Isaia 57:11 - ÎVUKU RÎA ÛVORO MWARO

¹¹ Ngai-Mûnene araûria atîrî, “Mwegucaga guoya na mûgetigîra ûrîkû, atî nîguo mûveenanie, na mûtiandirikana, wana kana mwîciria ûvoro wakwa wanarî vanini? Mwatigire kûnîîtigîra nîûndû nîngirîte kavinda karaca?

Isaia 57:11 ပူးပေါင်းရင်းမြစ်များ

Thaburi 50:21

Wîkîte maûndû mau monthe ngirîte, weciragia nie mbîkariî tawe? Nwatî rîu nînagûkaania, na nakûva ûvoro cararûkû.

Thaburi 78:36

Nwatî matiaragia maûndû ma ma, maûndû monthe marîa maamwîrire maarî ma maveeni.

Nthi 29:25

Gwîtigîra andû nî gwîtonyia mûtegorî we mwene, nwatî mûndû ûrîa wîvokaga Ngai-Mûnene ethagîrwa arî mûgitîre.

Mûvunjia 8:11

Ngoro cia andû ciîthagîrwa ciîvarîrîtie gwîka maûndû marîa macûku nîûndû îverithia rîa ûndû mûcûku rîtiîkagwa na îvenya.

Isaia 26:10

Nwatî wana mûndû mwaganu angîguîrwa ntha, nderutaga gwîka maûndû ma ûthingu; wana rîrîa arî vûrûrirî wa andû arîa athingu, nwa ekaga maûndû ma waganu; na ndakenagua nî ûnene wa Ngai-Mûnene.

Isaia 30:9

Nîûndû andû aya nîaremi, ciana itaragia ûma, na itegucaga mataaro ma Ngai-Mûnene.

Isaia 42:14

Ngai arauga atîrî, “Nîngirîrîrîtie kavinda karaca, ngakira kivi na ngevinga gwîka wanarî ûndû. Nwatî rîu nîngûrîra ta mûndûmûka arî na ûrûrû wa gûciara, nî ndeva na mbevûkîrîre na vinya.

Isaia 44:20

Mûndû ûcio arîcaga mûu, nîûndû meciria make nîmo mamûveenetie, akaremwa nî kwîvonokia wana kana kuga atîrî, “Kinthî tî maveeni nyitîte na njara yakwa ya ûrîo?”

Isaia 47:7

Weîrire atî nîûtûûra wî mûndûmûka mûthamaki tene na tene, na ndweciria maûndû mama ngororî yaku, kana wîciria ûrîa gûgekara mûthiiarî.

Jeremia 2:32

Mwîrîtu nwa ariganîrwe nî mathaga make, kana mûviki ariganîrwe nî nguo yake ya ûviki? Nwatî andû akwa nîmariganîrîtwe nînie, îvinda rîa mîthenya îtangîtarîka.

Jeremia 3:21

Mûgambo nîwîguîtwe tûthûrûmûndûrî twa irîma andû a Isiraeli makîrîra na makîîthaithanîra, nîûndû nîmacûkîtie mîthiîre yao, na nîmariganîrîtwe nî Ngai-Mûnene Ngai wao.

Jeremia 38:19

Nake mûthamaki Zedekia nîwerire Jeremia atîrî, “Nînîretigîra Ayahudi arîa maaumire gûkû makîthiî gîtûûra gwa Akalidei, nîûndû navota kûnenganîrwa kûrî o, nao mamverithie.”

Jeremia 41:18

nîûndû nîmetigagîra Akalidei kuuma vîndî îrîa Ishumaeli mûvîcî wa Nethania aaûragire Gedalia mûvîcî wa Ahikamu ûrîa wathuurîtwe atuîke mûnene wa vûrûri ûcio.

Jeremia 42:20

namwîra atî mûrî aûru, na mûtûûrîre wenyu ûrî ûgwatirî nîûndû nîmwandûmire kûrî Ngai-Mûnene Ngai wenyu na mûkîmbîîra atî, ‘Tûvoere kûrî Ngai-Mûnene Ngai wetû, na ûrîa wonthe Ngai-Mûnene Ngai wetû akauga, nîtûgeka.’

Ezek 13:22

“Maveeni menyu nîmathirîtie andû arîa athingu vinya, na ndiendaga kûmathiria vinya. Nîmwîkîrîte andû arîa aganu vinya nîguo matigatige gwîka maûndû ma waganu mavonokie mîoyo yao.

Hosea 11:12

Ngai-Mûnene arauga atîrî, “Andû a Efiraumu nîmanthiûrûrûkîrîtie na maveeni, na andû a Isiraeli nîmamveenagia. Andû a Juda nîmareganîte na Ngai mûnene, wana nîmareganîte na ûrîa mûtheru mûno.”

Mathaayo 25:25

Nie nînetigîre na kwoguo Nînathiîre na ngîthitha mbeca ciaku mûtheturî. Nacio mbeca ciaku nîcio ino, îcukia.’

Ciîko 5:3

Nake Petero nîwamûûririe atîrî, “Anania, ûretîkîrie Caitani atonye ngororî yaku nîkî, agîtûma ûveenie Roho Mûtheru na wîtigarîrie mbeca imwe kuuma kûrî irîa ûronire wendia mûgûnda?

2Ath 2:9

Mûndû ûcio Mwaganu nîagaaûka arî na vinya kuuma kûrî Caitani, ûrîa ûkonanua na njîra ya ciama nyîngî cia maveeni na maûndû mengî ma magegania.

1Tim 4:2

Andû mvinga na arîa mathanaga mathomithanagia maûndû ta mama. Thamiri cia andû ta aya nîciakwire na ciîkaraga takwa irî mvîvie na cuuma mviû.

Kûguû 21:8

Nwatî andû arîa iguoya, arîa matarî evokeku, arîa matarî atheru, mîtoi, arîa matharagia, arogi, arîa magoocaga mîvuanano, na arîa mavenanagia, nîmagaaikua îcuarî rîa mwaki ûrîa wakanaga na ûviriti, na nîkîo gîkuû gîa kaîrî.”

Kûguû 22:15

Nwatî nakûu nja ya îtûûra nîkuo kûrî andû arîa mekaga maûndû macûku na arîa maragûraga, arîa mekaga maûndû ma ûtharia na aûragani. Na nwakuo kûrî avoi mîvuanano na arîa maveenanagia na ciîko na mîario yao.