthenya ûrîa mûrenyerekia, mûrûmagîrîra wendi wenyu tu, na mûgakinyîrîria aruti wîra enyu onthe.

Isaia 58:3 ပူးပေါင်းရင်းမြစ်များ

Ezira 8:21

Vakuvî na mûtaro wa manjî wa Ahava nînerire andû onthe twînyerekie na twînyivie mbere ya Ngai wetû na tûvoe. Nîtwavoire Ngai na tûkîmûria atûtongorie na atûgitîre rûgendorî rwetû tûrî vamwe na ciana na indo cietû cionthe.

Nehemia 5:7

Nîneciririe na ngîtua ûrîa ngwîka. Nînaareganire na atongoria na anene a andû na ngîmeera atîrî, “Mue nîmûravinyîrîria Ayahudi arîa engî enyu!” Nînaacokire ngîta andû na tûkîgomana tûrî gîkundi kînene nîûndû wao,

Ayubu 34:9

Augaga atî gûtirî ûndû mwaro oonaga, atî nîguo arûmîrîre wendi wa Ngai.

Thaburi 69:10

Rîrîa nenyivirie na njîra ya kwînyerekia, nîrîo andû maanjambirie.

Nthi 28:9

Mûndû ûrîa ûregaga kwathîkîra watho, Ngai ndakenagua nî mavoya make.

Isaia 22:12

Mûthenya ûcio Ngai-Mûnene mwene vinya wonthe, nîwamwîtire mûrîre na mûcakae, mwenje njuîrî na mwîkîre nguo cia macakaya.

Isaia 22:13

Vandû va ûguo, mwakenire na mûgîkûngûîra, nîmwathînjire ndegwa na ng'ondu, mûkîrîa nyama na mûkînyua ndivei. Nîmwaugire atîrî, “Tiga tûrîe na tûnyue, nîûndû rûyû nîtûgaakua.”

Isaia 47:6

Nînaarakarire nî andû akwa, ngîtûma andû arîa akwa manyitwe nî mûgiro. Nînamanenganîre kûrî we, nwatî we ndwameguîra ntha; wana arîa akûrû nîwamakinyîrîrie mûno.

Alawi 16:29

“Mawatho mama marûmîrîrîte nîmatûûra marûmagîrîrwa nî mue: Mûthenya wa îkûmi mwerirî wa mûgwanja andû a Isiraeli vamwe na ageni arîa matûûranagia nao nwanginya menyerekagie na matikarutage wîra wanarî ûrîkû.

Alawi 16:31

Ûcio nî mûthenya mwamûre, ûrîa andû magîrîrwe nî kwînyerekia na matikarute wîra wanarî ûrîkû. Mawatho mama nî matûûra marûmagîrîrwa.

Alawi 23:27

“Mûthenya wa îkûmi mwerirî wa mûgwanja wa mwaka wa mwaka nîrîo mambura ma kûtheria mevia ma andû a Isiraeli makaarûthagwa. Mûkenyerekagia mûthenya ûcio, na mûkagomana vamwe mûgooce na mûndutîre Nie, Ngai-Mûnene îtega rîa kûvîvua.

Malaki 3:14

Mue mugaga atîrî, ‘Gûtirî na vata wa gûtungatîra Ngai-Mûnene. Kûrî na umithio ûrîkû wa kwathîkîra Ngai-Mûnene, mwene vinya wonthe, kana kûgeria kûmwonia atî nîtwîvîtie tûrî mbere yake na njîra ya kûthiî varî ke tûgîcakayaga.

Ndari 23:4

na Ngai akîmumîrîra. Balaamu nîwerire Ngai atîrî, “Nie nîndumîte metha mûgwanja cia kîgongoona na nîndutîrîte ndegwa îmwe na ndûrûme îmwe kûrî wa metha icio mûgwanja cia kîgongoona.”

Luka 15:29

Nwatî mwanake ûcio nîwacokerie îthe atîrî, ‘Vava tathikîrîria ngwîre! Ngûrutîrîte wîra mîaka îno yonthe ndagûkûvîtîria, nwatî ndwanamva wanarî koori kamwe nîguo tûrîcanîre na arata akwa tûkenete.