Isaia 57:9 - ÎVUKU RÎA ÛVORO MWARO

⁹ Mwîvakaga manyamû manungi waro na maguta mûgacoka mûkathiî kûgooca ngai ya mûvuanano îrîa îtagwa Moleku. Mwatûmire anjaama enyu mathiî kûndû kûraca, nginya magîkinya kwa arîa akuû.

Isaia 57:9 ပူးပေါင်းရင်းမြစ်များ

Nthi 7:17

Nî minjaminjîrîtie ûrîrî wakwa na mînyamû mînungi waro ya mûtî wa mare, mînyamû mînungi waro na cinamoni.

Isaia 2:9

Kwoguo wa mûndû nîakegwithua nthoni na aconorithue. We Ngai ndûkamovere wanarî vanini!

Ezek 16:33

Arûme nîmavecaga maraa monthe indo, nwatî we nîwe wamavecaga. Wamavakaga makauma kûndû kuonthe nîguo ûrûthe ûmaraa nao.

Ezek 23:16

Rîrîa oonire mbica icio nîwerirîrie arûme acio na agîtûma anjaama kûrî o vûrûrirî wa Kalidei.

Ezek 23:40

“Erîtu aya nîmaatûmaga anjaama mathiî magete andû kuuma kûraca, na nîmaaûkire. Nîûndû wao erîtu aya nîmeethambagia, makevaka rangi metho na makegemia na mathaga.

Danieli 11:36

“Mûthamaki wa Sîria nîageka kwenda gwake. Ke nîakenenevia gûkîra ngai cionthe na arume Ngai Ûrîa Mûnene gûkîra Ngai cionthe. Ageka ûguo nginya rîrîa Ngai akaamûverithia; nîûndû ûrîa Ngai avangîte gwîka nwanginya ûkaavinga.

Hosea 12:1

“Andû a Efiraimu maguîmaga rûkûngi, marûmanagîrîria na rûkûngi rwa mwena wa îrathîro mûthenya mûgima. Maveeni na mbaara nîciongererekaga gatagatî kao. Nîmanyitanagîra a Asîria na makavûra mbiacara na Misiri.”

Hosea 7:11

Efiraimu nî ta ndutuura nditu, nî kîrimû gîteciragia. Mavinda mamwe arî Misiri na mavinda meengî arî Sîria kûvoya ûtethio.

Akol 2:18

Mûtigetîkîre gûtuîrwa nî mûndû wa wonthe ûrîa wendaga kwînenevia akiugaga atî ke nîwonaga cioneki, na wendaga kwîyonania ûrîa arî mwînyivia na ûrîa agoocaga araika. Mûndû ta ûcio etîîaga atarî na gîtûmi nîûndû wa meciria make ma ûmûndû,