Isaia 58:2 - ÎVUKU RÎA ÛVORO MWARO

² Mangoocaga mîthenya yonthe, na nîmendaga kûmenya njîra ciakwa, takwa marî rûrîrî rûtwîre rwîkaga maûndû ma ûthingu, na rûtarî rwatiganîria maathani ma Ngai wao. Mendaga nîmatuîre ciira na kîvooto, na makendaga gûkuvîvîria Ngai.”

Isaia 58:2 ပူးပေါင်းရင်းမြစ်များ

Thaburi 119:15

Nînîciragia na vinya ûvoro wîgiî mawatho maku, na nînûmagîrîra njîra ciaku.

Thaburi 119:151

Nwatî we Ngai-Mûnene, wî vakuvî nanie, na maathani maku monthe nî ma ma.

Thaburi 119:87

Maratigarîtie vanini kûmbûraga, nwatî nditiganîrîtie mawatho maku.

Nthi 15:8

Ngai-Mûnene nîakenagua nî mavoya ma andû arîa athingu, nwatî nîathûrîte magongoona marîa arutagîrwa nî andû arîa aganu.

Isaia 1:28

Nwatî arîa mareganaga nake vamwe na evia nîmagacûkangua; na andû arîa mamûtiganagîria nîmakaaûragwa.

Isaia 1:4

Mue andû a vûrûri mwîvia, kaî mûrî na thîna-î, andû mecûrîtwe nî maûndû macûku, rûciaro rwa andû mekaga maûndû macûku! Andû matûûraga maveenanagia! Mue nî mûtiganîrîtie Ngai-Mûnene, nî mûnyararîte Ûrîa Mûtheru wa Isiraeli, na mûkamûvuvatîra.

Isaia 29:13

Mwathani aaugire atîrî, “Andû aya mamvecaga gîtîîo na mîromo, nwatî ngoro ciao irî kûraca nanie, gîtîîo kîrîa mamvecaga nî Kîam mawatho marîa mathondeketwe nî andû, na makamathoma.

Isaia 42:20

Mue nîmwonete maûndû meengî, nwatî mûtitaûkagîrwa nî ûndû. Matû menyu nî mavingûre, nwatî mûtiîgucaga.”

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Isaia 57:3

Nwatî mue ciana cia ago, na njiarwa cia mûndûmûka mûtharia na mûmaraa ûkani ava vakuvî.

Isaia 59:13

Nîtûreganîte nawe na tûgagûkaana we Ngai-Mûnene, tûgagûtiganîria na tûkarega gûkûrûmîrîra we Ngai wetû. Twaragia ûvoro wa gûkinyanîrîria na gûkanîrîra, ngoro cietû ciîciragia na ikaria ciugo cia maveeni.

Jeremia 42:2

nîmaathiîre kûrî Jeremia na makîmwîra atîrî, “Wenda tu thikîrîria ûrîa tûrakûria! Îtîkîra gûtûthaithanîra kûrî Ngai-Mûnene Ngai waku, nîûndû wa andû aya matigarîte, (nîûndû twarî andû engî nwatî rîu tûtigarîte tûrî anini tu, wata ûguo ûrona).

Jeremia 42:20

namwîra atî mûrî aûru, na mûtûûrîre wenyu ûrî ûgwatirî nîûndû nîmwandûmire kûrî Ngai-Mûnene Ngai wenyu na mûkîmbîîra atî, ‘Tûvoere kûrî Ngai-Mûnene Ngai wetû, na ûrîa wonthe Ngai-Mûnene Ngai wetû akauga, nîtûgeka.’

Jeremia 7:10

Mûcokaga mûgaûka na mûkarûngama mbere yakwa, hekarûrî îno îtanîtue na rîîtwa rîakwa na mûkauga atî, ‘Tûrî agitîre.’ Na mûgacoka mûkathiî na mbere gwîka maûndû marîa nthûrîte.

Jeremia 7:9

Nî mwîaga, mûkaûragana, mûkatharia, mûkarutîra Baali magongoona na mûkagooca Ngai irîa mûtaicî.

Ezek 20:3

“Mûndû, arîria athuuri a Isiraeli ûmeere Ngai-Mûnene aramaûria kana nîkwa maûkîte gûtuîria wendi wakwa? Na ma wata ûrîa Nie Ngai ndûûraga mwoyo, wendi wakwa ndûgûtuîrua nî mue.

Amosi 5:18

Kaî andû arîa metagîrîra mûthenya wa Ngai-Mûnene marî na thîna-î. Mwetagîrîra mûthenya ûcio wa Ngai-Mûnene nîkî na ûkethîrwa ûrî mûthenya wa nduma na tî wa ûtheri.

Maariko 12:14

Nao nîmaathiîre kûrî ke na makîmwîra atîrî, “Mwarimû, tue nîtwîcî atî we waragia ûma ûtakûmakua nî ûrîa andû magwîciria. Ndwendaga kûmenya mûndû nî wa ngathî îrîkû, nwatî nîûthomithagia andû ûma wîgiî wendi wa Ngai. Tatwîre atîrî, watho wetû nîûtwîtîkîrîtie tûrutîre mûthamaki wa Roma gooti? Tûrutage gooti kana tûtikarutage?”

Maariko 6:20

nîûndû Herode arîkia kûmenya atî Johana aarî mûndû mûthingu na mûtheru, nîwamwîtigîre, na kwoguo akîmûgitîra. Nake Herode nîwendaga kûthikîrîria Johana wana ethîrwa nîwathînîkaga mûno ngororî yake amwîgua.

Johana 5:35

Johana aakengaga ta taa yakanîte, namue nîmwendire gûkenerera ûtheri ûcio wake kavinda kanini.

Tito 1:16

Maugaga atî nîmecî Ngai nwatî ciîko ciao nîireganîte na ûvoro ûcio. Nîmathwîre andû arîa engî, matiathîkaga na matingîvota gwîka ûndû mwaro.

Jakuvu 4:8

Ûkani vakuvî na Ngai nake nîagûka vakuvî namue. Mue evia, îtherieni njara cienyu. Mue mvinga ino îtherieni ngoro cienyu!