Isaia 57:15 - ÎVUKU RÎA ÛVORO MWARO

¹⁵ “Ûguo nîguo Ke Ûrîa ûrî îgûrû mûno, Ke Ûrîa wambararîtue mûno, ûrîa ûtûûraga tene na tene na ûrîa wîtagwa Mûtheru arauga. “Nie mbîkaraga kûu îgûrû kûrîa kûtheru, mbîkaraga na andû athînîku na enyivia. Nîngekîra mîoyo arîa maarî enyivia, na gwîkîra vinya arîa enyivia.

Isaia 57:15 ပူးပေါင်းရင်းမြစ်များ

Kîam 21:33

Iburahimu nîwavandire mûtî ûrîa wîtagwa mûkarakaba vau Beerisheba na akîgooca Ngai-Mûnene, Ngai ûrîa ûtûûraga mwoyo arî vo.

1Atha 8:27

“Nwatî we Ngai nama nwa ûtûûre gûkû nthî? Taroria, kûu îgûrû wana îgûrû mûno ndûngîganîra; ûngîganîra hekarûrî îno ngûtumîrîte atîa?

2Maû 34:27

nîûndû nîûreririre na wenyivia mbere ya Ngai rîrîa ûregwire ciugo ciake ciîgiî kûndû gûkû na andû arîa matûûraga kuo, nîûrenyivirie mbere yakwa, na mwatembûranga nguo ciaku nîûndû wa kîeva na ûkîndîrîra, wananie nînegua mavoya maku.

Ayubu 22:29

Nîûndû Ngai nîanyivagia arîa etîi, na akavonokia arîa menyivagia.

Ayubu 6:10

Ûndû ûcio nwa ûtûme mbîganîre, nîngîakenire wana ethîrwa naarî na ûrûrû mwîngî, nîûndû ndianaregana na ciugo cia Ûrîa Mûtheru.

Thaburi 111:9

Ngai-Mûnene nîwakûûrire andû ake, na akîrûtha nao kîrîkanîro gîa gûtûûra tene na tene. Ke nî mûtheru na nîwa gwîtigîrwa!

Thaburi 115:3

Ngai wetû arî îgûrû; na ekaga ûrîa onaga kwagîrîrîte.

Thaburi 123:1

We Ngai-Mûnene, nîwe ndoretie, we wathanaga ûrî kûu îgûrû.

Thaburi 138:6

Wana ethîrwa we Ngai-Mûnene ûrî îgûrû mûno, nîûmenyagîrîra andû arîa menyivagia. Nwatî arîa etîi nîûmamenyaga ûrî wa kûraca.

Thaburi 138:7

Wana nîngîvîtûkîrîra mathînarî we nîûngitagîra, nîûngitagîra kuuma kûrî marakara ma nthû ciakwa, na nîûmvonokagia na vinya waku.

Thaburi 147:3

Ke nîavonagia arîa akuû ngoro, na akamova ironda ciao.

Thaburi 34:18

Ngai-Mûnene arî vakuvî na arîa akuû ngoro; nîavonokagia arîa onthe matete mwîvoko.

Thaburi 34:19

Andû arîa athingu matî mathîna meengî mûno, nwatî Ngai-Mûnene nîamavonokagia kuuma kûrî mo monthe.

Thaburi 51:17

Îgongoona rîakwa kûrî we Ngai, nî ngoro îrî na wînyivia; ndûkaarega ngoro îrî na wînyivia na ûveri.

Thaburi 51:19

Nîûgaacoka ûkenue nî magongoona marîa ma ma na matega metû ma kûvîvua; na ndegwa nîigaacoka irutîrwe metharî yaku ya kîgongoona.

Thaburi 83:18

Tiga mamenye atî we wenga nîwe Ngai-Mûnene, nîwe wathanaga nthî yonthe.

Thaburi 90:2

Mbere ya irîma igîa kuo na mbere ya ûmba nthî, we nîwe Ngai kuuma tene nginya tene.

Thaburi 93:2

We Ngai-Mûnene, gîtî gîaku Kîam ûthamaki gîtûûraga gîkindîrîtie kuuma Kîammbîrîria, na warî kuo kuuma tene.

Thaburi 97:9

We Ngai-Mûnene, nîwe wathaga nthî yonthe; ûrî mûnene gûkîra ngai cionthe cia mîvuanano.

