Isaia 58:1 - ÎVUKU RÎA ÛVORO MWARO

¹ Ngai-Mûnene arauga atîrî, “Anîrîra na vinya waku wonthe wata ûrîa ûngîvota! Menyithia nyomba ya Jakovu, andû akwa mevia mao!

Isaia 58:1 ပူးပေါင်းရင်းမြစ်များ

Isaia 2:5

Rîu, mue njiarwa cia Jakovu, ûkani tûthiîre ûtherirî wa Ngai-Mûnene.

Isaia 27:13

Mûthenya ûcio karumbeta kanene nîgakaavuvwa, nao Aisiraeli arîa maaûrîrîte vûrûrirî wa Asîria na arîa maavirîtwe îthamîriorî vûrûrirî wa Misiri nîmagaaûka na magoocere Ngai-Mûnene îgûrû rîa kîrîma kîrîa kîtheru Kîam Jerusalemu.

Isaia 40:6

Kûrî na mûgambo waugire atîrî, “Anîrîra!” Nanie ngîûria atîrî, “Manîrîre ndûî?” “Anîrîra atî: Andû onthe mekariî ta nyaki, ûthaka wao wîkariî ta maûa marî mûgûndarî.

Isaia 43:27

Îthe waku wa mbere nîwevirie; nao arîa maakwaragîrîria nîmaareganire nanie.

Isaia 50:1

Ngai-Mûnene arauga atîrî, “Maarûa îrîa yonanagia atî nîndete nyûkwe-î, îrî kû? Kana nî mûndû ûrîkû wa arîa nîrî na thirî wao nakwenderie? Ririkanani mevia menyu nîmo maatûmire mwendue, na waganu wenyu nîguo watûmire nyûkwe atewe.

Isaia 56:10

Atongoria ao onthe nî atumumu, onthe matirî na ûmenyo; onthe mekariî ta ngui irîa itagambaga, itingîkûûma; nwakwa marotaga mamamîte nthî, mendete mûno kûgocerera!

Isaia 57:12

Nie nîngaaumbûrîra andû ûvoro wa ûthingu wenyu na mawîra menyu, nwatî mîvuanano yenyu ndîkaamûguna.

Isaia 59:12

Nîûndû nîtûkûvîtîrîtie mûno. Mevia metû nîmaratûthitanga, nîûndû tûthiîcaga tûkuuîte mavîtia metû, na nîtîcî mawîvia metû monthe.

Jeremia 2:2

“Thiî wanîrîre andû onthe a Jerusalemu makîgucaga ûmeere Ngai-Mûnene arauga atî, “Nînîraririkana ûrîa warî mwîvokeku vîndî îrîa warî mwîthî, na ûrîa wamendete rîrîa warî mûviki, wana ûrîa warûmanagîrîra nanie werûrî, vûrûrirî ûrîa ûtaanavandwa kîndû.

Jeremia 36:9

Mwaka wa gatano wa Jehoiakimu mûvîcî wa Josia, mûthamaki wa Juda, mwerirî wa kenda, andû onthe a Jerusalemu na andû arîa maumîte matûûrarî ma Juda nîmanîrîre mûthenya wa kwînyerekia mbere ya Ngai-Mûnene.

Jeremia 6:17

Nînathuurire andû a kûmûrangîra na ngîmera atîrî, ‘Thikagîrîriani mîgambo ya tûrumbeta.’ Nwatî nîmambîrire atîrî, ‘Tîtûthikîrîria.’

Maca 2:14

Arathi enyu nîmoonete cioneki cia maveeni, nîmakunîkîrîte mavîtia maku nîguo mavote gûkûrûnga, nwatî cioneki ciao ciarî cia maveeni.

Ezek 11:4

Kwoguo we mûndû, marathîre rîu ûndû ûreganîte nao.”

Ezek 16:2

“Mûndû, menyithia îtûûra rîa Jerusalemu maûndû marîa macûku rîkîte.

Ezek 20:4

“Mûndû, nîûgaatuîra andû aya? Mamenyithie maûndû marî mûgiro marîa meekirwe nî methe mao ma tene.

Ezek 22:2

“We mûndû, nîûgaatuîra ciira îtûûra rîîrî rîcûrîte aûragani? Rîmenyithie maûndû monthe marîa marî mûgiro rîaneka.

Ezek 23:36

Ngai-Mûnene nîwambîrire atîrî, “We mûndû, nîûgûtuîra Ohola na Oholiba ciira? Meere maûndû marîa marî mûgiro mekîte.

Ezek 33:3

Mûndû ûcio angîona nthû ciûkîte vûrûrirî ûcio nwa avuve karumbeta nîguo amenyithie andû.

Hosea 8:1

Vuva karumbeta! Nthû cienyu ciûkîte ta ndiiû, kûtharîkîra nyomba ya Ngai-Mûnene, nîûndû andû akwa nîmaunîte kîrîkanîro kîrîa narûthire nao, na magîtiganîria watho wakwa.

Jona 1:2

“Ûkîra ûthiî Nineve, îtûûra rîu rînene na ûrîrume; nîûndû nîmenyete ûrîa andû a kuo marî aganu.”

Tito 2:15

Thomithagia andû maûndû mama, makanagie na ûmekagîre vinya ûgîtûmagîra wathani waku. Ndûkanareke mûndû wana ûrî kû akwire.

Kûguû 1:10

Mûthenya wa Mwathani nînecûrîtwe nî roho mûtheru. Roho ûcio mûtheru nîwamvotithirie kwîgua mûgambo mûnene, ûrîa wagambire ta mûgambo wa karumbeta vuva wakwa.

Kûguû 4:1

Vuva wa ûguo nie nînagîre na kîoneki kîngî, nînoonire mûrango ûrî mûvingûre kûu îgûrû. Naguo mûgambo wa ûrîa neguîte ûkîmbarîria na mûgambo ta wa karumbeta, nîwambîrire atîrî, “Unûkia ûûke ava, nanie nîngûkwonia maûndû marîa mageekîka vuvarî.”