Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Isaia 57:13 - ÎVUKU RÎA ÛVORO MWARO

13 Vîndî îrîa mûgaakaya mûgîtia ûtethio, mîvuanano îo yenyu nîîkamûvonokia! Rûkûngi nîrûkaamîvuruta îthiî kûndû kûraca. Nwatî arîa manîîvokete nîo makegwatîra vûrûri ûtuîke wao, na magae Kîrîma gîakwa kîrîa Kîammûre.”

အခန်းကိုကြည့်ပါ။ ကော်ပီ




Isaia 57:13
39 ပူးပေါင်းရင်းမြစ်များ  

Elisha nîwerire mûthamaki wa Isiraeli atîrî, “Nîngûtethia nîkî? Thiî kûrî arathi a aguo na nyûkwe.” Nwatî mûthamaki wa Isiraeli nîwacokerie Elisha atîrî, “Naarî! Nî Ngai-Mûnene ûtwîtîte vamwe tûrî athamaki athatû nîguo atûnenganîre kûrî mûthamaki wa Moabu.”


Mekariî ta macaki marîa magûrûkagua nî rûkûngi, kana ta makoro marîa magûrûkagua nî rûkûngi rûnene.


Nwatî andû arîa aganu matiîkariî ûguo; mekariî ta macaki marîa magûrûkagua nî rûkûngi.


Nîkava kwîthitha kûrî Ngai-Mûnene gûkîra kwiga mwîvoko kûrî mûndû.


Arîa mevokete Ngai-Mûnene mekariî ta Kîrîma gîa Zayuni, kîrîa gîtanginainua, nwatî gîtûûraga tene na tene.


Nwatî andû arîa avooreri nîo makeegwatîra nthî, na makenagîre ûtûûro mwaro na thayû.


Andû arîa arathime nî Ngai-Mûnene nîmakagaa nthî, nwatî arîa arume nîke nîmakaathirua.


Andû arîa athingu nîmakaagaa nthî, na matûûre kuo tene na tene.


Îîvokeni Ngai-Mûnene na mwîkage waro, nîguo mûtûûre vûrûrirî ûyû mûrî na thayû.


Îîvokeni Ngai-Mûnene na mûrûmagîrîre maathani make; nîakaamûtûgîria na mwîgwatîre vûrûri, na nîmûkoona andû arîa aganu magîcûkangua.


Andû arîa mekaga maûndû macûku nîmagaacûkangua, nwatî arîa mevokete Ngai-Mûnene nîo makegwatîra nthî.


Nîmagaatemangwa matakûmenya ta ria, Ngai nîakaamavuruta arî na marakara mathire, na îvenya makîria ya ûrîa nyûngû îviûvaga îrî riiko.


We Ngai-Mûnene, mwene vinya wonthe, kûrathimwa nî mûndû ûrîa ûkwîvokete.


Mûndû mwîyendi nîatûmaga kûgîe na ngucanio, nwatî ûrîa wîvokete Ngai-Mûnene nîarathimagwa.


Kîrîmarî kîrîa kîtheru Kîam Ngai, gûtigativanua kana gwîkwa maûndû macûku. Nîûndû nthî îkethîrwa îcûrîte ûmenyo wa Ngai-Mûnene, ta ûrîa manjî methagîrwa mecûrîte îriarî.


Anjaama arîa makaauma vûrûrirî ûcio magaacokerua atîa? Makerwa atî, Ngai-Mûnene nîatumîte îtûûra rîa Zayuni, kûu nîkuo andû ake arîa marî na thîna maûragîra.


Nîûndû we nîwe mûgitîri wa andû arîa athîni, mûgitîri wa ngîa vîndî îrîa irî na mathîna. We nîwe ûmagitagîra kuuma kûrî rûkûngi rûnene, na nîwe kîruru Kîamo Kîam vîndî ya ûrugarî. Nîûndû îringa rîa mûndû ûtarî ntha rîkariî ta rûkûngi rûnene rûringîte rûthingo;


Wa rîrîa mavandwa na mambîrîria kûmera, wana matarî aumu mîri ta ûrîa mûtî ûtonyagia mîri mûtheturî, Ngai-Mûnene angîmavuva na mîvevû nîkwa mavovaga, rûkûngi rûnene rûmagûrûkagia ta macaki.


Mûkaavuva irîma icio naruo rûkûngi rûigûrûkie kûndû kûraca, naruo rûkûngi rûnene rûinyaganie. Namue nîmûgaakena nîûndû wa Ngai-Mûnene, na mûkumie Ûrîa Mûtheru wa Isiraeli.


Ngai-Mûnene arauga atîrî, “Ûnganani vamwe mûke mue andû a ndûrîrî arîa mûtigarîte, mue mûtarî na ûmenyo; mue mûthiîcaga mûkuuîte mîvuanano ya mîtî, na mûvoyaga ngai irîa itangîvota kûvonokania.