Thaburi 99:3

Andû onthe nîmakumie rîîtwa rîake rînene na rîa gwîtigîrwa! Ke nî Mûtheru!

Ntha 15:11

Ngai-Mûnene, nî ngai îrîkû gatagatî ka ngai îkariî tawe? Nî ûrîkû wîkariî tawe, we ûrî ûthingu wa magegania? Nî ûrîkû ûngîringa ciama na ciîko cia vinya ta ciaku?

Ntha 15:13

Na ûndû wa wendo waku ûtathiraga, nîwatongoririe andû arîa we wakûûrîte; na njîra ya vinya waku nîwamonererie kûrîa we wamûrîte.

Ntha 15:18

We Ngai-Mûnene nîûtûûra ûrî mûthamaki tene na tene.”

Ntha 40:34

Îtu nîrîacokire rîgîkunîkîra îgema rîa Ngai-Mûnene, naguo riiri wa Ngai-Mûnene ûgîcûra kuo.

Ntha 40:35

Nake Musa nîwaremirwe nî gûtonya îgemarî rîu rîa Ngai-Mûnene nîûndû wa riiri ûcio wa Ngai-Mûnene.

Nthi 16:19

Nî kava gûtuîka mûndû mwînyivia na mûthîni, gûkîra kûgaana indo irîa itavîtwe na andû etîi.

Nthi 8:23

Tene mûno Kîammbîrîriarî nîrîo naaûmbirwe, nînie naarî wa mbere nthî îtanaûmbwa.

Isaia 18:4

Nîûndû Ngai-Mûnene ambîrîte atîrî, “Nîngaaroria gûkû nthî ngirîte nîrî îgûrû kûrîa ndûûraga, nîngaaroria ngirîte nîrî kûrîa ndûûraga, ngirîte ta ûrugarî vîndî îrîa riûa rîarîte, ta ûrîa îtu rîa îme rîgûcaga vîndî ya maketha.

Isaia 33:5

Ngai-Mûnene nî mûnene, ke atûûraga îgûrû; nîagecûria Zayuni na kîvooto na ûthingu.

Isaia 40:28

Anga mue mûtiîcî? Anga mûtirî egu? Ngai-Mûnene nîke Ngai ûrîa ûtûûraga tene na tene, nîke mûmbi wa indo cionthe cia nthî. Ke ndathiraga vinya kana anoga, ûmenyo wake ndûngîmenyeka nî mûndû.

Isaia 52:13

Ngai-Mûnene arauga atîrî, “Ndungata yakwa nîkaathatûkwa wîrarî wayo, nîkaanenevua, yambararue na nîkaavewa gîtîîo mûno.

Isaia 6:1

Mwaka ûrîa mûthamaki Uzia aakwire, nînonire Mwathani ekarîrîte gîtî gîake Kîam ûthamaki kîrî vandû îgûrû mûno; nayo nguo yake ndaca yecûrîte hekarûrî yonthe.

Isaia 6:3

Wa ûmwe wa Aserafi acio etaga ûrîa wîngî akiugaga atîrî, “Mûtheru, mûtheru, mûtheru! Ngai-Mûnene, mwene vinya wonthe nî mûtheru! Riiri wake wîcûrîte nthî yonthe.”

Isaia 63:15

We Ngai-Mûnene, ûtûrorie kuuma îgûrû, kûrîa ûtûûraga na kûtheru. Ûtugi waku mwîngî na vinya waku kûrî tue irî kû? Wendo waku na ntha ciaku irî kû? Ndûgatûtiganîrie.

Jeremia 10:10

Nwatî Ngai-Mûnene nîke Ngai wa ma, nî Ngai ûrîa ûtûûraga mwoyo na nî mûthamaki wa tene na tene. Angîrakara nthî nîîthingithaga, na ndûrîrî itingîûmîrîria marakara make.

Maca 3:41

Nîtûrorie ngoro cietû kûrî Ngai na tûûkîrîrie njara tûmûvoe atîrî:

Ezek 16:63

Nîngaakûrekera mavîtia monthe marîa waneka. Nawe waririkana maûndû monthe marîa waneka nîûkaamaka, na ndûkaaria rîngî nî gîconoko.” Nie Ngai-Mûnene nînie mbugîte ûguo.