Ngai-Mûnene arauga atîrî, “Vîndî îrîa mbagîrîru, nînagûcokerie îvoya rîaku, mûthenya wa kûvonokania nînagûtethirie; nîngwigîte na ngarûtha kîrîkanîro na andû a mavûrûri monthe na njîra yaku. Nîngaatûma ûtûûre rîngî vûrûrirî ûrîa watiganîrue ûtarî kîndû, ûtuîke îgai rîenyu.


nîngaamavira kîrîmarî gîakwa Kîammûre, na ndûme magîe na gîkeno marî nyombarî yakwa ntheru, na nîngaamûkîra magongoona marîa makaarutagîra metharî yakwa. Nîûndû nyomba yakwa nîgeetagwa: ‘Nyomba ya kûvoyagîrwa nî andû a ndûrîrî cionthe.’ ”


Andû aku onthe makethîrwa marî athingu, na nîmakegwatîra vûrûri tene na tene. O magaatuîka ta mûtî ûrîa mvandîte nie mwene, nîguo ngumague nî andû onthe.


“Nwatî mue arîa mwandiganîrie nie Ngai-Mûnene, arîa mwariganîrwe nî Zayuni, kîrîma kîrîa gîakwa Kîammûre, mue arîa mûgoocaga ngai irîa ciîtagwa Gadi na Meni, ngai cia mûnyaka na mûtino;


Ciathi na ng'ondu ikaarîcaga vamwe; mînyambû îkaarîcaga nyaki ta ndegwa, nacio njoka ikaarîcaga mûthetu. Kûu kîrîmarî gîakwa kîonthe kîrîa kîtheru, gûtirî mûndû ûgaativia kana acûkangie ûrîa wîngî.”


Nîngaatûma kûgîe na njiarwa kuuma kûrî Jakovu, na ndûme Juda kuume andû arîa makaagaa vûrûri wakwa ûrîa ûrî irîma. Andû arîa nthuurîte nîo makaaûgaa, nao arîa mandungatagîra nîo magaatûûra kuo.


Nîmakaaûngania andû onthe a rûrîrî rwenyu kuuma ndûrîrîrî cionthe mamarete kûrî nie Ngai-Mûnene marî îtega. Makaamarete makuuîtwe na mbarathi, ikaari cia mbarathi, mataratî, nyûmbû, na ngamîîra kîrîmarî gîakwa kîrîa kîtheru kûu Jerusalemu, wata ûrîa Aisiraeli maretage irio ciao cia mîgûnda nyombarî ya Ngai-Mûnene maciîkîrîte ciondorî ino ntheru.


Nwatî irîkû ngai cienyu icio mwîrûthîrîte? Nîciûkîre, ethîrwa nwa ivote kûmûtethia, vîndî îrîa mûrî thînarî. We Juda mwîgana wa ngai ciaku nîta mwîgana wa matûûra maku.


Mue andû a Jerusalemu thiîni kîrîmarî Kîam Lebanoni mûkarîre, ugîrîriani mûrî Bashani, rîrani mûrî kîrîmarî Kîam Abarimu, nîûndû anyanya enyu onthe nîaûrage.


Atongoria enyu makagûrûkua nî rûkûngi, anyanya enyu nîmakavirwa îthamîriorî. Nîmûgaaconoka na mûrurûkwe, nîûndû wa waganu wenyu wonthe.


Anyanya aku onthe nîmariganîrîtwe nîmue; matitindanagîrîra namue. Nîmûtharîkîrîte ta ûrîa mûndû atharîkagîra nthû, nîmûverithîtie ndakûmwîguîra ntha. Nîûndû mavîtia menyu nî manene, na mevia menyu nî meengî.


Nîûndû kîrîmarî gîakwa kîtheru, kûu kîrîmarî gîa Isiraeli îgûrû, nîkuo andû a Isiraeli makaangoocagîra. Nîngaamamûkîra, na nîngenda mandutîre indo ciao na mandutîre magongoona ma maketha mao ma mbere. Wana nîngetîkîra indo ciao cionthe irîa ntheru.” Ûguo nîguo Ngai-Mûnene augîte.


Kwoguo nîmakaathira wa rîmwe ta nundu ya kîraûko, kana mathire wa rîmwe ta îme, kana ta mavûngo marîa magûrûkagua nî rûkûngi, kana ta ndogo îrîa yumaga nyomba.


Vîndî îo nîrîo we Isiraeli ûkaamenya atî, nînie Ngai-Mûnene Ngai waku, ndûûraga Zayuni, kîrîmarî gîakwa kîtheru. Jerusalemu îkethîrwa îrî ntheru, na ageni matikaarîvoota rîngî.


Nîmaaregire kûnthikîrîria rîrîa naamaragîria, kwoguo wananie mamvoya ndiamacokeria.


Thiîni mûkarîrîre ngai icio mwathuurire nîguo imûvonokie rîrîa mûranyamarîka.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