Ezek 9:4

na akîmwîra atîrî, “Vîtûkanîria îtûûrarî rîonthe rîa Jerusalemu na wîkîre rûûri mothiûrî ma andû onthe arîa maracaya na mararîra nîûndû wa maûndû marîa macûku marekwa îtûûrarî.”

Danieli 2:11

Maûndû marîa we Mûthamaki wetû ûraûria nî maûmû mûno na gûtirî mûndû ûngîkwîra mo tiga ngai irîa itatûûranagia na andû.”

Danieli 4:17

Îtua rîîrî rîathanirwe kûvîtûkîrîra kûrî mûrangîri ûrîa mûvinyaru. Kwoguo andû onthe a nthî nîmamenye atî Ûrîa ûrî Îgûrû Mûno nîke wathaga mothamaki na andû, na nîke ûvecanaga ûthamaki kûrî mûndû ûrîa akwenda, wana ethîrwa nî mûndû ûrîa ûtarî îgweta.”

Danieli 4:34

Mîaka mûgwanja yathira, nie mûthamaki Nebukadinezarû nînaroririe îgûrû kûrî Ngai na ngîcokerwa nî ûgima wa meciria na ngîambîrîria kûgooca Ngai ûrîa wî îgûrû mûno; nînaamûkumirie na ngîmûva gîtîîo na riiri, ûcio ûtûûraga tene na tene nîûndû: Nîatûûra athanaga tene na tene naguo wathani wake ûgaakinyagîra njiarwa na njiarwa.

Joeli 2:13

Tembûrangani ngoro cienyu na mûtigatembûrange nguo cienyu.” Cokererani Ngai-Mûnene, Ngai wenyu, ke ecûrîtwe nî ntha na nî mûtugi, ndarakaraga na îvenya na arî wendo ûtathiraga; ke nîovanagîra agatiga kûverithania.

Mika 5:2

Ngai-Mûnene augîte atîrî, “We Bethilehemu Efiratha, nîwe îtûûra rîrîa rînini mûno Juda. Nwatî mûndû ûrîa ûkaathana Isiraeli vandûrî vakwa akaauma kûrî we, na nîwa njiarwa cia methe ma tene.”

Mika 6:8

Naarî, Ngai-Mûnene nî atwonetie ûndû ûrîa mwaro, ûndû ûrîa endaga kuuma kûrî tue nî: maûndû ma kîvooto, kwîgucanîra ntha, kûgîa na wendo ûtathiraga na gûtûûra wînyivîtie mbere ya Ngai waku.

Zakaria 2:13

Andû onthe kirani mûrî mbere ya Ngai-Mûnene, nîûndû nîagûka aumîte kûndû gwake kûrîa kûtheru.

Zakaria 9:9

Mue andû a Zayuni kenani mûno; Mue andû a Jerusalemu ugîrîriani na vinya. Taroriani, mûthamaki wenyu nîaûkîte kûrî mue, aûkîte akenete na arî na ûvootani. Nî mwînyivia na akuuîtwe nî mvunda, akuuîtwe nî njaû ya mvunda.

Mathaayo 6:9

Kwoguo voyagani atîrî: ‘Vava wetû ûrî îgûrû, rîîtwa rîaku rîtheru rîrokumua.

Luka 1:49

nîûndû wa maûndû manene marîa Ngai mwene vinya ambîkîrîte. Rîîtwa rîake nî rîtheru;

Luka 4:18

“Roho wa Ngai ûrî vamwe nanie, nîûndû nîamvakîte maguta, nîguo ngavunjîrie andû arîa athîni Ûvoro Mwaro. Nîandûmîte nthiî nganîrîre atî andû arîa moveetwe nî makûrekererua, atumumu nîmagûcoka kwona, na njoke manîrîre atî andû arîa mavinyîrîrîtue nîmagûtethûrwa,

Ciîko 3:14

Mue nîmwaregire Ûrîa Mûtheru na Mûthingu na mûkîûria Pilato amwovorere mûragani vandû vake.

Aroma 1:20

Kuuma rîrîa Ngai aaûmbire nthî, maûndû make marîa matoonekaga nîmamenyekete waro. Maûndû mau nî vinya wake ûrîa ûtûûraga tene na tene na ûngai wake. Andû nîmataûkagîrwa nîmo waro maroria indo irîa Ngai aaûmbire na kwoguo gûtirî na mûndû ûngîgîa na kîîgwatio.

2Akor 1:4

Ke nîatûmagîrîria mathînarî metû monthe nîguo tûvotage kûmîrîria arîa engî marî na mathîna ma mîthemba yonthe, tûgîtûmagîra ûmîrîru wata ûrîa tue ene tûgwatîte kuuma kûrî Ngai.

2Akor 2:7

Nwatî rîu nîmwagîrîrîtwe nî kûmwovera na kûmûmîrîria nîguo ndakathiî mbere kûgîa na kîeva kîrîa kîngîtûma ata mwîvoko.

2Akor 7:6

Nwatî Ngai ûrîa ûmagîrîria arîa marî na mathîna, nîwatûmîrîrie rîrîa Tito aûkire.

Gûco 33:27

Ngai ûrîa ûtûûraga tene na tene nîke ûmûgitagîra; vinya wake ûrîa ûtûûraga tene na tene nîguo ûmûnyitagîrîra. Nîwengataga nthû cienyu wa ûrîa mwathiîcaga na mbere, na nîwamwîrire mûicûkangie viû.

1Tim 1:17

Mûthamaki ûrîa ûtûûraga tene na tene, ûrîa ûtathiraga na ûtonekaga na nwake Ngai tu, arotîîwa na agakumua tene na tene! Ameni.

1Tim 6:16

Ke nîke tu ûtakucaga. Atûûraga ûtherirî ûtangîkuvîvîrua nî mûndû. Gûtirî mûndû wanamwona na gûtirî mûndû ûngîvota kûmwona. Ke arotîîwa na agîe na wathani ûrîa ûtathiraga! Ameni.

Ahib 9:14

na kinthî nthakame ya Kristû ndîngîmatheria mûno! Ke nîwerutire na njîra ya Roho wa Ngai ûrîa ûtûûraga tene na tene, nîguo atuîke îgongoona rîkinyanîru kûrî Ngai. Kwoguo nthakame yake îkaatheragia thamiri cienyu, nîguo mûtigane na ciîko irîa iretaga gîkuû, nîguo mûtungatagîre Ngai ûrîa ûtûûraga mwoyo.

Jakuvu 4:6

Nwatî Ngai nîavecanaga wega mwîngî makîria, wata ûrîa mandîko matheru maugîte atî, “Ngai nîareganaga na andû arîa etîi, nwatî nîavecaga arîa enyivia wega wake.”

1Pet 5:5

Na njîra wata îo, wa namue andû ethî athîkagîrani andû arîa akûrû. Muonthe arîa mwîtîkîtie înyivanagîrieni nîguo mûtungatanagîre, nîûndû mandîko matheru maugaga atîrî, “Ngai nîareganaga na andû arîa etîi, nwatî nîendete arîa menyivagia.”

Kûguû 15:4

Nîûrîkû ûtagagûtîîa na akumie rîîtwa rîaku, Mwathani? We nîwe wenga Mûtheru. Mavûrûri monthe nîmagaaûka na makûgooce, nîûndû ciîko ciaku cia kîvooto nîcionagwa nî andû onthe.”

Kûguû 3:7

“Andîka kûrî mûraika wa kanitha ûrîa ûrî Filadelifia atîrî: “Îno nîyo ndûmîrîri kuuma kûrî ûrîa mûtheru na wa ma. Ke arî na cavi îrîa yarî ya Daudi. Ke aravingûra mûrango gûtirî mûndû ûngîvota kûûvinga, na ke araûvinga gûtirî mûndû ûngîvota kûûvingûra.

Kûguû 4:8

Wa kîûmbe gatagatîrî ka icio inya ciarî mwoyo Kîamrî na mathagu matandatû na nîgîecûrîte metho kûndû kuonthe nja na ndaarî. Ûtukû na mûthenya nî cinaga itagûtigithîria ikiugaga atîrî: “Mûtheru, Mûtheru, Mûtheru, nî Mwathani Ngai mwene vinya wonthe, ûrîa warî kuo, ûrî kuo, na ûgaaûka.”

1Sam 2:2

Gûtirî wîngî mûtheru ta Ngai-Mûnene, gûtirî wîngî ûngîvanana nake, gûtirî mûndû ûngîvota gûtûgitîra ta Ngai wetû.